ອະດີດປະທານາທິບໍດີສະຫະລັດທ່ານ Jimmy Carter
ກ່າວວ່າ ເກົາຫຼີເໜືອສະເໜີເປີດການເຈລະຈາ ແບບບໍ່ມີ
ເງື່ອນໄຂກ່ຽວກັບໂຄງການສ້າງອາວຸດນິວເຄລຍຂອງຕົນ
ກັບເກົາຫຼີໃຕ້ແລະສະຫະລັດ.
ນອກນັ້ນແລ້ວ ທ່ານ Carter ຍັງກ່າວທີ່ກຸງໂຊລ ໃນວັນ
ພະຫັດມື້ນີ້ວ່າ ເກົາຫຼີເໜືອໄດ້ກະກຽມ ທີ່ຈະກ່າວສະແດງ
ຄວາມເສົ້າເສຍໃຈເປັນທີ່ສຸດ ກ່ຽວກັບການໂຈມຕີທາງທະ
ຫານ 2 ຄັ້ງ ທີ່ເຮັດໃຫ້ຊາວເກົາຫຼີໃຕ້ 50 ຄົນເສຍຊີວິດ
ໃນປີກາຍແຕ່ທ່ານບໍ່ເຊື່ອວ່າເກົາຫຼີເໜືອຈະຍອມຮັບຄວາມ
ຜິດໃນການໂຈມຕີທັງ 2 ຄັ້ງນັ້ນ.
ອະດີດປະທານາທິບໍດີ Carter ກ່າວຕໍ່ພວກນັກຂ່າວວ່າ
ການສະເໜີດັ່ງກ່າວແມ່ນຢູ່ສານສະບັບນຶ່ງທີ່ສົ່ງໂດຍກົງ
ຈາກທ່ານກິມ-ຈົງ-ອິລ ຜູ້ນຳຂອງເກົາຫຼີເໜືອໄປໃຫ້ທ່ານ
ແລະພວກຜູ້ນຳຂອງໂລກທີ່ກະສຽນແລ້ວ ໃນລະຫວ່າງ
ການຢ້ຽມຢາມກຸງພຽງຢາງເປັນເວລາ 3 ມື້. ກຸ່ມຂອງ
ທ່ານ Carter ຍັງໄດ້ນຳສະເໜີສານດັ່ງກ່າວຕໍ່ຝ່າຍເກົາຫລີໃຕ້ ໃນຕອນເຊົ້າວັນພະຫັດມື້ນີ້ ໃນລະຫວ່າງການພົບປະກັບລັດຖະມົນຕີທ້ອນໂຮມຊາດຂອງເກົາຫຼີໃຕ້ທ່ານ Hyun In-taek.
ທ່ານ Carter ເວົ້າວ່າ ຄະນະຂອງທ່ານ ບໍ່ໄດ້ພົບປະກັບຜູ້ນຳຂອງເກົາຫຼີເໜືອ ແຕ່ໄດ້ຮັບ
ສານຂອງທ່ານຈາກພວກເຈົ້າໜ້າທີ່ຂັ້ນສູງ. ທ່ານເວົ້າວ່າ ທ່ານ Kim ໄດ້ສະເໜີເປີດການພົບ
ປະສຸດ ຍອດກັບປະທານາທິບໍດີເກົາຫຼີໃຕ້ ແລະທ່ານໄດ້ກະກຽມທີ່ຈະເປີດການເຈລະຈາກັບ
ເກົາຫຼີໃຕ້ແລະສະຫະລັດກ່ຽວກັບເລື່ອງຕ່າງໆໄດ້ໃນທຸກໆເວລາໂດຍປາດສະຈາກການວາງ
ເງື່ອນໄຂລ່ວງໜ້າ.
ແຕ່ແນວໃດກໍຕາມ ທ່ານ Carter ກ່າວໃນການຂຽນຂ່າວ ລົງອິນເຕີແນັດ ໃນວັນພຸດວານນີ້
ຈາກກຸງພຽງຢາງວ່າເກົາຫຼີເໜືອໄດ້ສະແດງໃຫ້ເຫັນຢ່າງຈະແຈ້ງວ່າຕົນຈະບໍ່ຍອມຍົກເລີກໂຄງ ການສ້າງອາວຸດນິວເຄລຍຂອງຕົນເດັດຂາດ ໂດຍປາດສະຈາກການຄໍ້າປະກັນທາງດ້ານຄວາມ
ປອດໄພ ໃນຮູບໃດຮູບນຶ່ງຈາກວໍຊິງຕັນ.
ການດຳເນີນຄວາມພະຍາຍາມກ່ອນໜ້ານີ້ ເພື່ອໃຫ້ມີການເປີດການເຈລະຈາຫາລື ລະຫວ່າງ
ເກົາຫຼີເໜືອແລະເກົາຫຼີໃຕ້ ໄດ້ປະສົບກັບຄວາມລົ້ມແຫຼວ ຍ້ອນເກົາຫຼີໃຕ້ຢືນຢັດວ່າ ກ່ອນອື່ນ
ເກົາຫຼີເໜືອຕ້ອງຍອມຮັບຜິດ ໃນການຍິງກຳປັ່ນລົບ Cheonan ຂອງເກົາຫຼີໃຕ້ຫຼົ້ມ ເມື່ອນຶ່ງ
ປີກ່ອນ ແລະການຍິງປືນໃຫຍ່ໂຈມຕີເກາະ Yeonpyeong ໃນເດືອນພະຈິກຜ່ານມາ.