ແມ່ຍິງທີ່ເປັນໝາກຫົວໃຈຂອງຂ່າວນອງນັນ ໃນການສໍ້ລາດບັງຫຼວງ ຫຼາຍລ້ານໂດລາ ຂອງ ເກົາຫຼີໃຕ້ ທີ່ພົວພັນກັບປະທານາທິບໍດີ Park Guen-hye ນັ້ນ ໄດ້ເຮັດໃຫ້ບັນດາ ສະມາຊິກສະພາມີຄວາມອຶດອັດ ໃຈ ໂດຍການປະຕິເສດ ທີ່ຈະໃຫ້ການຕໍ່ສະພາແຫ່ງ ຊາດ.
ໃນການອ້າງເຖິງສຸຂະພາບທີ່ບໍ່ແຂງແຮງ ແລະ ເລື່ອງທີ່ວ່ານາງໄດ້ຮັບການສືບສວນສອບ ສວນ ກ່ຽວກັບການກະທຳຜິດຢູ່ນັ້ນ, ໃນວັນພຸດມື້ນີ້ນາງ Choi Soon-sil ເພື່ອນທີ່ໄດ້ຮັບ ຄວາມໄວ້ວາງໃຈ ມາດົນນານຂອງທ່ານນາງ Park ໄດ້ຂັດຂືນ ການເອີ້ນໄປປະກົດຕົວຕໍ່ ຄະນະກຳ ມະການສະພາແຫ່ງຊາດ ທີ່ກຳລັງສືບສວນສອບສວນຄວາມເປັນໄປໄດ້ ໃນ ການມີສ່ວນຮ່ວມຂອງປະທານາທິບໍດີ ແລະ ເພື່ອນທີ່ໃກ້ຊິດ ຂອງທ່ານນາງ ສຳລັບການ ໃຊ້ອິດທິພົນເພື່ອບັງຄັບໃຫ້ບັນດາບໍລິສັດໃຫຍ່ຂອງເກົາຫຼີໃຕ້ ບໍລິຈາກເງິນຫຼາຍກວ່າ 65 ລ້ານໂດລາ ໃຫ້ກັບມູນນິທິບໍ່ຫວັງຜົນກຳໄລສອງແຫ່ງ.
ບຸກຄົນທີ່ສຳຄັນອື່ນໆລວມຢູ່ໃນການສືບສວນສອບສວນນັ້ນ ກໍໄດ້ປະຕິເສດຄຳສັ່ງໄປໃຫ້ ປາກຄຳຂອງສະພາແຫ່ງຊາດເຊັ່ນກັນ. ຄະດີດັ່ງກ່າວແມ່ນຄາດວ່າ ຈະໄປເຖິງຈຸດສູງສຸດ ດ້ວຍການລົງຄະແນນສຽງການກ່າວໂທດໃນສັບປະດານີ້.
ທ່ານ Kim Sung-tae ປະທານຄະນະກຳມະການ ແລະ ສະມາຊິກພັກ Saenuri ທີ່ກຳ ລັງປົກຄອງປະເທດຢູ່ໄດ້ກ່າວວ່າ “ສຳລັບພະຍານຜູ້ທີ່ບໍ່ໄດ້ມາໃນມື້ນີ້, ຄະນະກຳມະ ການຈະອອກຄຳສັ່ງ ເພື່ອບັງຄັບໃຫ້ພວກເຂົາເຈົ້າມາປະກົດຕົວຕໍ່ສະພາ, ແລະ ພວກ ເຂົາເຈົ້າກໍຈະຮັບຜິດ ຊອບກັບຜົນທີ່ຕາມມາຂອງກົດໝາຍ.”
ພວກຜູ້ທີ່ປະຕິເສດຄຳສັ່ງຂອງສະພາແຫ່ງຊາດໃນເກົາຫຼີໃຕ້ສາມາດປະເຊີິນໜ້າກັບການ ຖືກຈັບເຂົ້າຄຸກ 5 ປີ, ເຖິງແມ່ນວ່າການລົງໂທດນີ້ແມ່ນຈະບໍ່ຄ່ອຍຖືກບັງຄັບໃຊ້ໃນອະດີດ ກໍຕາມ.
