ກະຊວງການຕ່າງປະເທດສະຫະລັດກ່າວວ່າອະດີດປະທານາທິບໍດີສະຫະລັດທ່ານ Jimmy
Carter ມີແຜນການເດີນທາງໄປຢ້ຽມຢາມເກົາຫຼີເໜືອ.
ໂຄສົກກະຊວງການຕ່າງປະເທດສະຫະລັດ ທ່ານ Mark Toner ກ່າວໃນວັນພະຫັດມື້ວານ
ນີ້ວ່າ ລັດຖະບານສະຫະລັດໄດ້ຮັບຊາບກ່ຽວກັບແຜນການເດີນທາງດັ່ງກ່າວແຕ່ທ່ານເວົ້າວ່າ
ທ່ານ Carter ຈະເດີນທາງໄປຢ້ຽມຢາມໃນຖານະສ່ວນໂຕ.
ທ່ານເວົ້າວ່າ ທ່ານ Carter ບໍ່ໄດ້ເດີນທາງໄປພ້ອມກັບຄະນະຜູ້ແທນຂອງທາງການສະຫະ
ລັດແລະກໍບໍ່ໄດ້ຖືສານຂອງທາງການສະຫະລັດ ໄປນຳແຕ່ຢ່າງໃດ.
ທ່ານບໍ່ໄດ້ແຈ້ງໃຫ້ຊາບກ່ຽວກັບວັນເວລາໃນການເດີນທາງດັ່ງກ່າວ.
ສູນກາງ Carter ທີ່ນະຄອນ Atlanta ກ່າວວ່າຕົນຈະບໍ່ໃຫ້ຄວາມເຫັນກ່ຽວກັບການປະ
ກາດທີ່ວ່ານີ້.
ອົງການຂ່າວຢອນຮັບ ຂອງເກົາຫຼີໃຕ້ ລາຍງານໃນວັນພະຫັດມື້ວານນີ້ວ່າ ອະດີດເລຂາທິ
ການໃຫຍ່ຂອງອົງການສະຫະປະຊາຊາດ ທ່ານ Kofi Annan ອະດີດປະທານາທິບໍດີໄອ
ແລນທ່ານນາງ Mary Robin ແລະອະດີດນາຍົກລັດຖະມົນຕີນໍເວ ທ່ານ Gro Harlem
Brundland ແມ່ນຮວມຢູ່ໃນບັນດາ ຜູ້ທີ່ຈະຮ່ວມເດີນທາງ ໄປນະຄອນຫຼວງພຽງຢາງກັບ
ທ່ານ Carter ເພື່ອພະຍາຍາມຊອກຫາຊ່ອງທາງຜ່ອນຄາຍຄວາມເຄັ່ງຕຶງຢູ່ໃນແຫຼມເກົາຫຼີ.