ລິ້ງ ສຳຫລັບເຂົ້າຫາ

ວັນອາທິດ, ໑໔ ເມສາ ໒໐໒໔

ສະຫະລັດຈະຊ້ອມລົບ ຮ່ວມກັບເກົາຫຼີໃຕ້


ທະຫານເກົາຫຼີໃຕ້ແລະລົດຖັງຂ້າມຂົວລອຍທີ່ແມ່ນໍ້າ Imjin ໃນລະຫວ່າງການຊ້ອມລົບປະຈຳປີຕໍ່ຕ້ານການໂຈມຕີ ທີ່ອາດມີຂຶ້ນຂອງເກົາຫຼີເໜືອ.
ທະຫານເກົາຫຼີໃຕ້ແລະລົດຖັງຂ້າມຂົວລອຍທີ່ແມ່ນໍ້າ Imjin ໃນລະຫວ່າງການຊ້ອມລົບປະຈຳປີຕໍ່ຕ້ານການໂຈມຕີ ທີ່ອາດມີຂຶ້ນຂອງເກົາຫຼີເໜືອ.

ກອງທັບສະຫະລັດກ່າວວ່າ ຕົນຈະທຳການຊ້ອມລົບຮ່ວມ
ເພີ່ມຕື່ມ ໃນເຂດຊາຍແດນທາງທະເລ ທີ່ມີຄວາມເຄັ່ງຕຶງ
ຂອງເກົາຫຼີໃຕ້ຮວມທັງຄວາມເປັນໄປໄດ້ໃນການຝຶກຊ້ອມ
ຮ່ວມກັນເທື່ອທຳອິດ ທີ່ພົວພັນກັບທະຫານມາຣີນຂອງປະ
ເທດທັງສອງ.

ໂຄສົກຄົນນຶ່ງ ຂອງກອງທັບສະຫະລັດກ່າວຕໍ່ວີໂອເອວ່າ
ການຊ້ອມລົບທີ່ວ່ານີ້ຈະມີຂຶ້ນຕາມເວລາທີ່ພວກເຮົາຕ້ອງ
ການແລະຈະມີລັກສະນະໃນທາງປ້ອງກັນ.

ໂຄສົກ ບໍ່ໄດ້ໃຫ້ຄວາມເຫັນໂດຍກົງໃດໆກ່ຽວກັບລາຍ
ງານຂ່າວທີ່ວ່າ ການຊ້ອມລົບເຫຼົ່ານີ້ຈະມີຂຶ້ນໃນບໍລິເວນ
ໝູ່ເກາະໝູ່ດອນບ່ອນທີ່ຊາວເກົາຫຼີໃຕ້ໄດ້ເສຍຊີວິດໃນລະຫວ່າງການຍິງປືນໃຫຍ່ໂຈມຕີໂດຍ
ເກົາຫຼີເໜືອໃນເດືອນພະຈິກປີກາຍ ແຕ່ກໍເວົ້າວ່າມັນເປັນສ່ວນນຶ່ງຂອງໂຄງການເພີ່ມຄວາມ
ອາດສາມາດຂອງພັນທະມິດໃນອັນທີ່ທ່ານເອີ້ນວ່າ ໝູ່ເກາະທາງພາກຕາເວັນຕົກສຽງເໜືອ
ແລະໃນແຫ່ງອື່ນໆຂອງເກົາຫຼີໃຕ້.

ເກົາຫຼີເໜືອ ໄດ້ຖົກຖຽງໂຕ້ແຍ້ງມາເປັນເວລາດົນນານແລ້ວ ກ່ຽວກັບຊາຍແດນທາງທະເລ
ອ້ອມແອ້ມບໍລິເວນໝູ່ເກາະເຫຼົ່ານີ້. ການໂຈມຕີໃນເດືອນພະຈິກປີກາຍມີຂຶ້ນເພື່ອເປັນການ
ຕອບໂຕ້ຕໍ່ການຊ້ອມຍິງປືນໃຫຍ່ຂອງເກົາຫຼີໃຕ້ ຢູ່ທີ່ເກາະ Yeonpyeong ຊຶ່ງເປັນນຶ່ງໃນ
ໝູ່ເກາະໝູ່ດອນດັ່ງກ່າວ ທີ່ເກົາຫຼີເໜືອກ່າວຫາເກົາຫຼີໃຕ້ວ່າ ຍິງປືນໃຫຍ່ ໃສ່ເຂດນ່ານນໍ້າ
ຂອງຕົນ.

ນັບແຕ່ນັ້ນມາເກົາຫຼີໃຕ້ກໍໄດ້ທຳການຊ້ອມລົບເພີ່ມຕື່ມຢູ່ເທິງເກາະດັ່ງກ່າວແຕ່ ບໍ່ເຄີຍມີກຳ
ລັງສະຫະລັດເຂົ້າຮ່ວມ. ເກົາຫຼີເໜືອຂູ່ວ່າຈະຕອບໂຕ້ຢ່າງຮ້າຍກາດ ຕໍ່ການຊ້ອມລົບຂອງ
ເກົາຫຼີໃຕ້ໃນເດືອນທັນວາປີກາຍ ແຕ່ບໍ່ໄດ້ກະທຳ ໃນລະຫວ່າງການເດີນທາງໄປຢ້ຽມຢາມ
ພຽງຢາງຂອງທ່ານ Bill Richardson ອະດີດນັກການທູດສະຫະລັດ.

XS
SM
MD
LG