ເກົາຫຼີໃຕ້ແລະສະຫະລັດໄດ້ເລີ່ມທໍາການຊ້ອມລົບປະຈໍາປີ ຊຶ່ງເປັນການຝຶກຊ້ອມທາງ
ທະຫານຮ່ວມກັນໃນວັນຈັນມື້ນີ້ ເຖິງແມ່ນວ່າຈະມີການຂົ່ມຂູ່ຈາກທາງເກົາຫຼີເໜືອໃນ
ອາທິດແລ້ວນີ້ກໍຕາມ ວ່າຕົນຈະເປີດສາກທໍາ “ສົງຄາມສັກສິດ” ຖ້າຫາກວ່າດິນແດນຂອງ
ຕົນຖືກບຸກລຸກ.
ໂຄສົກຂອງກະຊວງການຕ່າງປະເທດຂອງເກົາຫຼີໃຕ້ ທ່ານ Kim Min-suk ເອີ້ນການ
ຊ້ອມລົບດັ່ງກ່າວນີ້ວ່າ ເປັນການຊ້ອມລົບຕາມປົກກະຕິ ໂດຍອະທິບາຍວ່າ ມັນຈະມີ
ຂອບເຂດແລະຂະໜາດສໍ່າໆກັນກັບປີກາຍນີ້.
ທາງສື່ທາງການຂອງເກົາຫຼີເໜືອນັ້ນ ກ່າວວ່າຜູ້ນໍາສູງສຸດຂອງຕົນ ທ່ານ Kim Jong Un
ໄດ້ມີຄໍາສັ່ງດ້ວຍຕົວເອງ ໃຫ້ກອງກໍາລັງແນວໜ້າຕຽມພ້ອມ ສໍາລັບທໍາການສູ້ລົບ.
ແຕ່ຍັງບໍ່ທັນຮ່ອງຮອຍໃດໆ ທີ່ຊີ້ບອກວ່າ ໄດ້ມີການເຄື່ອນໄຫວທາງທະຫານທີ່ຜິດປົກກະ
ຕິແນວໃດເທື່ອ ໃນເກົາຫຼີເໜືອນັ້ນ.
