ອົງການຂ່າວທາງການຂອງເກົາຫລີເໜືອລາຍງານວ່າ ທ່ານ ກິມ ຈົງ ອິລ ຜູ້ນໍາສູງສຸດ
ຂອງເກົາຫລີເໜືອໄດ້ເຖິງແກ່ມໍລະນະກໍາໄປແລ້ວ ຮວມອາຍຸໄດ້ 69 ປີ.
ອົງການຂ່າວກາງຂອງເກົາຫລີເວົ້າວ່າ ທ່ານກິມ ຈົງອິລ ໄດ້ເຖິງແກ່ມໍລະນະກໍາດ້ວຍຫົວ
ໃຈວາຍ ໃນຂະນະທີ່ຂີ່ລົດໄຟໄປລົງພຶ້ນຖານ ໃນການປະຕິບັດງານຊີ້ນໍາຂອງທ່ານບັ້ນນຶ່ງ.
ອົງການຂ່າວເວົ້າວ່າການມໍລະນະກໍາຂອງທ່ານ ເປັນຍ້ອນການທໍາງານໜັກເກີນກໍານົດ
ຂອງຮ່າງກາຍແລະຈິດໃຈ.
ອົງການຂ່າວກາງ ເວົ້າວ່າ ພິທີສົ່ງສະການຈະຈັດຂຶ້ນໃນວັນທີ່ 28 ເດືອນທັນວານີ້ທີ່ພຽງ
ຢາງ. ໄດ້ມີການປະກາດໃຫ້ ໄລຍະໄວ້ອາໄລແຫ່ງຊາດເລິ່ມໄປຕັ້ງແຕ່ວັນທີ່ 17 ຫາ 29
ເດືອນທັນວາ.
ທ່ານ ກິມ ຈົງອິລ ໄດ້ຂຶ້ນກໍາອໍານາດຫລັງຈາກພໍ່ ທ່ານ ກິມ ອິລຊຸງ ຜູ້ກໍ່ຕັ້ງເກົາຫລີເໜືອ
ເສຍຊີວິດໄປ ໃນປີ 1994. ທ່ານ ກິມ ຈົງອິລ ບໍ່ຄ່ອຍອອກໄປປາກົດຕົວໃນທີ່ສາທາລະນະ
ແລະກໍບໍ່ຄ່ອຍໄດ້ຍິນສຽງຂອງທ່ານອອກອາກາດ.
ທ່ານກິມ ຈົງອິລ ອາດຖືກຈົດຈໍາ ຍ້ອນຄວາມໂດດເດັ່ນຂອງທ່ານໃນເລື່ອງການເປັນປໍລະ
ປັກຕໍ່ນານາຊາດ ແລະເລັ່ງລັດໂຄງການນີວເຄລຍຂອງເກົາຫລີເໜືອ ໃນຂະນະທີ່ເພື່ອນ
ຮ່ວມຊາດຂອງຕົນຫລາຍລ້ານຄົນ ອຶດຫິວ.
ເມື່ອທ້າຍປີຜ່ານມານີ້ ທ່ານກິມ ໄດ້ເລື່ອນຕໍາແໜ່ງໃຫ້ລູກຊາຍຫລ້າຂອງທ່ານ ຄື ທ່ານ ກິມ
ຈົ່ງອັນ ຂຶ້ນເປັນນາຍພົນສີ່ດາວ ອັນເປັນສິ່ງທີ່ຊີ້ໃຫ ເຫັນວ່າ ເພື່ອສືບທອດຄອບຄົວລາດຊະ
ວົງຄອມມີວນີສນຶ່ງດຽວຂອງໂລກ ອີກຊົ່ວຄົນນຶ່ງໃຫ້ຮອດລຸ້ນທີ່ສາມ.
ໃນວັນຈັນມື້ນີ້ ອົງການຂ່າວກາງເກົາຫລີ ໄດ້ຮຽກຮ້ອງປະຊາຊົນໃຫ້ເຊື່ອຟັງແລະປະຕິບັດ
ຕາມ ກິມຈົ່ງອັນ ຜູ້ທີ່ເຊື່ອກັນວ່າ ມີອາຍຸ 28 ປີນັ້ນ ຕໍ່ໄປ.
