ເກົາຫລີໃຕ້ກ່າວວ່າ ຕົນຈະເປັນເຈົ້າພາບ ໃນການເຈລະຈາຫາລືກັນກັບເຈົ້າໜ້າທີ່ປ້ອງກັນ
ປະເທດຂອງສະຫະຣັດແລະຍີປຸ່ນ ທີ່ກຸງໂຊລໃນຕົ້ນ ອາທິດໜ້າ.
ເຈົ້າໜ້າທີ່ລັດຖະບານທີ່ກຸງໂຊລ ນະຄອນຫຼວງຂອງເກົາຫຼີໃຕ້ ໄດ້ບອກກັບນັກຂ່າວ VOA
ວ່າ ການປຶກສາຫາລືກ່ຽວກັບຄວາມໝັ້ນຄົງສາມຝ່າຍ ຈະມີຂື້ນໃນວັນຈັນແລະວັນອັງຄານ
ຈະມານີ້.
ພວກນັກວິເຄາະກ່າວວ່າ ມັນແມ່ນພາກສ່ວນນຶ່ງ ຂອງການສືບຕໍ່ການສົນທະນາຫາລືລະ
ຫວ່າງກຸງໂຊລ ວໍຊິງຕັນແລະໂຕກຽວ ກ່ຽວກັບແຜນປະຕິບັດງານສຸກເສີນທີ່ກ່ຽວຂ້ອງກັບ
ເກົາຫລີເໜືອແຕ່ວ່າໂຄສົກຄົນນຶ່ງຂອງກະຊວງປ້ອງກັນປະເທດເກົາຫລີໃຕ້ບໍ່ໄດ້ໃຫ້ຢືນຢັນ
ກ່ຽວກັບເລື້ອງນີ້ ແລະພຽງແຕ່ກ່າວວ່າ ຈະພົວພັນກັບເລື້ອງມະນຸດສະທໍາ.
ສື່ມວນຊົນໃນກຸງໂຊລ ລາຍງານວ່າ ນາຍທະຫານຊັ້ນສູງຂອງເກົາຫລີໃຕ້ ແລະສະຫະລັດ
ໄດ້ພົບປະກັນທີ່ທຳນຽບຫ້າແຈ ໃນວັນອັງຄານຜ່ານມານີ້ ເພື່ອເຊັນສັນຍາຂັ້ນຕົ້ນ ກ່ຽວກັບ
ແຜນການປະຕິບັດງານໃໝ່ສຳລັບຮັບມືກັບການທ້າທາຍເກາະຜິດຂອງເກົາຫລີເໜືອທີ່ອາດ
ມີຂຶ້ນ.
