ຂໍ້ມູນໂຕເລກການຄ້າສະບັບໃໝ່ທີ່ເກົາຫລີໃຕ້ເປີດເຜີຍໃຫ້ຮູ້
ສະແດງໃຫ້ເຫັນວ່າ ເກົາຫລີເໜືອກໍາລັງກາຍເປັນປະເທດທີ່
ອາໄສຈີນຫຼາຍຂຶ້ນນັບມື້ສໍາລັບຄວາມຕ້ອງການດ້ານເສດຖະ
ກິດຂອງຕົນ.
ສະມາຄົມການຄ້າລະຫວ່າງປະເທດຂອງເກົາຫລີກ່າວໃນວັນ
ພຸດມື້ນີ້ວ່າ ການຄ້າລະຫວ່າງເກົາຫລີເໜືອແລະຈີນເພີ່ມຂຶ້ນ
32 ເປີເຊັນໃນປີແລ້ວນີ້ ເປັນຈຳນວນກວ່າ 3 ພັນ 460
ລ້ານໂດລາ ຊຶ່ງເປັນເກືອບ 2 ເທົ່າຂອງມູນຄ່າການຄ້າ 1
ພັນ 910 ລ້ານໂດລາລະຫວ່າງເກົາຫລີເໜືອແລະເກົາຫລີ
ໃຕ້ ທີ່ໄດ້ເພີ່ມຂຶ້ນ14 ເປີເຊັນຈາກປີ 2009.
ຈີນໄດ້ເປັນພັນທະມິດທີ່ສໍາຄັນທີ່ສຸດຂອງເກົາຫລີເໜືອຢູ່
ຕະຫລອດມາ ແລະເປັນຜູ້ຈັດຫາສິນຄ້າທີ່ຈໍາເປັນຕ່າງໆ
ໃຫເກົາຫລີເໜືອ. ແຕ່ການຄ້າລະຫວ່າງສອງເກົາຫລີໄດ້
ເພີ່ມຂຶ້ນ ໃນລະຫວ່າງທີ່ມີການປັບປຸງຄວາມສໍາພັນລະ
ຫວ່າງສອງປະເທດໃຫ້ດີຂຶ້ນພາຍໃຕ້ການປົກຄອງຂອງອະດີດປະທານາທິບໍດີໂໜໜູຮຽນແຫ່ງ
ເກົາຫລີໃຕ້ ແລະມີມູນຄ່າເກືອບເທົ່າໆກັນກັບມູນຄ່າການຄ້າລະຫວ່າງເກົາຫລີເໜືອແລະຈີນ ໃນປີ 2007 ນັ້ນ.
ສັດສ່ວນການຄ້າໄດ້ຫຼຸດລົງຢ່າງຕໍ່ເນື່ອງນັບແຕ່ປະທານາທິບໍດີ Lee Myung-bak ຂຶ້ນຄອງອໍານາດ ໂດຍຢືນຢັດໃນການເອົາມາດຕະການເຂັ້ມງວດເພີ່ມຂຶ້ນກັບເກົາຫລີເໜືອນັ້ນ. ການເຕີບໂຕຂຶ້ນຂອງການຄ້າລະຫວ່າງສອງເກົາຫລີໃນປີແລ້ວນີ້ ສ່ວນໃຫຍ່ແລ້ວແມ່ນມີຜົນມາຈາກການຜະລິດສິນຄ້າເພີ່ມຂຶ້ນຢູ່ທີ່ເຂດອຸດສາຫະກໍາຮ່ວມທີ່ເມືອງ Kae-song ໃນເກົາຫລີເໜືອນັ້ນ.