ລິ້ງ ສຳຫລັບເຂົ້າຫາ

logo-print

3 ຝ່າຍ ເລີ້ມເຈ​ລະ​ຈາ​ ​ເພື່ອ​ປົດ​ອາ​ວຸດ ໃນເຂດ​ຊາ​ຍ​ແດນ​ ຂອງສອງເກົາ​ຫຼີ


ວັນ​ທີ 27 ກໍ​ລະ​ກົດ 2014, ​ທະ​ຫານ​ເກົາ​ຫຼີ​ເໜືອ ​ຍາມ​ລາດ​ຕະ​ເວນ ໃນ​ຂະ​ນະ​ທີ່​ພວກ​ທະ​ຫານ​ເກົາ​ຫຼີ​ໃຕ້, ​ຊ້າຍ, ແລະ​ທະ​ຫານ​ອາ​ເມ​ຣິ​ກັນ​ ຢືນ​ລາດ​ຕະ​ເວນ ໃນ​ໝູ່​ູ່​​ປັນ​ມຸນ​ຈອມ, ເມືອງ​ປາ​ຈູ ເກົາ​ຫຼີ​ໃຕ້.

ຄະ​ນະເຈ​ລະ​ຈາ​ ຈາກເກົາ​ຫຼີ​ເໜືອ ​ແລະ​ເກົາ​ຫຼີ​ໃຕ້ ພ້ອມ​ກັບຜູ້​ບັງ​ຄັບ​ບັນ​ຊາ​ຂອງ ອົງ​ການ​ສະ​ຫະ​ປະ​ຊາ​ຊາດ​ທີ່​ນຳ​ພາ​ໂດຍ​ສະ​ຫະ​ລັດ ແມ່ນ​ກຳ​ລັງເຈ​ລະ​ຈາ​ກັນ​ເປັນ ຄັ້ງ​ທຳ​ອິດ​ ໃນ​ວັນ​ອັງ​ຄາ​ນ​ມື້​ນີ້ ຢູ່​ເຂດ​ປອດ​ທະ​ຫານ ຊຶ່ງ​ເປັນ​ເຂດ​ຊາຍ​ແດນ ​ທີ່​ມີ​ການ​ຕັ້ງ​ຄ້າຍ​ທະ​ຫານ​ຢ່າງ​ໜາ​ແໜ້ນ ທີ່​ແບ່ງ​ແຍກ​ສອງ​ປະ​ເທດ​ຄູ່​ປໍ​ລະ​ປັກ​ ອອກ ຈາກ​ກັນນັ້ນ.

ການ​ເຈ​ລະ​ຈາ​ດັ່ງ​ກ່າວ​ນີ້ ຈະ​ມີ​ຂຶ້ນ​ໃນ​ເຂດ​ທີ່​ເອີ້ນ​ວ່າ ​ເຂດຮັກ​ສາ​ຄວາມ​ປອດ​ໄພ​ຮ່ວມ ຫຼື Joint Security Area ທີ່​ທັງ 3 ຝ່າຍ ໄດ້​ຄວບ​ຄຸມ ນັບ​ຕັ້ງ​ແຕ່ສົງ​ຄາມ​ເກົາ​ຫຼີ ປີ 1953 ໄດ້ສິ້ນ​ສຸດ​ລົງ​ດ້ວຍການເ​ຊັນ​ສັນ​ຍາ​ສະ​ຫ​ງົບ​ເສິກ, ປ່ອຍ​ໃຫ້ເກົາ​ຫຼີ​ເໜືອ​ແລະ​ເກົາ​ຫຼີ​ໃຕ້ ໃນ​ທາງ​ເຕັກ​ນິ​ກ​ແລ້ວ ຍັງຢູ່​ໃນ​ສະ​ພາບ​ສົງ​ຄາມ​ລະຫວ່າງກັນ.

ໃນ​ກອງ​ປະ​ຊຸມ​ສຸດຍອດ​ຄັ້ງ​ທີ 3 ທີ່​ພຽງ​ຢາງ, ຜູ້​ນຳ​ເກົາ​ຫຼີ​ເໜືອ ທ່ານ​ກິມ ຈົງ ອຶນ ກັບ ປະ​ທາ​ນາ​ທິ​ບໍ​ດີ​ມູນ ແຈ ອິນ ແຫ່ງ​ເກົາ​ຫຼີ​ໃຕ້ ໄດ້​ບັນ​ລຸ​ຂໍ້​ຕົກ​ລົງ ທີ່​ຈະ​ປົດ​ອາ​ວຸດ​ຢູ່​ໃນ​ເຂດຮັກ​ສາ​ຄວາມ​ປອດ​ໄພ​ຮ່ວມຫຼື JSA ຊຶ່ງ​ຮວມ​ທັງເກັບກູ້​ລະ​ເບີດ​ຝັງ​ດິນ ໃນ​ບໍ​ລິ​ເວນ​ນ້ອຍໆ​ແຫ່ງ​ນຶ່ງ ແລະ​ຍົກ​ຍ້າຍ​ປ້ອມ​ຍາມ ການ​ສັງ​ເກດ ການ ແລະ​ອຸບ​ປະ​ກອນ​ທາງ​ທະ​ຫານ​ອື່ນໆ ອອກ​ໄປ ພາຍ​ໃນ​ທ້າຍ​ປີ​ນີ້.

ເຂດ​ຮັກ​ສາ​ຄວາມ​ປອດ​ໄພ​ຮ່ວມ ໃນ​ບ້ານ​ປັນ​ມຸນ​ຈອມ.
ເຂດ​ຮັກ​ສາ​ຄວາມ​ປອດ​ໄພ​ຮ່ວມ ໃນ​ບ້ານ​ປັນ​ມຸນ​ຈອມ.

ເຂດ JSA ແມ່ນ​ພຽງ​ຂົງ​ເຂດ​ດຽວ ໃນ​ເຂດ​ປອດ​ທະ​ຫານ ບ່ອນ​ທີ່​ພວກ​ທະ​ຫານ​ຂອງເກົາ​ຫຼີ​ເໜືອ​ ແລະ​ເກົາ​ຫຼີ​ໃຕ້ ​ຢືນປະ​ເຊີນ​ໜ້າ​ກັນ​ໂດຍ​ກົງ. ຂົງ​ເຂດ​ດັ່ງ​ກ່າວ ໄດ້​ໃຊ້​ເປັນ​ບ່ອນ​ເຈ​ລະ​ຈາທາງ​ການ​ທູດ ມາໄດ້​ດົນນານ​ແລ້ວ. ເຂດ JSA ຍັງ​ເປັນ​ບ່ອນນອງ​ເລືອດ​ໃນເຫດ​ການ ປີ 1976 ບ່ອນ​ທີ່​ທະ​ຫານ​ສະ​ຫະ​ລັດ 2 ຄົນ ​ໄດ້​ຖືກ​ສັງ​ຫານ ໂດຍພວກ​ທະ​ຫານເກົາ​ຫຼີ​ເໜືອ ທີ່​ມີ​ຂວານ​ເປັນ​ອາ​ວຸດ.

ໃນ​ຂະ​ນະ​ທີ່​ມີ​ການ​ເຈ​ລະ​ຈາ​ລະ​ດັບ​ສູງ​ໃນວັນ​ຈັນ​ວານ​ນີ້ ​ທີ່​ບ້ານ​ສະ​ຫງົບ​ເສິກ​ປັນ​ມຸນ​ຈອມ
ນັ້ນ​ ເກົາ​ຫຼີທັງ​ສອງໄດ້​ຕົກ​ລົງທີ່​ຈະ​ເລີ້ມໂຄງ​ການ​ຮ່ວມ​ ​ເພື່ອ​ປັບ​ປຸງແລະ ​ເຊື່ອມ​ຕໍ່ທາງ​ລົດ
​ໄຟ ພ້ອມ​ກັບ​ຖະ​ໜົນ​ຫົນ​ທາງຂອງ​ພວກ​ເຂົາ​ເຈົ້າ ໃຫ້​ທັນ​ສະ​ໄໝ ​ກ່ອນ​ສິ້ນ​ປີນີ້. ​ນອກນັ້ນ
ພວກ​ເຂົາ​ເຈົ້າ ຍັງໄດ້​ຕົກ​ລົງກັນ​ທີ່​ຈະ​ໃຫ້​ສະ​ພາ​ກາ​ແດງ ເປີດ​ເຈ​ລະ​ຈາ​ກັນ ກ່ຽວ​ກັບເລື້ອງ
​ຄອບ​ຄົວ​ທີ່​ໄດ້​ພັດ​ພາກ​ຈາກ​ກັນ ນັບ​ຕັ້ງ​ແຕ່​ສົງ​ຄາມ​ເກົາ​ຫຼີ​ເປັນ​ຕົ້ນ​ມາ​ ຢູ່​ສະ​ຖານ​ຕາກ​ອາ
​ກາດ ພູກຳ​ກາງ ໃນ​ເດືອນ​ພະ​ຈິກ​ທີ່ຈະ​ມາ​ເຖິງ​ນີ້.

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ທ່ານອາດຈະມັກເລື້ອງນີ້ຄືກັນ

XS
SM
MD
LG