ຄະນະຜູ້ຕາງໜ້າເອກະຊົນເກົາຫລີໃຕ້ 2 ກຸ່ມໄດ້ເດີນທາງຂ້າມຊາຍແດນທີ່ມີການປ້ອງ
ກັນຢ່າງເຂັ້ມງວດເຂົ້າໄປໃນເກົາຫລີເໜືອແລ້ວ ເພື່ອໄປສະແດງຄວາມໄວ້ອາໄລອາວອນ
ນໍາມື້ລາງທ່ານກິມຈອງອີລ ຜູ້ນໍາເກົາຫລີເໜືອທີ່ໄດ້ເຖິງແກ່ມໍລະນະກໍາໄປໃນວັນທີ
17 ເດືອນທັນວາເດືອນນີ້.
ຄະນະຜູ້ຕາງໜ້າດັ່ງກ່າວແມ່ນພາຍໃຕ້ການນໍາພາຂອງນາງໝ້າຍຂອງອະດີດປະທານາ
ທິບໍດີ ກິມເດຈຸງ ທີ່ໄດ້ຈັດກອງປະຊຸມສຸດຍອດຄັ້ງປະວັດສາດຂຶ້ນຄັ້ງທໍາອິດກັບທ່ານກີມ
ຈອງອີລ ໃນປີ 2000 ແລະທ່ານນາງ Hyun Jeong-eun ປະທານກຸ່ມບໍລິສັດ Hyan
dai ຊຶ່ງມື້ລາງສາມາຂອງທ່ານນາງມີສາຍພົວພັນກັບເກົາຫລີເໜືອນັ້ນ.
ເກົາຫລີໃຕ້ອະນຸຍາດໃຫ້ກຸ່ມເອກະຊົນພຽງແຕ່ 2 ກຸ່ມເທົ່ານັ້ນໃຫ້ໄປຢ້ຽມຢາມແລະໄປ
ສະແດງຄວາມໄວ້ອາໄລອາວອນນໍາການເຖິງແກ່ມໍລະນະກໍາຂອງທ່ານກີມຢອງອີລນັ້ນ
ແລະພວກຄະນະຜູ້ຕາງໜ້າເຫລົ່ານີ້ຈະຢູ່ໃນເກົາຫລືເໜືອເພື່ອເຂົ້າຮ່ວມໃນພິທີສົ່ງສະ
ການມື້ລາງຜູ້ນໍາເກົາຫລີເໜືອຊຶ່ງກໍານົດຈະມີຂຶ້ນໃນວັນພຸດສັບປະດານີ້.
ກຸງພຽງຢ້າງກ່າວຫາລັດຖະບານກຸງໂຊນວ່າ ປ້ອງກັນບໍ່ໃຫ້ພວກຊາວເກົາຫລີໃຕ້ຄົນ
ອື່ນໆຂ້າມຊາຍແດນເຂົ້າໄປເພື່ອໄປໄວ້ອາລໄອາວອນນໍາມື້ລາງຜູ້ນໍາເກົາຫລີເໜືອ
ແລະເຕືອນວ່າ ການເຄື່ອນໄຫວຢ້ຽມຢາມດັ່ງກ່າວສາມາດເຮັດໃຫ້ສາຍພົວພັນລະ
ຫວ່າງສອງປະເທດເຄັ່ງຕຶງຂຶ້ນໄດ້.
