ທະຫານເກົາຫຼີໃຕ້ ຍິງປືນໃສ່ ເຮືອບິນໂດຍສານ

ພວກເຈົ້າໜ້າທີ່ກ່າວໃນວັນເສົາມື້ນີ້ວ່າ ທະຫານເກົາຫຼີໃຕ້ໄດ້ຍິງປືນໃສ່ເຮືອບິນໂດຍສານລຳ
ນຶ່ງທີ່ບັນທຸກຜູ້ໂດຍສານແລະພະນັກງານປະຈຳເຮືອບິນ 119 ຄົນ ຍ້ອນຄິດວ່າມັນເປັນເຮືອ
ບິນລົບຂອງເກົາຫຼີເໜືອ.

ທະຫານມາຣີນເກົາຫຼີໃຕ້ທີ່ປະຈຳການຢູ່ເກາະ Gyodong ທີ່ຕັ້ງຢູ່ແຄມທະເລທາງກໍ້າຕາເວັນ
ຕົກຂອງເກົາຫຼີໃຕ້ໄດ້ຍິງປືນຍາວ K-2 ຊຶ່ງມີລັກສະນະຄ້າຍຄືກັນກັບປືນ M-16 ໃສ່ເຮືອບິນ
ຂອງສາຍການບິນ ASIANA ທີ່ພວມບິນເວີ່ນລົງຈອດຢູ່ສະໜາມບິນ Incheon ໃນກຸງໂຊລ
ໃນວັນມື້ວັນສຸກວານນີ້.

ເຮືອບິນໂດຍສານລຳດັ່ງກ່າວ ພວມຢູ່ໃນຖ້ຽວບິນໄປແຕ່ປະເທດຈີນແລະບໍ່ໄດ້ຮັບຄວາມເສຍ
ຫາຍໃດໆ ຍ້ອນບໍ່ໄດ້ຢູ່ໃນລັດສະໝີຂອງປືນຍາວດັ່ງກ່າວ.

ພວກເຈົ້າໜ້າທີ່ກ່າວວ່າ ການລະດົມຍິງໃສ່ເຮືອບິນໂດຍສານທີ່ວ່ານີ້ ໃຊ້ເວລາປະ ມານ 10
ນາທີໂດຍທີ່ທະຫານທັງ 2 ຄົນໄດ້ຍິງປືນທັງໝົດປະມານ 99 ລູກ.