ປະທານາທິບໍດີບາຣັກໂອບາມາແຫ່ງສະຫະລັດ ກ່າວວ່າ ສະຫະລັດຈະໃຫ້ການສະໜັບສະໜຸນຢ່າງເຕັມສ່ວນຕໍ່ແຜນ
ການຂອງເກົາຫລີໃຕ້ທ່ີຈະລົງໂທດເກົາຫລີເໜືອທ່ີເປັນຜູ້ເຮັດໃຫ້ກຳປັ່ນຣົບລຳນຶ່ງຂອງກອງທັບເຮືອເກົາຫລີໃຕ້ຈົມນ້ຳ
ໄປນັ້ນ.
ຖະແຫລງການສະບັບນຶ່ງຂອງທຳນຽບຂາວທ່ີເປີດເຜີຍໃຫ້ຮູ້ໃນຕອນເຊົ້າວັນຈັນມື້ນີ້ ກ່າວວ່າ ທ່ານໂອບາມາໄດ້
ສັ່ງໃຫ້ພວກຜູ້ບັນຊາການກອງທັບຂອງທ່ານປະສານງານກັນຢ່າງໃກ້ຊິດກັບພວກຜູ້ບັນຊາການກອງທັບເກົາຫລີໃຕ້
ເພື່ອໃຫ້ໝັ້ນໃຈກ່ຽວກັບຄວາມຕຽມພ້ອມແລະເພື່ອຍັບຍັ້ງໃນການຮຸກຮານໃນອະນາຄົດນັ້ນ.
ສຽງ…… ນັ້ນແມ່ນຖ້ອຍຖະແຫລງຂອງທ່ານຄລິນຕັນ
ທ່ີກຸງປັກກິງໃນວັນຈັນມື້ນີ້ ທ່ານນາງຮີນລາຣີ ຄລິນຕັນເອີ້ນສະຖານະການດັ່ງກ່າວຢູ່ໃນຂັ້ນອັນຕະລາຍ ແລະກ່າວວ່າ
ທ່ານນາງກຳລັງທຳການປຶກສາຫາລືກັນຢ່າງເຄັ່ງຂຶມກັບຈີນແລະກັບປະເທດອື່ນໆໃນເລື້ອງນີ້. ທ່ານນາງຄລິນຕັນກ່າວຕ່ືມວ່າ
ທ່ານນາງຈະທຳການຢ້ຽມຢາມກຸງໂຊນໃນວັນພຸດສັບປະດານີ້ເພື່ອທຳການປຶກສາຫາລືກັນເພີ່ມອີກ.
ໃນຕອນເຊົ້າວັນຈັນມື້ນີ້ ທ່ານຫລີມິອອງພັກ ປະທານາທິບໍດີເກົາຫລີໃຕ້ກ່າວຕໍ່ຜູ້ຟັງທົ່ວປະເທດທາງໂທລະພາບວ່າ ລັດ
ຖະບານຂອງທ່ານຈະຮຽກຮ້ອງໃຫ້ສະພາຄວາມໜັ້ນຄົງສະຫະປະຊາຊາດລົງໂທດເກົາຫລີເໜືອ ແລະທ່ານເວົ້າຕື່ມວ່າ
ພວກເຮືອພານິດຂອງເກົາຫລີເໜືອຈະບໍ່ໄດ້ຮັບອະນຸຍາດໃຫ້ແລ່ນໃນນ່ານນ້ຳຂອງເກົາຫລີໃຕ້ຕໍ່ໄປອີກ ແລະ
ການຄ້າແລະການແລກປ່ຽນກັນລາຍສຳຄັນກັບເກົາຫລີເໜືອຈະຖືກຢຸດໄວ້ເສຍກ່ອນ.
ໃນວັນຈັນມື້ນີ້ ເກົາຫລີເໜືອໄດ້ຂົ່ມຂູ່ຈະຍິງເຄື່ອງໂທລະໂຄ່ງໂຄສະນາຊວນເຊື່ອຢູ່ໃຕ້ຊາຍແດນຂອງຕົນ ຖ້າເກົາຫລີໃຕ້
ຫາກຈັດຕັ້ງເຄື່ອງເຫລົ່ານີ້ຄືນນັ້ນ.
ການເຕືອນທ່ີວ່ານີ້ມີຂຶ້ນໃນເວລາບໍ່ດົນຫລັງຈາກທ່ານ Kim Tae-yong ລັດຖະມຸນຕີປ້ອງກັນປະເທດເກົາຫລີໃຕ້
ກ່າວວ່າ ເກົາຫລີໃຕ້ຈະເລີ້ມການອອກອາກາດຂອງຕົນຄືນໃນຖານະເປັນພາກສ່ວນນຶ່ງຂອງການລົງໂທດ
ຕໍ່ເກົາຫລີເໜືອທ່ີໄດ້ເຮັດໃຫ້ກຳປັ່ນຣົບລຳນຶ່ງຂອງເກົາຫລີໃຕ້ຈົມນ້ຳໄປນັ້ນ.
ວັນເສົາ, ໒໗ ກໍລະກົດ ໒໐໒໔