ກຸ່ມຕິດຕາມເບິ່ງສະຖານະການກຸ່ມນຶ່ງ ກ່າວວ່າ ມີຫຼາຍກວ່າ 660
ຄົນ ໄດ້ເສຍຊີວິດ ໃນການຕໍ່ສູ້ກັນມາເປັນເວລານຶ່ງເດືອນ ເພື່ອ
ຍາດເອົາເມືອງ Kobani ໃນເຂດຊາຍ ແດນພາກເໜືອຊີເຣຍນັ້ນ.
ກຸ່ມສິ້ງຊອມເບິ່ງສິດທິມະນຸດຂອງຊີເຣຍ ທີ່ມີສຳນັກງານຢູ່ອັງກິດ
ແລະມີແຫລ່ງຂ່າວຢູ່ພາຍໃນຊີເຣຍນັ້ນ ລາຍງານໃນວັນພະຫັດມື້ນີ້
ວ່າ ພວກຫົວຮຸນແຮງຂອງກຸ່ມລັດອິສລາມ ປະມານ 380 ຄົນ ໄດ້
ຖືກສັງຫານໃນການຕໍ່ສູ້ກັບກອງກຳລັງຊາວເຄີດ ຢູ່ໃນເຂດນັ້ນ
ທີ່ຮູ້ກັນໃນອີກຊື່ນຶ່ງວ່າ Ayn al-Arab.
ໃນຈຳນວນຂອງຜູ້ທີ່ເສຍຊີວິດທີ່ເຫລືອນັ້ນ ມີພວກນັກລົບຊາວເຄີດ
260 ກ່ວາຄົນແລະມີພົນລະເຮືອນ 17 ຄົນ. ການບຸກໂຈມຕີ ຍາດເອົາເມືອງໂກບານີ ຂອງ
ກຸ່ມລັດອີສລາມ ທີ່ເລີ້ມຂຶ້ນໃນເດືອນກັນຍາ ໄດ້ຂັບໄລ່ຫລາຍໝື່ນຄົນ ຊຶ່ງສ່ວນໃຫຍ່ເປັນ
ຊາວເຄີດຊີເຣຍ ໃຫ້ຫລົບໜີໄປຍັງເທີກີ.
ສະຫະລັດແລະບັນດາປະເທດພາຄີ ໄດ້ເພີ້ມທະວີການຖີ້ມລະເບີດໃສ່ພວກລັດອີສລາມໃນ
ເມືອງ Kobani ໃນອາທິດນີ້ ເພື່ອຊ່ອຍເຫຼືອພວກທະຫານບ້ານຊາວເຄີດ ທາງພາກພື້ນດິນ.
ການວິເຄາະຂອງສະຫະລັດ ເຊື່ອວ່າ ການໂຈມຕີເຫລົ່ານີ້ໄດ້ສັງຫານພວກຫົວຮຸນແຮງ
ລັດອີສລາມ ຫຼາຍຮ້ອຍຄົນ.
ຊາວອົບພະຍົບເຄີດ ລໍຄອຍຢ່າງໃຈຈົດຈໍ່ – ວັນພະຫັດ ທີ 16 ຕຸລາ
