ວິກິດການດ້ານການເມືອງ ໃນອັຟການິສຖານ ໄດ້ເພີ້ິມທະວີຄວາມ
ຮ້າຍແຮງຂຶ້ນ ຕື່ມ ໃນວັນອັງຄານມື້ນີ້ ໂດຍທີ່ຜູ້ສະມັກເປັນປະທາ
ນາທິບໍດີ ທ່ານ Abdullah Abdullah ປະກາດວ່າທ່ານເປັນຜູ້ໄດ້
ຮັບໄຊຊະນະ ໃນການເລືອກຕັ້ງປະທານາ ທິບໍດີ ໃນເດືອນແລ້ວນີ້
ເຖິງແມ່ນວ່າ ຜົນການເລືອກຕັ້ງຂັ້ນຕົ້ນສະແດງໃຫ້ເຫັນວ່າ ທ່ານ
ໄດ້ມີຄະແນນນຳຫລັງ ຄູ່ແຂ່ງຂອງທ່ານ ຄືທ່ານ Ashraf Ghani.
ໃນການຖະແຫຼງຕໍ່ບັນດາຜູ້ສະໜັບສະໜູນຫຼາຍພັນຄົນ ຢູ່ນະຄອນ
ຫຼວງ Kabul ທ່ານ Abdullah ກ່າວວ່າ ທ່ານປະຕິເສດຜົນບໍ່ຍອມ
ຮັບເອົາຜົນການເລືອກຕັ້ງຂັ້ນຕົ້ນທີ່ນຳອອກເຜີຍແຜ່ໃນວັນຈັນວານ
ນີ້ ທີ່ສະແດງໃຫ້ເຫັນວ່າ ທ່ານ Ghani ໄດ້ມີຄະແນນນຳໜ້າທີ່ສຳຄັນ 13 ເປີເຊັນ. ທ່ານ
Abdullah ກ່າວວ່າ ທ່ານເປັນຜູ້ໄດ້ຮັບໄຊຊະນະ ໂດຍ “ປາດສະຈາກຄວາມສົງໄສໃດໆ"
ແລະສາບານວ່າ ຈະບໍ່ຍອມເດັດຂາດຮັບເອົາໃນອັນທີ່ທ່ານຮ້ອງວ່າ “ລັດຖະບານທີ່ສໍ້ໂກງ.”
ຜູ້ສະມັກແຂ່ງຂັນຮ່ວມກັບທ່ານ ຄືທ່ານ Hajji Mohammad Mohaqeq ໄດ້ຂົ່ມຂູ່ທີ່ຈະຈັດ
ຕັ້ງລັດຖະບານ “ຄຽງຄູ່” ຂຶ້ນ ຖ້າບັນດາເຈົ້າໜ້າທີ່ ຫາກບໍ່ແກ້ໄຂ ການຮ້ອງທຸກໃນໂຄສະນາ
ຫາສຽງ ທີ່ວ່າມີການສໍ້ໂກງຄະແນນສຽງເກີດຂຶ້ນໃ ນການເລືອກຕັ້ງປະທານາທິບໍດີຮອບ
ສອງ ເມື່ອວັນທີ 14 ເດືອນມິຖຸນາຜ່ານມາ.
ຢູ່ໃນຖະແຫລງສະບັບນຶ່ງ ທີ່ພິມເຜີຍແຜ່ໂດຍເວັບໄຊທ໌ ຂອງສະຖານທູດສະຫະ ລັດທີ່ນະ
ຄອນຫຼວງ Kabul ໃນວັນອັງຄານມື້ນີ້ ທ່ານ Kerry ລັດຖະມົນຕີຕ່າງ ປະເທດສະຫະລັດ
ກ່າວວ່າ ທ່ານໄດ້ໃຫ້ຂໍ້ສັງເກດ ຕໍ່ການສະເໜີແນະທີ່ຈະຕັ້ງ ລັດຖະບານຄຽງຄູ່ນັ້ນວ່າ“
ເປັນເລື້ອງທີ່ໜ້າວິຕົກທີ່ສຸດ.”
ທ່ານ Kerry ໄດ້ຮຽກຮ້ອງໃຫ້ “ທົບທວນຄືນຢ່າງເຕັມທີ່ກ່ຽວກັບການກ່າວຫາທີ່ເຫັນວ່າມີເຫດຜົນທັງໝົດ ໃນການກະທຳທີ່ຜິດກົດລະບຽບ” ແຕ່ກໍໄດ້ກ່າວວ່າ ບໍ່ມີບ່ອນສຳລັບການ
ກໍ່ຄວາມຮຸນແຮງ ຫລືການເອົາມາດຕະການພິເສດນອກເໜືອ ລັດຖະທຳມະນູນ.
ທ່ານກ່າວວ່າ “ການກະທຳໃດໆກໍຕາມທີ່ຈະເຂົ້າກຳອຳນາດ ໂດຍວິທີການທີ່ບໍ່ ຖືກຕ້ອງ
ຕາມກົດໝາຍແລ້ວ ຈະເຮັດໃຫ້ອັຟການິສຖານສູນເສຍການສະໜັບສະ ໜຸນທາງດ້ານ
ການເງິນແລະດ້ານຄວາມໝັ້ນຄົງຈາກສະຫະລັດ ແລະປະຊາຄົມ ນາໆຊາດ.”
ໃນຂະນະດຽວກັນ ຄວາມຮຸນແຮງຍັງດຳເນີນຕໍ່ມາ ຢູ່ໃນພາກຕາເວັນອອກຂອງ ອັຟການິສ
ຖານ ໃນວັນອັງຄານມື້ນີ້ ບ່ອນທີ່ບັນດາເຈົ້າໜ້າທີ່ ກ່າວວ່າ ຜູ້ໂຈມຕີ ດ້ວຍສະລະຊີບວາງ
ລະເບີດຄົນນຶ່ງ ໄດ້ສັງຫານ 16 ຄົນ ຮວມທັງທະຫານຕ່າງ ປະເທດສີ່ຄົນ.
