ພວກຜູ້ເຖົ້າເກົາຫລີໃຕ້ ໄດ້ອໍາລາພາຈາກບັນດາຍາດຕິພີ່ນ້ອງ
ໃນເກົາຫລີເໜືອ ດ້ວຍນໍ້າຕາ ໃນວັນເສົາມື້ນີ້ ຫລັງຈາກໄດ້ພົບ
ພໍ້ກັນພຽງລະຍະສັ້ນໆ ເປັນເທື່ອທໍາອິດ ນັບຕັ້ງແຕ່ເຂົາເຈົ້າໄດ້
ພັດພາກຈາກກັນຍ້ອນສົງຄາມໃນແຫຼມເກົາຫລີ ເມື່ອຕົ້ນຊຸມປີ
1950.
ການເຕົ້າໂຮມພົບພໍ້ກັນຢ່າງຕື່ນເຕັ້ນໂສກເສົ້າ ໄດ້ເລີ້ມຂື້ນໃນ
ວັນພະຫັດຜ່ານມານີ້ ທີ່ບ່ອນຕາກອາກາດເທິງພູKumgang
ໃນເຂດແຄມຝັ່ງທະເລ ທາງກໍ້າຕາເວັນອອກຂອງເກົາຫຼີເໜືອ.
ຊາວເກົາຫລີໃຕ້ 82 ຄົນ ແລະຊາວເກົາຫຼີເໜືອ 180 ຄົນ ໄດ້
ໃຊ້ເວລາຢູ່ນຳກັນ ເພື່ອໃຫ້ເປັນທີ່ລຶ້ງເຄີຍກັນຄືນອີກ ແລກປ່ຽນຂອງຂວັນແລະຮູບພາບສະມາຊິກຄອບຄົວ ທີ່ຕ່າງຝ່າຍກໍບໍ່ຮູ້ວ່າຍັງມີຊີວິດຢູ່.
ກຸ່ມທີສອງຂອງບັນດາຄອບຄົວ ຈະພົບກັນພໍ້ກັນຢູ່ບ່ອນຕາກອາກາດແຫ່ງນີ້ ໃນວັນອາ
ທິດມື້ອື່ນນີ້. ນີ້ເປັນເທື່ອທໍາອິດ ໃນລະຍະກວ່າສາມປີ ທີ່ການພົບພໍ້ກັນໄດ້ມີຂື້ນ. ການ
ພົບພໍ້ກັນໃນເທື່ອກ່ອນ ໄດ້ຖືກຍົກເລີກໃນນາທີສຸດທ້າຍ ເພາະວ່າມີຄວາມເຄັ່ງຕືງທາງ
ດ້ານການເມືອງ.
ເບິ່ງວີດີໂອກ່ຽວຂ້ອງ:
ການພົບພໍ້ກັນໃນຮອບນີ້ ກໍເຊັ່ນດຽວກັນ ເກືອບໄດ້ຖືກຍົກເລີກ ເພາະວ່າເກົາ ຫລີເໜືອ
ບໍ່ພໍໃຈກັບການຊ້ອມລົບຮ່ວມທາງທະຫານ ລະຫວ່າງເກົາຫລີໃຕ້ ກັບສະຫະລັດ ທີ່ຈະ
ມີຂື້ນໃນວັນຈັນ ຈະມາເຖິງນີ້.
ກຸງພຽງຢາງເຫັນວ່າ ການຊ້ອມລົບນີ້ ເປັນການທ້າທາຍເກາະຜິດ ແລະຮຽກຮ້ອງໃຫ້ມີ
ການຍົກເລີກ ຍົກຍ້າຍ ຫຼືເລື່ອນເວລາອອກໄປ. ແຕ່ການຕັດສິນໃຈ ທີ່ຈະດໍາເນີນການ
ຕໍ່ໄປ ໃນການຈັດໃຫ້ມີການພົບພໍ້ກັນນີ້ ໄດ້ເຮັດໃຫ້ຫຼາຍໆຄົນ ມີຄວາມຫວັງໄປໃນແງ່
ດີຢ່າງລະມັດລະວັງ ກ່ຽວກັບການປັບປຸງຄວາມສໍາພັນ ລະຫວ່າງສອງເກົາຫລີ.
ສ່ວນຄົນອື່ນໆກ່າວວ່າ ການເຕົ້າໂຮມພົບພໍ້ກັນດັ່ງກ່າວນີ້ ບໍ່ຊົງວ່າຈະນໍາພາໄປສູ່ການ
ປ່ຽນແປງອັນໃຫຍ່ຫຼວງໃດໆ ໂດຍຊີ້ໃຫ້ເຫັນວ່າ ພຽງແຕ່ເດືອນດຽວເທົ່ານັ້ນຫລັງຈາກ
ການເຕົ້າໂຮມກັນໃນເທຶ່ອແລ້ວ ເມື່ອປີ 2010 ເກົາຫລີເໜືອໄດ້ໂຈມຕີເກາະດອນແຫ່ງ
ນຶ່ງຂອງເກົາຫລີໃຕ້ ທີ່ເຮັດໃຫ້ຫ້າຄົນເສຍຊີວິດ.
ໃນເກົາຫລີເໜືອ ດ້ວຍນໍ້າຕາ ໃນວັນເສົາມື້ນີ້ ຫລັງຈາກໄດ້ພົບ
ພໍ້ກັນພຽງລະຍະສັ້ນໆ ເປັນເທື່ອທໍາອິດ ນັບຕັ້ງແຕ່ເຂົາເຈົ້າໄດ້
ພັດພາກຈາກກັນຍ້ອນສົງຄາມໃນແຫຼມເກົາຫລີ ເມື່ອຕົ້ນຊຸມປີ
1950.
ການເຕົ້າໂຮມພົບພໍ້ກັນຢ່າງຕື່ນເຕັ້ນໂສກເສົ້າ ໄດ້ເລີ້ມຂື້ນໃນ
ວັນພະຫັດຜ່ານມານີ້ ທີ່ບ່ອນຕາກອາກາດເທິງພູKumgang
ໃນເຂດແຄມຝັ່ງທະເລ ທາງກໍ້າຕາເວັນອອກຂອງເກົາຫຼີເໜືອ.
ຊາວເກົາຫລີໃຕ້ 82 ຄົນ ແລະຊາວເກົາຫຼີເໜືອ 180 ຄົນ ໄດ້
ໃຊ້ເວລາຢູ່ນຳກັນ ເພື່ອໃຫ້ເປັນທີ່ລຶ້ງເຄີຍກັນຄືນອີກ ແລກປ່ຽນຂອງຂວັນແລະຮູບພາບສະມາຊິກຄອບຄົວ ທີ່ຕ່າງຝ່າຍກໍບໍ່ຮູ້ວ່າຍັງມີຊີວິດຢູ່.
ກຸ່ມທີສອງຂອງບັນດາຄອບຄົວ ຈະພົບກັນພໍ້ກັນຢູ່ບ່ອນຕາກອາກາດແຫ່ງນີ້ ໃນວັນອາ
ທິດມື້ອື່ນນີ້. ນີ້ເປັນເທື່ອທໍາອິດ ໃນລະຍະກວ່າສາມປີ ທີ່ການພົບພໍ້ກັນໄດ້ມີຂື້ນ. ການ
ພົບພໍ້ກັນໃນເທື່ອກ່ອນ ໄດ້ຖືກຍົກເລີກໃນນາທີສຸດທ້າຍ ເພາະວ່າມີຄວາມເຄັ່ງຕືງທາງ
ດ້ານການເມືອງ.
ເບິ່ງວີດີໂອກ່ຽວຂ້ອງ:
ການພົບພໍ້ກັນໃນຮອບນີ້ ກໍເຊັ່ນດຽວກັນ ເກືອບໄດ້ຖືກຍົກເລີກ ເພາະວ່າເກົາ ຫລີເໜືອ
ບໍ່ພໍໃຈກັບການຊ້ອມລົບຮ່ວມທາງທະຫານ ລະຫວ່າງເກົາຫລີໃຕ້ ກັບສະຫະລັດ ທີ່ຈະ
ມີຂື້ນໃນວັນຈັນ ຈະມາເຖິງນີ້.
ກຸງພຽງຢາງເຫັນວ່າ ການຊ້ອມລົບນີ້ ເປັນການທ້າທາຍເກາະຜິດ ແລະຮຽກຮ້ອງໃຫ້ມີ
ການຍົກເລີກ ຍົກຍ້າຍ ຫຼືເລື່ອນເວລາອອກໄປ. ແຕ່ການຕັດສິນໃຈ ທີ່ຈະດໍາເນີນການ
ຕໍ່ໄປ ໃນການຈັດໃຫ້ມີການພົບພໍ້ກັນນີ້ ໄດ້ເຮັດໃຫ້ຫຼາຍໆຄົນ ມີຄວາມຫວັງໄປໃນແງ່
ດີຢ່າງລະມັດລະວັງ ກ່ຽວກັບການປັບປຸງຄວາມສໍາພັນ ລະຫວ່າງສອງເກົາຫລີ.
ສ່ວນຄົນອື່ນໆກ່າວວ່າ ການເຕົ້າໂຮມພົບພໍ້ກັນດັ່ງກ່າວນີ້ ບໍ່ຊົງວ່າຈະນໍາພາໄປສູ່ການ
ປ່ຽນແປງອັນໃຫຍ່ຫຼວງໃດໆ ໂດຍຊີ້ໃຫ້ເຫັນວ່າ ພຽງແຕ່ເດືອນດຽວເທົ່ານັ້ນຫລັງຈາກ
ການເຕົ້າໂຮມກັນໃນເທຶ່ອແລ້ວ ເມື່ອປີ 2010 ເກົາຫລີເໜືອໄດ້ໂຈມຕີເກາະດອນແຫ່ງ
ນຶ່ງຂອງເກົາຫລີໃຕ້ ທີ່ເຮັດໃຫ້ຫ້າຄົນເສຍຊີວິດ.
