ລິ້ງ ສຳຫລັບເຂົ້າຫາ

ເຈົ້າໜ້າທີ່ເກົາຫລີໃຕ້ກ່າວວ່າ ຊາວເກົາຫລີເໜືອສາມຄົນ ທີ່ຖືກຊ່ວຍຊີວິດ​ໄວ້​ຢູ່ກາງທະເລ ເມື່ອຕົ້ນອາທິດນີ້ ຈະ​ໄດ້​ຮັບອະນຸມັດໃຫ້ຂໍລີ້ໄພທາງການເມືອງໃນເກົາຫລີໃຕ້​ໄດ້ ​ແຕ່ຊາວ ເກົາຫລີເໜືອຄົນທີສີ່ ໄດ້ຮ້ອງຂໍ​ໃຫ້​ສົ່ງ​ຕົນ ກັບຄືນ​ເມືອບ້ານ.

ແມ່ຍິງເກົາຫລີເໜືອ ຈໍານວນນນື່ງ ທີ່ໄດ້ໂຕນໜີ ມາຍັງເກົາຫລີໃຕ້.
ແມ່ຍິງເກົາຫລີເໜືອ ຈໍານວນນນື່ງ ທີ່ໄດ້ໂຕນໜີ ມາຍັງເກົາຫລີໃຕ້.

ເຈົ້າໜ້າທີ່ກະຊວງທ້ອນໂຮມ​ເກົາຫລີທ່ານ​ນຶ່ງກ່າວ​ໃນວັນເສົາວານນີ້ວ່າ ຊາວເກົາຫລີ ເໜືອສາມຄົນນັ້ນ ຈະ​ໄດ້​ຮັບອະນຸຍາດໃຫ້ຢູ່ ໃນເກົາຫລີໃຕ້ຕໍ່ໄປ ຕາມຫລັກການດ້ານມະ ນຸດສະທໍາ ​ແລະວ່າສໍາລັບຊາວເກົາຫລີເໜືອ ຄົນທີສີ່ນັ້ນ​ ເວລາ​ນີ້ສະພາກາແດງກໍາລັງຈັດ​ແຈງ​ເພື່ອສົ່ງຜູ້ກ່ຽວກັບຄືນໄປເກົາຫລີເໜືອ.

ໜ່ວຍຍາມຝັ່ງຂອງເກົາຫລີໃຕ້ໄດ້ຊ່ວຍກູ້ໄພຊາວເກົາຫລີ​ເໜືອທັງສີ່ຄົນ ເມື່ອວັນຈັນຜ່ານມາ ນີ້ ​ເວລາໄປພົບເຫັນພວກເຂົາເຈົ້າລອຍລໍາຢູ່​ໃນເຮືອນ້ອຍໆລໍານຶ່ງ ຢູ່​ໃກ້ເກາະ Ulleung ນອກຝັ່ງຕາເວັນອອກຂອງແຫລມເກົາຫລີ. ອົງການຂ່າວຢົນຮັບຂອງເກົາຫລີໃຕ້ກ່າວວ່າ ​ເວລາ​ນີ້ ທາງເຈົ້າໜ້າທີ່ສືບລັບແລະຕຳຫລວດ ກໍາລັງທຳການສືບສວນ ກ່ຽວ​ກັບ​ເຈດຕະ ນາທີ່​ແທ້​ຈິງຂອງຊາວເກົາຫລີເໜືອທັງສີ່ຄົນນັ້ນ.

XS
SM
MD
LG