ທ່ານ Bill Richardson ອະດີດນັກການທູດຂອງສະຫະ
ລັດກ່າວວ່າ ເກົາຫຼີເໜືອສຳນຶກໄດ້ວ່າ ຕົນໄດ້ດຳເນີນການ
ແຮງເກີນໄປແລ້ວໃນການຝ່າຝືນທ້າທ້າຍຕໍ່ປະຊາຄົມໂລກ
ແລະໄດ້ເອົາບາດກ້າວຖອຍຫຼັງກ້າວນຶ່ງ ໃນທິດທາງທີ່ຖືກ
ຕ້ອງ ໃນລະຫວ່າງການເຈລະຈາຂອງທ່ານໃນສັບປະດານີ້.
ໃນຕອນເດີນທາງກັບຄືນມາເຖິງ ນະຄອນປັກກິ່ງໃນວັນ
ອັງຄານມື້ນີ້ທ່ານ Richardson ກ່າວວ່າ ທ່ານຫວັງວ່າ
ການຢ້ຽມຢາມ ນະຄອນຫຼວງພຽງຢາງ ເປັນເວລາ 5 ມື້
ຂອງທ່ານນັ້ນ ໄດ້ເປີດໂອກາດສຳລັບການຮື້ຟື້ນ ການເຈ
ລະຈາ 6 ຝ່າຍຄືນໃໝ່ກັບເກົາຫຼີເໜືອ. ແຕ່ທ່ານກໍເວົ້າວ່າບັດນີ້ພຽງຢາງຕ້ອງໄດ້ປະຕິ
ບັດຕາມທີ່ຕົນໄດ້ເວົ້າໄປແລ້ວນັ້ນ.
ນອກນີ້ ທ່ານ Richardson ຍັງໄດ້ໃຫ້ການຢືນຢັນ ກ່ຽວກັບລາຍງານກ່ອນໜ້ານີ້ ທີ່ວ່າ
ເກົາຫຼີເໜືອໄດ້ສະເໜີ ໃນລະຫວ່າງການຢ້ຽມຢາມຂອງທ່ານທີ່ຈະຮັບເອົາການກັບຄືນໄປ
ຍັງເກົາຫຼີເໜືອ ຂອງຄະນະກວດການິວເຄລຍອົງການສະຫະປະຊາຊາດ ທີ່ໄດ້ຖືກຂັບໄລ່
ອອກຈາກປະເທດໃນປີກາຍນີ້. ນອກນັ້ນ ເກົາຫຼີເໜືອຍັງໄດ້ສະເໜີ ທີ່ຈະຂາຍທ່ອນເຊື້ອ
ໄຟປລູໂຕນຽມ 12,000 ທ່ອນເພື່ອໃຫ້ສົ່ງອອກໄປນອກປະເທດເພື່ອເປັນການຄໍ້າປະກັນ
ວ່າ ທ່ອນເຊື້ອໄຟເຫຼົ່ານີ້ຈະບໍ່ຖືກນຳໄປໃຊ້ເຮັດອາວຸດນິວເຄລຍ.
