ບັນດານັກສັງເກດການທີ່ຕິດຕາມເບິ່ງການດໍາເນີນຄະດີອາຊະຍາກໍາສົງຄາມຂອງພວກ
ຂະເໝນແດງທີ່ເປັນບັນຫານັ້ນ ກ່າວວ່າ ການຜິດຖຽງກັນທີ່ຮຸນແຮງຂຶ້ນນັບມື້ກັບລັດຖະ
ບານກໍາປູເຈຍນັ້ນເຮັດໃຫ້ບໍ່ຊົງຈະເປັນໄປໄດ້ຫລາຍຂຶ້ນເລື້ອຍໆ ທີ່ຈະນໍາເອົາອະດີດຜູ້ນໍາ
ຂະເໜນແດງທີ່ຍັງເຫລືອຢູ່ນັ້ນມາດໍາເນີນຄະດີໄດ້.
ສານອາຊະຍາກໍານາໆຊາດທີ່ໜຸນຫລັງໂດຍສະຫະປະຊາຊາດ ໄດ້ຕັດສິນໂທດຈໍາຄຸກຕະ
ຫລອດຊີວິດ ຕໍ່ອະດີດຜູ້ນໍາຂະເໜນແດງຄົນນຶ່ງໄປແລ້ວແລະກໍກໍາລັງດໍາເນີນຄະດີລາຍທີ່
ສອງ ຕໍ່ອະດີດຜູ້ນໍາສາມຄົນທີ່ຍັງມີຊີວິດຢູ່.
ແຕ່ທ່ານນາງ Clair Duffy ຜູ້ຕິດຕາມເບິ່ງການດໍາເນີນຄະດີໃຫ້ອົງການ ລິເລີ່ມຄວາມຍຸຕິ
ທໍາຂອງສັງຄົມທີ່ເປີດກວ້າງ ບອກວີໂອເອວ່າ ຄະດີ 003 ແລະ 004 ທີ່ມີຂໍ້ຂັດແຍ້ງກັນສູງ
ຂຶ້ນນັບມື້ນັ້ນ ອາດຈະບໍ່ເຄຶ່ອນໄຫວໄປໜ້າໄດ້ ໂດຍປາດສະຈາກການສະໜັບສະໜຸນຂອງ
ລັດຖະບານກໍາປູເຈຍ ທີ່ໄດ້ສະແດງໃຫ້ຮູ້ຢ່າງເປີດເຜີຍວ່າ ຄັດຄ້ານຕໍ່ການສືບສວນສອບ
ສວນໃໝ່ໃດໆກໍຕາມນັ້ນ.
ລັດຖະບານກໍາປູເຈຍ ຊຶ່ງມີອະດີດສະມາຊິກຂະເໝນແດງຫລາຍຄົນໂຮມຢູ່ນໍານັ້ນ ແມ່ນໄດ້
ພາກັນອອກສຽງຄ້ານຢ່າງແຂງແຮງຕໍ່ການດໍາເນີນຄະດີຕື່ມອີກ ໂດຍກ່າວວ່າ ການຟ້ອງ
ຮ້ອງໃດໆຕໍ່ໄປນັ້ນອາດແບ່ງແຍກສັງຄົມຂອງກໍາປູເຈຍ ແລະກໍ່ໃຫ້ເກີດສົງຄາມກາງເມືອງ
ໄດ້.
ເມື່ອອາທິດຜ່ານມາ ສະຫະປະຊາຊາດໄດ້ຮັບປາກວ່າ ຈະເອົາຜູ້ໃໝ່ໄປແທນຜູ້ພິພາກສາ
ສອບສວນນາໆຊາດສອງທ່ານ ທີ່ໄດ້ລາອອກເມື່ອບໍ່ເທົ່າໃດເດືອນຜ່ານມາ ໂດຍຈົ່ມທຸກວ່າ
ມີການກ້າວກ່າວທີ່ບໍ່ເໝາະສົມໃນການປະຕິບັດງານຂອງພວກເຂົາເຈົ້າ ແຕ່ສະຫະປະຊາ
ຊາດເຕືອນວ່າ ຕົນຍັງມີຄວາມເປັນຫ່ວງຫລາຍທີ່ສຸດ ກ່ຽວກັບຂັ້ນຕອນທາງຕຸລາການ
ໃນກໍາປູເຈຍນັ້ນ ໂດຍກ່າວວ່າ ມັນຈໍາເປັນທີ່ສຸດທີ່ລັດຖະບານກໍາປູເຈຍຈະຕ້ອງໃຫ້ຄວາມ
ຮ່ວມມືຢ່າງເຕັມສ່ວນ ຕໍ່ພວກຜູ້ພິພາກສາໃໝ່.