ດາລາກິລາ Cricket ຂອງປາກິສຖານ ທີ່ກາຍມາເປັນນັກການ
ເມືອງ ທ່ານ Imran Khan ພ້ອມກັບຂະບວນລົດທີ່ທ່ານນໍາພາ
ໄດ້ເລີ້ມອອກເດີນທາງເປັນມື້ທີສອງ ໃນວັນອາທິດມື້ນີ້ ໄປສູ່ເຂດ
ຊົນເຜົ່າ Waziristan ໃຕ້ ຂອງປາກິສຖານ ບ່ອນເປັນທີ່ໝັ້ນ
ຂອງພວກຫົວຮຸນແຮງນັ້ນ ເພື່ອປະທ້ວງການໂຈມຕີຂອງຍົນ
drone ທີ່ບໍ່ມີຄົນຂັບຂອງສະຫະລັດ ຢູ່ໃນຂົງເຂດຊົນເຜົ່າຕ່າງໆ.
ທ່ານ Khan ແລະບັນດາຜູ້ສະໜັບສະໜູນ ພັກຂະບວນການເພື່ອ
ຄວາມຍຸດຕິທໍາ ຂອງທ່ານ ຕິດຕາມດ້ວຍບັນດານັກເຄື່ອນໄຫວ
ເພື່ອສັນຕິພາບຈາກເຂດທ້ອງຖິ່ນ ແລະຈາກປະເທດຕາເວັນຕົກ
ໄດ້ເລີ້ມຂັບລົດອອກເດີນທາງ ຈາກນະຄອນຫລວງອິສລາມາບັດ
ໃນວັນເສົາວານນີ້.
ໃນຕອນອອກຈາກເມືອງຫລວງນັ້ນ ອັນທີ່ຮ້ອງວ່າ ຂະບວນລົດຕ້ານການໂຈມຕີໂດຍເຮືອບິນ drone ທີ່ບໍ່ມີຄົນຂັບ ມີລົດບໍ່ຮອດ 200 ຄັນລົດ ແຕ່ໄດ້ເພີ້ມຂື້ນເປັນ 500 ຄັນ
ໃນເວລາທີ່ຂະບວນລົດໄປຮອດເມືອງ Mianwali ຊຶ່ງເປັນບ້ານເກີດຂອງ ທ່ານ Khan.
ທ່ານ Khan ໄດ້ປະຕິເສດຕໍ່ຄວາມເປັນຫ່ວງທີ່ວ່າ ຂະບວນລົດຂອງທ່ານ ອາດຈະຖືກໂຈມຕີ ໂດຍພວກ Taliban ແລະກຸ່ມມຸສລິມຫົວຮຸນແຮງອື່ນໆ. ແຕ່ນັກຂ່າວ ວີໂອເອ Ayaz Gul ກ່າວວ່າ ທ່ານ Khan ຂີ່ໄປໃນລົດຫຸ້ມເກາະປ້ອງກັນ ແລະພວກຄົນອາລັກຂາ ບໍ່ປ່ອຍໃຫ້ເຂົ້າໄປໃກ້ລາວ ໄດ້ຢ່າງງ່າຍດາຍ.
ການໂຈມຕີດ້ວຍເຮືອບິນ drone ທີ່ບໍ່ມີຄົນຂັບນັ້ນ ໄດ້ເປັນບັນຫາຂັດແຍ້ງກັນ ລະຫວ່າງ ສະຫະລັດແລະປາກິສຖານ ຊຶ່ງຝ່າຍອິສລາມາບັດກ່າວວ່າ ມັນເປັນການລ່ວງລະເມີດຕໍ່ອະທິປະໄຕຂອງຕົນ. ສ່ວນຝ່າຍສະຫະລັດເຊື່ອວ່າ ມັນເປັນ ເຄື່ອງມືທີ່ສຳຄັນ ໃນການດຳເນີນຄວາມພະຍາຍາມ ເພື່ອປາບພວກກໍ່ການຮ້າຍ ທາລິບານ.
ເມືອງ ທ່ານ Imran Khan ພ້ອມກັບຂະບວນລົດທີ່ທ່ານນໍາພາ
ໄດ້ເລີ້ມອອກເດີນທາງເປັນມື້ທີສອງ ໃນວັນອາທິດມື້ນີ້ ໄປສູ່ເຂດ
ຊົນເຜົ່າ Waziristan ໃຕ້ ຂອງປາກິສຖານ ບ່ອນເປັນທີ່ໝັ້ນ
ຂອງພວກຫົວຮຸນແຮງນັ້ນ ເພື່ອປະທ້ວງການໂຈມຕີຂອງຍົນ
drone ທີ່ບໍ່ມີຄົນຂັບຂອງສະຫະລັດ ຢູ່ໃນຂົງເຂດຊົນເຜົ່າຕ່າງໆ.
ທ່ານ Khan ແລະບັນດາຜູ້ສະໜັບສະໜູນ ພັກຂະບວນການເພື່ອ
ຄວາມຍຸດຕິທໍາ ຂອງທ່ານ ຕິດຕາມດ້ວຍບັນດານັກເຄື່ອນໄຫວ
ເພື່ອສັນຕິພາບຈາກເຂດທ້ອງຖິ່ນ ແລະຈາກປະເທດຕາເວັນຕົກ
ໄດ້ເລີ້ມຂັບລົດອອກເດີນທາງ ຈາກນະຄອນຫລວງອິສລາມາບັດ
ໃນວັນເສົາວານນີ້.
ໃນຕອນອອກຈາກເມືອງຫລວງນັ້ນ ອັນທີ່ຮ້ອງວ່າ ຂະບວນລົດຕ້ານການໂຈມຕີໂດຍເຮືອບິນ drone ທີ່ບໍ່ມີຄົນຂັບ ມີລົດບໍ່ຮອດ 200 ຄັນລົດ ແຕ່ໄດ້ເພີ້ມຂື້ນເປັນ 500 ຄັນ
ໃນເວລາທີ່ຂະບວນລົດໄປຮອດເມືອງ Mianwali ຊຶ່ງເປັນບ້ານເກີດຂອງ ທ່ານ Khan.
ທ່ານ Khan ໄດ້ປະຕິເສດຕໍ່ຄວາມເປັນຫ່ວງທີ່ວ່າ ຂະບວນລົດຂອງທ່ານ ອາດຈະຖືກໂຈມຕີ ໂດຍພວກ Taliban ແລະກຸ່ມມຸສລິມຫົວຮຸນແຮງອື່ນໆ. ແຕ່ນັກຂ່າວ ວີໂອເອ Ayaz Gul ກ່າວວ່າ ທ່ານ Khan ຂີ່ໄປໃນລົດຫຸ້ມເກາະປ້ອງກັນ ແລະພວກຄົນອາລັກຂາ ບໍ່ປ່ອຍໃຫ້ເຂົ້າໄປໃກ້ລາວ ໄດ້ຢ່າງງ່າຍດາຍ.
ການໂຈມຕີດ້ວຍເຮືອບິນ drone ທີ່ບໍ່ມີຄົນຂັບນັ້ນ ໄດ້ເປັນບັນຫາຂັດແຍ້ງກັນ ລະຫວ່າງ ສະຫະລັດແລະປາກິສຖານ ຊຶ່ງຝ່າຍອິສລາມາບັດກ່າວວ່າ ມັນເປັນການລ່ວງລະເມີດຕໍ່ອະທິປະໄຕຂອງຕົນ. ສ່ວນຝ່າຍສະຫະລັດເຊື່ອວ່າ ມັນເປັນ ເຄື່ອງມືທີ່ສຳຄັນ ໃນການດຳເນີນຄວາມພະຍາຍາມ ເພື່ອປາບພວກກໍ່ການຮ້າຍ ທາລິບານ.
