ລິ້ງ ສຳຫລັບເຂົ້າຫາ

ວັນພຸດ, ໒໘ ກຸມພາ ໒໐໒໔

ການຊ້ອມຫຼົບໄພໃນເກົາຫຼີໃຕ້


ພວກນັກຮຽນ ທີ່ໂຮງຮຽນ Ahyeon ໃນກຸງໂຊລ ພາກັນເຂົ້າໄປຢູ່ ໃນບ່ອນຫຼົບໄພ ຈາກການໂຈມຕີ ທີ່ອາດມີຂຶ້ນຂອງເກົາຫຼີເໜືອ ໃນລະຫວ່າງການຊ້ອມຫຼົບໄພ ຂອງພົນລະເຮືອນ ເກົາຫຼີໃຕ້ (15 ທັນວາ 2010)
ພວກນັກຮຽນ ທີ່ໂຮງຮຽນ Ahyeon ໃນກຸງໂຊລ ພາກັນເຂົ້າໄປຢູ່ ໃນບ່ອນຫຼົບໄພ ຈາກການໂຈມຕີ ທີ່ອາດມີຂຶ້ນຂອງເກົາຫຼີເໜືອ ໃນລະຫວ່າງການຊ້ອມຫຼົບໄພ ຂອງພົນລະເຮືອນ ເກົາຫຼີໃຕ້ (15 ທັນວາ 2010)

ເກົາຫລີ​ໃຕ້​ທໍາ​ການ​ຊ້ອມ​ຫລົບ​ໄພ​ການ​ໂຈມ​ຕີ​ໃນ​ມື້​ນີ້. ສຽງ
ຫວໍໄດ້ດັງຂຶ້ນແລະການຈະລາຈອນໄດ້ຢຸດຊະງັກລົງໃນເຂດ
ໃຈກາງກຸງໂຊລຂະນະທີ່ເກົາຫຼີໃຕ້ທຳການຝຶກຊ້ອມກ່ຽວກັບ
ການປ້ອງກັນໄພທາງພົນລະເຮືອນ ຄັ້ງໃຫຍ່ທີ່ສຸດ. ປະຊາ
ຊົນໄດ້ພາກັນໃສ່ໜ້າກາກ ກັນແກັສພິດ ແລະເຮືອບິນລົບ
ໄດ້ທະຍານຂຶ້ນສູ່ທ້ອງຟ້າ ໃນການຊ້ອມຂຶ້ນ​ບິນ​ ຮັບມືກັບ
ການໂຈມຕີທາງອາກາດ ຂອງເກົາຫຼີເໜືອ.

ການຝຶກຊ້ອມໃນວັນພຸດມື້ນີ້ ທີ່ພວກເຈົ້າໜ້າທີ່ໄດ້ສັ່ງໃຫ້
ປະຊາຊົນເຂົ້າໄປຢູ່ໃນບ່ອນຫຼົບໄພທາງອາກາດຫຼາຍພັນ
ແຫ່ງໃນທົ່ວປະເທດນັ້ນ ໄດ້ມີຂຶ້ນທ່າມກາງທີ່ຄວາມເຄັ່ງ
ຕຶງເພີ່ມທະວີຂຶ້ນ ລຸນຫຼັງທີ່ເກົາຫຼີເໜືອໄດ້ໂຈມຕີເກາະແຫ່ງນຶ່ງຂອງເກົາຫຼີໃຕ້ ໃນເດືອນແລ້ວ ແລະການຍິງກຳປັ່ນລົບຂອງເກົາຫຼີໃຕ້ຫຼົ້ມ ໃນເດືອນມີນາຜ່ານມາ.

ນາຍົກລັດຖະມົນຕີ Kim Hwang-sik ກ່າວໃນຄຳປາໄສທາງວິທະຍຸວ່າ ການຝຶກຊ້ອມທີ່
ວ່ານີ້ ແມ່ນແນໃສ່ ເພື່ອໃຫ້ປະຊາຊົນກະກຽມຕໍ່ສິ່ງທີ່ອາດເກີດຂຶ້ນ ໃນກໍລະນີທີ່ເກົາຫຼີເໜືອ
ທຳການໂຈມຕີອີກຄັ້ງນຶ່ງ. ລັດຖະບານເກົາຫຼີໃຕ້ໃຫ້ຄຳໝັ້ນສັນຍາວ່າ ຈະທຳການຕອບໂຕ້
ທາງທະຫານຢ່າງໜັກ ຕໍ່ການຮຸກຮານຄັ້ງໃໝ່ໃດໆກໍຕາມຂອງເກົາຫຼີເໜືອ.

ພວກນັກຂ່າວເວົ້າວ່າ ປະຊາຊົນສ່ວນໃຫຍ່ ໄດ້ປະຕິບັດຕາມຄຳສັ່ງ ກ່ຽວກັບການຝຶກຊ້ອມ
ໃນວັນພຸດມື້ນີ້ ທີ່ເລີ້ມຂຶ້ນໃນຕອນບ່າຍ 2 ໂມງ ຕາມເວລາທ້ອງຖິ່ນ ແລະໃຊ້ເວລາປະມານ
15 ຫາ 20 ນາທີ. ໃນລະຫວ່າງການຊ້ອມລົບດັ່ງກ່າວນີ້ ກຳປັ່ນ ລົດໄຟ ເຮືອບິນແລະລົດ
ຢູ່ຕາມຖະໜົນຫົນທາງໄດ້ຮັບອະນຸຍາດ ໃຫ້ແລ່ນໄດ້ຕາມປົກກະຕິ ໃນລະຫວ່າງທີ່ມີການຝຶກ
ຊ້ອມ ແຕ່ລົດໄຟທີ່ມີຄວາມໄວສູງຂອງເກົາຫຼີໃຕ້ ໄດ້ແລ່ນດ້ວຍຄວາມໄວທີ່ຫຼຸດລົງ.

XS
SM
MD
LG