ລິ້ງ ສຳຫລັບເຂົ້າຫາ

ທ່ານ Kerry ເຕືອນ ກ່ຽວກັບ ການປ່ຽນແປງ ຂອງດິນຟ້າອາກາດ ( ວີດີໂອ)


ທ່ານ John Kerry ລັດຖະມົນຕີ​ຕ່າງປະ​ເທດ​ສະຫະລັດ ​
ໄດ້ກ່າວ​ຕໍ່​ບັນດາ​ຜູ​ຟັງທີ່ກຸງ Jakarta ອິນ​ໂດ​ເນ​ເຊຍ ວ່າ
ການ​ປ່ຽນ​ແປງ​ຂອງ​ດິນ​ຟ້າ​ອາກດ​ເປັນ​ໄພຂົ່ມຂູ່​ຕໍ່​ໂລກ​ທັງ
​ປວງ.

ທ່ານ Kerry ກ່າວ​ຕື່ມ​ວ່າ ວິທະຍາສາດ​ການ​ປ່ຽນ​ແປງ​ຂອງ
​ດິນ​ຟ້າ​ອາກາດ​ ກຳລັງ​ບັງຄັບ ໃຫ້ໂລກ​ ທຳ​ການເຄື່ອນ​ໄຫວ
​ແລະ​ວ່າ ວິທະຍາສາດ​ເລື້ອງນີ້ແມ່ນ​ແນ່ນອນຢ່າງ​ເດັດຂາດ.

ທ່ານ​ກ່າວເນັ້ນວ່າ ພວກ​ນັກວິທະຍາສາດ​ໃນ​ຈຳນວນ 97 ​ເປີ
ເຊັນມີ​ຄວາມເຫັນ​ພ້ອມກັນວ່າ ການ​ປ່ຽນ​ແປງ​ຂອງ​ດິນ​ຟ້າ​ອາ
ກາດ​ກຳລັງເກີດ​ຂຶ້ນ ​ແລະ​ວ່າ​ມັນ​ເກີດຈາກ​ການ​ກະທຳຂອງ​
ມະນຸດ.

ພວກ​ນັກວິທະຍາສາດ​ຫຼາຍ​ຄົນກ່າວ​ວ່າ ​ໂລກທີ່​ອຸ່ນ​ຂຶ້ນ ໝາຍເຖິງລະດັບ​ນ້ຳ​ທະ​ເລທີ່​ສູງຂຶ້ນ
ຊຶ່ງ​ສາມາດ​ສົ່ງ​ຜົນ​ກະທົບ​ທີ່​ເປັນອັນຕະລາຍຮ້າຍ​ແຮງ ​ຕໍ່​ພວກ​ປະ​ເທດເກາະດອນ​ຕ່າງໆ ​
ເຊັ່ນ ອິນ​ໂດ​ເນ​ເຊຍ​ເປັນ​ຕົ້ນ.

ທ່ານ Kerry ​ເດີນທາງ​ໄປ​ຮອດ​ອິນ​ໂດ​ເນ​ເຊຍ ​ໃນ​ວັນ​ເສົາ​ວານ​ນີ້ ຈາກ​ຈີນ ບ່ອນ​ທີ່​ທ່ານ
​ໄດ້​ທຳ​ການ​ໂອ້​ລົມ​ສົນທະນາ​ ​ເລື້ອງອາກາດ​ທີ່​ຮ້ອນ​ເອົ້າ​ຂຶ້ນ​ຢູ່​ທົ່ວ​ໂລກ​ ​ແລະ​ເລື້​ອງອື່ນໆ
ກັບ​ທ່ານ ສີ ຈິນ​ປິງ ປະທານ​ປະ​ເທດ​ຈີນ.

ທັງສອງ​ທ່ານ​ໄດ້​ອອກ​ຖະ​ແຫຼ​ງການ​ຮ່ວມ​ກັນ​ສະບັບ​ນຶ່ງ ຮັບ​ຮູ້​ຄວາມ​ຈຳ​ເປັນ ທີ່​ຕ້ອງ​ມີອັນ​
ທີ່​ພວກ​ທ່ານເອີ້ນ​ວ່າ ການ​ເຄື່ອນ​ໄຫວ​ຢ່າງ​ຮີບ​ດ່ວນ​ເພື່ອ​ຕໍ່ສູ້​ກັບ​ການ​ປ່ຽນ​ແປງ​ຂອງດິນຟ້າ​
ອາກາດ ​ແລະດຳ​ເນີນ​ງານ​ຮ່ວມ​ກັນ​ ເພື່ອ​ຕັດ​ການ​ປ່ອຍແກ​ສ​ເຮືອນແກ້ວ ອອກ​ສູ່ອາກາດ ​
ນັ້ນ​ລົງ.

ອິນ​ໂດ​ເນ​ເຊຍ ​ເປັນ​ບ່ອນ​ຢຸດ​ແວ່​ແຫ່ງ​ສຸດ​ທ້າຍ​ໃນ​ການ​ທ່ຽວ​ຢ້ຽມຢາມ 6 ປະ​ເທດ​ໃນ​
ເຂ​ດ​ເອ​ເຊຍ​ຂອງ​ທ່ານ Kerry ທີ່ຮວມ​ທັງ​ຢຸດ​ແວ່​ທີ່​ຈີນ​ ແລະກຸງ​ໂຊລ ​ເກົາຫຼີ​ໃຕ້​ນຳ.

XS
SM
MD
LG