ຫົວໜ້າຄະນະລັດຖະປະຫານທະຫານໄທ ໄດ້ກາຍມາເປັນນາຍົກ
ລັດຖະມົນຕີຄົນໃໝ່ຂອງປະເທດ ຫຼັງຈາກໄດ້ຮັບການສະໜັບສະ
ໜຸນຈາກກະສັດ ພູມີພົນ ອະດຸນຍະເດດ.
ພົນເອກປຣະຢຸດ ຈັນ ໂອຊາ ໄດ້ຮັບເອົາພະລາດຊະດຳລັດເປັນ
ລາຍລັກອັກສອນ ທີ່ຢັ້ງຢືນຕຳແໜ່ງຂອງທ່ານ ໃນພິທີທີ່ບາງກອກ
ໃນວັນຈັນມື້ນີ້.
ທ່ານ ປຣະຢຸດ ກ່າວວ່າ “ໃນໂອກາດນີ້ ຂ້າພະເຈົ້າຂໍໃຫ້ຄຳ
ໝັ້ນຕໍ່ພີ່ນ້ອງປະຊາຊົນວ່າ ຈະມຸ້ງໝັ້ນທຸ້ມເທຢ່າງເຕັມທີ່
ໃນການປະຕິບັດໜ້າທີ່ ດ້ວຍຄວາມຊື່ສັດສຸດຈະລິດ ຍຶດ
ຖືຜົນປະໂຫຍດຂອງປະເທດຊາດ ແລະປະຊາຊົນເປັນສຳຄັນ ເພື່ອຕອບແທນຄຸນ
ແຜ່ນດິນ ນຳຄວາມສຸກຄວາມຮົ່ມເຢັນມາສູ່ພີ່ນ້ອງປະຊາຊົນ ແລະທຳໃຫ້ປະເທດ
ຊາດມີຄວາມເປັນປຶກແຜ່ນໝັ້ນຄົງ."
ສະພານິຕິບັນຍັດທີ່ຄອບງຳໂດຍທະຫານ ໄດ້ຖືກເລືອກເອົາຫົວໜ້າກອງທັບ ໄວ 60 ປີ
ຢ່າງເປັນເອກກະສັນໃນວັນພະຫັດຜ່ານມາ ຊຶ່ງເປັນຂໍ້ສະຫລູບທີ່ຫລີກລ່ຽງບໍ່ໄດ້ ເນື່ອງ
ຈາກທ່ານເປັນຜູ້ສະໝັກຄົນດຽວ ສຳຫລັບຕຳແໜ່ງດັ່ງກ່າວ.
ນາຍົກລັດຖະມົນຕີ ຄົນໃໝ່ຂອງໄທ
ນາຍພົນປຣະຢຸດ ໄດ້ເປັນຫົວໜ້າອຳນາດປົກຄອງທະຫານໄທມາ ນັບແຕ່ໄດ້ບີບບັງຄັບ
ໃຫ້ຄະນະລັດຖະບານພາຍໃຕ້ການນຳພາຂອງທ່ານນາງຍິ່ງລັກ ຊິນນະວັດ ອອກຈາກ
ອຳນາດໄປໃນວັນທີ 22 ພຶດສະພາແລ້ວນີ້ ເປັນຕົ້ນມາ.
ນາຍພົນປຣະຢຸດ ກ່າວວ່າ ທ່ານຈະລາອອກຈາກຕຳແໜ່ງຫົວໜ້າກອງທັບໃນເດືອນໜ້າ
ແລະວ່າ ທ່ານວາງແຜນຈະດຳລົງຕຳແໜ່ງນາຍົກ ລັດຖະມົນຕີຕໍ່ໄປ ຈົນເຖິງເວລາຈັດ
ການເລືອກຕັ້ງຂຶ້ນໃໝ່ ໃນປີໜ້າ. ການສະໜັບສະໜຸນຈາກກະສັດພູມີພົນ ໃນວັນຈັນມື້ນີ້
ແມ່ນແຜ້ວທາງສຳລັບການຈັດຕັ້ງຄະນະລັດຖະບານຊົ່ວຄາວຂຶ້ນ ຊຶ່ງທ່ານປຣະຢຸດກ່າວວ່າ
ຈະນຳສະເໜີຕໍ່ສະພາແຫ່ງຊາດ ພາຍໃນເດືອນຕຸລາ.
