ກອງທັບເກົາຫລີເໜືອ ຂົ່ມຂູ່ໃນວັນອັງຄານມື້ນີ້ ທີ່ຈະຕອບ
ໂຕ້ຕໍ່ການຊ້ອມລົບທີ່ກອງທັບເຮືອຂອງເກົາຫລີໃຕ້ໄດ້ວາງ
ແຜນໄວ້ວ່າ ຈະຈັດຂຶ້ນ ໃນສັບປະດານີ້ ຢູ່ໃກ້ໆເຂດຊາຍ
ແດນທາງທະເລທີ່ເປັນບັນຫາໂຕ້ແຍ່ງກັນນັ້ນ.
ອົງການຂ່າວກາງຂອງທາງການເກົາຫລີເໜືອກ່າວວ່າທະ
ຫານຂອງຕົນຈະທຳການຕອບໂຕ້ຕໍ່ການຊ້ອມຍິງປືນ
ຂອງກອງທັບເຮືອເກົາຫລີໃຕ້ດ້ວຍການຕອບໂຕ້ທາງ ກຳລັງຢ່າງແຂງແຮງ.
ເກົາຫລີໃຕ້ວາງແຜນທີ່ຈະທຳການຊ້ອມລົບເປັນເວລາ 5 ມື້ ໃນທະເລເຫລືອງ
ຮວມທັງຢູ່ໃນບໍລິເວນໄກ້ໆຊາຍແດນທີ່ເປັນບັນຫາຂັດແຍ່ງກັນກັບເກົາຫລີເໜືອນັ້ນ
ເລີ້ມແຕ່ວັນພະຫັດຈະມານີ້ເປັນຕົ້ນໄປ ອັນເປັນການເຄື່ອນໄຫວຕອບຕໍ່ການທີ່ກໍາປັ່ນລົບ ຂອງຕົນລໍານຶ່ງຈົມນໍ້າໄປໃນເດືອນມີນາຜ່ານມາ ທີ່ຖິ້ມໂທດໃສ່ເກົາຫລີເໜືອນັ້ນ.
ກຸງພຽງຢ້າງປະຕິເສດວ່າ ຕົນບໍ່ມີສ່ວນພົວພັນໃດໆກັບການຈົມນໍ້າຂອງ ກໍາປັ່ນລົບ
Cheonan ນໍ້າໜັກ 1200 ໂຕນ ຊຶ່ງໄດ້ເຮັດໃຫ້ທະຫານ ເຮືອຂອງເກົາຫລີໃຕ້ 46 ຄົນ
ເສຍຊີວິດ.
ເກົາຫລີໃຕ້ແລະສະຫະລັດໄດ້ທຳການຊ້ອມລົບທາງເຮືອແລະທາງອາ ກາດຮ່ວມກັນ
ຄັ້ງໃຫຍ່ ໃນສັບປະດາແລ້ວນີ້ ໃນເຂດທະເລຍີ່ປຸ່ນ ທີ່ມີວັດຖຸປະສົງເພື່ອຍັບຍັ້ງການຮຸກ
ຮານຈາກເກົາຫລີເໜືອນັ້ນ.
