ຜູ້ຊາຍເກົາຫລີໃຕ້ຄົນໜຶ່ງ ໄດ້ຖືກຈັບ ໃນການພົວພັນກັບເຫດ
ລະເບີດແຕກ ຢູ່ໃນຫ້ອງນໍ້າສາທາລະນະ ຢູ່ສານເຈົ້າ Yasu-
kuni ທີ່ເປັນບັນຫາຂັດແຍ້ງໃນຍີ່ປຸ່ນເມື່ອເດືອນແລ້ວນີ້.
ຕຳຫລວດກ່າວວ່າ ທ້າວ Jeon Change-han ອາຍຸ 27 ປີ ໄດ້
ຖືກກັກຂັງໃນວັນພຸດມື້ນີ້ ຫລັງຈາກໄດ້ເດີນທາງໄປເຖິງນະຄອນ
ໂຕກຽວຈາກເກົາຫລີໃຕ້. ມາຮອດປັດຈຸບັນ ລາວໄດ້ຖືກກ່າວຫາ|
ວ່າ ເຂົ້າໄປໃນສານເຈົ້າດ້ວຍຈຸດປະສົງທີ່ຜິດກົດໝາຍ.
ບັນດາຜູ້ສືບສວນກ່າວວ່າ ຜູ້ຕ້ອງສົງຖືກຈັບໄດ້ ໃນກ້ອງວົງຈອນ
ປິດ ຢູ່ທີ່ສານເຈົ້າກ່ອນເກີດເຫດລະເບີດແຕກໃນວັນທີ 23 ເດືອນ
ພະຈິກ. ຕຳຫລວດໄດ້ພົບເຫັນ ເຄື່ອງຄວບຄຸມເວລາ ແລະທໍ່ທີ່ເຊື່ອວ່າຈະບັນຈຸວັດດິນລະເບີດ ຢູ່ໃນຫ້ອງ ນໍ້າ ບ່ອນທີ່ລະເບີດໄດ້ແຕກຂຶ້ນ. ເຖິງແມ່ນວ່າມີຫລາຍກວ່າ 100 ຄົນພວມໄປຢ້ຽມຢາມສານເຈົ້າ ເພື່ອເຮັດພິທີທາງສາສະໜາກໍຕາມ ແຕ່ກໍບໍ່ມີໃຜໄດ້ຮັບບາດເຈັບຈາກເຫດລະເບີດແຕກໃນຄັ້ງນີ້.
ທ້າວ Jeon ໄດ້ເດີນທາງໄປເຖິງ ນະຄອນໂຕກຽວ ສອງມື້ກ່ອນເກີດເຫດລະເບີດແຕກ
ແລະກັບຄືນໄປເກົາຫລີໃຕ້ໃນຕອນບ່າຍຂອງວັນທີ 23 ເດືອນພະຈິກ.
ສານເຈົ້າ Yusukuni ເປັນບ່ອນໄວ້ອາໄລໃຫ້ກຽດແກ່ທະຫານຍີ່ປຸ່ນ ທີ່ໄດ້ເສຍຊີວິດໄປ
ຫລາຍກວ່າສອງລ້ານຄົນ“ພ້ອມດ້ວຍພວກນາຍທະຫານຊັ້ນສູງຫຼາຍຄົນ ແລະນັກການ
ເມືອງທີ່ີມີຊື່ສຽງ ທີ່ໄດ້ຖືກພົບເຫັນວ່າມີຄວາມຜິດ ແລະຕັດສິນປະ ຫານຊີວິດ ໃນຖານກໍ່
ອາຊະຍາກຳສົງຄາມ. ການໄປຢ້ຽມຢາມສານເຈົ້າເປັນປະຈຳໂດຍເຈົ້າໜ້າທີ່ຂັ້ນສູງຂອງ
ລັດຖະບານຍີ່ປຸ່ນໄດ້ເຮັດໃຫ້ເກີດຄວາມໂກດແຄ້ນ ຈາກ ປັກກິ່ງ ແລະໂຊລ ຊຶ່ງປະເທດ
ຂອງເຂົາເຈົ້າ ໄດ້ຮັບຄວາມເຈັບຊໍ້າ ພາຍໃຕ້ການຮຸກຮານທາງທະຫານຢ່າງປ່າເຖື່ອນ
ຂອງຢີ່ປຸ່ນ ໃນລະຍະເວລາເຄິ່ງທຳອິດຂອງສັດຕະວັດທີ 20.
