ເກົາຫລີເໜືອຍິງປືນໃຫຍ່ ໃສ່ເກົາຫລີໃຕ້

ກະຊວງ​ປ້ອງ​ກັນ​ປະ​ເທດ​ເກົາຫລີໃຕ້​ກ່າວ​ວ່າ ​ເກົາ​ຫລີ​ເໜືອ
ໄດ້​ຍິງ​ປືນ​ໃຫຍ່ມາ​ໃສ່​ເຂດ​ນ່ານນໍ້າ ນອກ​ຝັ່ງ​ທະ​ເລ​ກໍ້າ​ຕາ
ເວັນຕົກ​ຂອງ​ຕົນ​ໃນ​ວັນ​ຈັນ​ມື້ນີ້. ບໍ່​ເປັນ​ທີ່​ແຈ້ງ​ຂາວ​ວ່າ​ເກົາ
ຫລີ​ເໜືອ​ໄດ້​ຍິງ​ປືນ​ໃຫຍ່​ມາ​ຈັກ​ລູກ ຫລື​ວ່າບໍລິ​ເວນ​ທີ່​ລູກ
ປືນ​ຕົກ​ໃສ່​ນັ້ນ ຢູ່​ໄກ້​ເຂດຊາຍ​ແດນ​ຂອງເກົາຫລີ​ໃຕ້​ໃນ​ທະ
ເລ ​ເຫລືອງ ທີ່​ເປັນ​ຈຸດ​ຜິດ​ຖຽງ​ກັນ​ກັບ​ເກົາຫລີ​ເໜືອ​ນັ້ນ
ຫລາຍ​ປາຍນໃດ. ເຫດກາ​ນດັ່ງ​ກ່າວ​ນີ້​ ​ແມ່ນໄດ້​ມີ​ຂື້ນນຶ່ງ​ມື້
ກ່ອນ​ທີ່ພວກນາຍພັນເອກຈາກ ເກົາຫລີເໜືອແລະຈາກ
ກອງບັນຊາການສະຫະປະຊາຊາດພາຍໃຕ້ການນໍາພາ ຂອງສະຫະລັດ ກໍາໜົດຈະ​ປະຊຸມກັນຢູ່ເຂດປອດທະຫານ ໃນຕອນເຊົ້າ ວັນອັງຄານມື້ອື່ນ ເພື່ອແຜ້ວທາງສຳລັບການພົບປະກັນລະຫວ່າງ ພວກນາຍພົນ ທີ່ຄາດວ່າຈະທໍາການໂອ້ລົມສົນທະນາກັນເລື້ອງຄວາມເຄັ່ງຕຶງ ທີ່ກໍາລັງເພີ່ມທະວີຂຶ້ນຢູ່ນີ້.

ໃນ​ອີກ​ເຫດການ​ນຶ່ງ​ນັ້ນ ເກົາຫລີ​ໃຕ້ໄດ້ຮຽກຮ້ອງ​ໃນ​ວັນ​ຈັນ​ມື້​ນີ້​ ໃຫ້​ເກົາຫລີ​ເໜືອ​ປ່ອຍ​ໂຕ​
ພວກ​ລູກ​ເຮືອ 7 ຄົນ​ຂອງ​ເຮືອ​ປະມົງເກົາຫລີ​ໃຕ້ລໍານຶ່ງ ພ້ອມ​ດ້ວຍ​ເຮືອ​ຂອງ​ເຂົາ​ເຈົ້າ ​ທີ່​ເກົາ
ຫລີ​ເໜືອ​ຍຶດ​ໄປ ໃນ​ວັນ​ອາທິດ​ວານ​ນີ້. ທ່ານ Chun Hae-sung ​ໂຄສົກ​ປະ​ຈໍາ​ກະຊວງ​
ທ້ອນ​ໂຮມ​ຊາດ​ຂອງ ເກົາຫລີ​ໃຕ້​ກ່າວ​ຕໍ່​ບັນດານັກ​ຂ່າວ​ໃນ​ວັນ​ຈັນ​ມື້​ນີ້​ວ່າ ລັດຖະບານ​ພຽງ ​ຢ້າງ​ບໍ່​ໄດ້​ສົ່ງ​ຂ່າວ​ຄາວ​ໃດໆ​ໃຫ້​ຮູ້​ເລີ​ຍ ​ກ່ຽວ​ກັບ​ພວກຊາວ​ປະມົງເຫລົ່າ​ນັ້ນ.