ວັນອາທິດມື້ນີ້ ແມ່ນວັນຄົບຮອບ 100 ປີ ທີ່ແຫລມເກົາຫລີໄດ້ຖືກຍີ່ປຸ່ນເຂົ້າຍຶດເອົາ ແລະໄດ້ຕົກຢູ່ພາຍໃຕ້ການປົກຄອງຢ່າງເປັນທາງການຂອງຍີ່ປຸ່ນ.
ເກົາຫລີເໜືອໄດ້ຮຽກເອົາຄ່າປົວແປງບາດແຜຈາກສົງຄາມເທື່ອໃໝ່ອີກ ໂດຍໃຫ້ຂໍ້ສັງເກດເຖິງ ຄໍາຂໍຂະມາໂທດຫວ່າງໄວໆຜ່ານມານີ້ໂດຍນາຍົກລັດຖະມຸນຕີຍີ່ປຸ່ນ ທ່ານ Naoto Kan ນັ້ນວ່າ ແມ່ນແນໃສ່ເກົາຫລີໃຕ້ໂດຍຕົງເທົ່ານັ້ນ.
ທີ່ກຸງໂຊນ ໃນພິທີສະຫລອງວັນຂີດໝາຍ 1 ສັດຕະວັດຜ່ານມາ ນັບແຕ່ຍີ່ປຸ່ນໄດ້ຍຶດ ຄອງເອົາແຫລມເກົາຫລີເປັນຕົ້ນມາ ຮອງປະທານສະມາຄົມປົດປ່ອຍເກົາຫລີ ທ່ານ Nam Man Woo ກ່າວຕໍ່ວີໂອເອວ່າ ທ່ານບໍ່ເຊື່ອວ່າຍີ່ປຸ່ນໄດ້ດໍາເນີນການຢ່າງພຽງພໍເພື່ອປົວແປງສາຍພົວພັນກັບປະເທດຂອງທ່ານນັ້ນ. ທ່ານ Nam ກ່າວຕື່ມວ່າ ພວກນາຍົກລັດຖະມຸນຕີແລະ ເຈົ້າຈັກກະພັດຍີ່ປຸ່ນ ໄດ້ຂໍຂະມາໂທດແລ້ວຫລາຍເທື່ອ ແຕ່ກໍເປັນພຽງແຕ່ຄໍາເວົ້າອອກມາເທົ່ານັ້ນ.
ທ່ານ Katsuya Okada ລັດຖະມຸນຕີການຕ່າງປະເທດຍີ່ປຸ່ນກ່າວຕໍ່ບັນດານັກຂ່າວ ໃນສັບ ປະດາຜ່ານມາວ່າ ເລື້ອງນີ້ຄວນຈະຖືກແກ້ໄຂໃນບັນດານັກປາດອາຈານຫລືຊ່ຽວຊານດ້ານການສຶກສາ ເພາະວ່າ ບັນຫານີ້ຄົງຈະບໍ່ໄດ້ຮັບການແກ້ໄຂ ຈາກພວກເຈົ້າໜ້າທີ່ລັດຖະບານຈັກເທື່ອ.
