BANGKOK —
ທ່ານ ຈອນ ແຄຣີ ລັດຖະມົນຕີຕ່າງປະເທດ
ສະຫະລັດ ໄປຢ້ຽມຢາມຫວຽດນາມແລະຟິລິບປິນໃນອາທິດນີ້
ອັນເປັນພາກສ່ວນນຶ່ງຂອງການເດີນທາງ ທີ່ມີເປົ້າໝາຍເພື່ອ
ປັບຄວາມສົມດຸນທາງການທູດ ທາງເສດຖະກິດ ແລະທາງ
ທະຫານຂອງວໍຊິງຕັນ ຄືນໃໝ່ໂດຍແນໄປໃສ່ຂົງເຂດເອເຊຍ
ຫຼາຍຂຶ້ນ. Babrielle Paluch ຜູ້ສື່ຂ່າວວີໂອເອ ລາຍງານ
ເລຶ່ອງນີ້ຈາກບາງກອກ ຊຶ່ງດາຣາຈະນໍາມາສະເໜີທ່ານ.
ລັດຖະມົນຕີແຄຣີ ເດີນທາງໄປເຖິງຫວຽດນາມ ໃນເວລາທີ່ຄວາມ
ເຄ່ງຕຶງ ເພີ່ມທະວີຂຶ້ນກັບຈີນ ຍ້ອນປັກກິ່ງເອົາທ່າທີຮຸກຮານຂຶ້ນ ກ່ຽວກັບຂໍ້ຂັດແຍ້ງກັນ ກັບຫຼາຍປະເທດໃນຂົງເຂດ ເລື້ອງດິນແດນໃນທະເລ.
ໃນລະຫວ່າງການຖະແຫຼງຂ່າວຢູ່ນະຄອນຫຼວງຮາໂນ່ຍ ໃນມື້ວັນຈັນນັ້ນ ລັດຖະມົນຕີແຄຣີ
ໄດ້ກ່າວຕິຕຽນຈີນ ທີ່ໄດ້ປະກາດຕັ້ງເອົາເຂດປ້ອງກັນທາງອາກາດໃໝ່ ຢູ່ບໍລິເວນນ່ານຟ້າ
ເໜືອໝູ່ເກາະທີ່ເປັນຂໍ້ຂັດແຍ້ງ ກັນກັບຍີ່ປຸ່ນ ຢູ່ໃນເຂດທະເລຈີນຕາເວັນອອກນັ້ນ. ແລະ
ທ່ານແຄຣີເຕືອນວ່າ ປັກກິ່ງບໍ່ຄວນຈະຄິດປະຕິບັດການໃນທໍານອງດຽວນັ້ນ ຕາມລໍາພັງ
ຝ່າຍດຽວ ຢູ່ໃນເຂດອື່ນໆ ໂຮມທັງເຂດທະເລຈີນໃຕ້ນັ້ນນໍາ.
ພ້ອມດຽວກັນ ລັດຖະມົນຕີແຄຣີປະກາດວ່າ ສະຫະລັດຈະໃຫ້ເງິນເພີ່ມອີກ 32 ລ້ານໂດລ່າ
ເພື່ອຊ່ວຍເຫຼືອປະເທດຕ່າງໆຢູ່ໃນຂົງເຂດ ທໍາການລາດຕະເວນເຂດນ່ານນໍ້າ. ຮວມຢູ່ໃນ
ນັ້ນ ແມ່ນເງິນຊ່ວຍເຫຼືອຫວຽດນາມປະເທດດຽວ 18 ລ້ານໂດລ່າ.
ການຢ້ຽມຢາມຂອງທ່ານແຄຣີຄັ້ງນີ້ ມີຂື້ນຂະນະທີ່ວໍຊິງຕັນພະຍາຍາມທີ່ຈະສ້າງຄວາມ
ໝັ້ນໃຈໃຫ້ແກ່ບັນດາພັນທະມິດຂອງຕົນ ກ່ຽວກັບຍຸດທະສາດ ການຫັນໄປສູ່ຂົງເຂດເອ
ເຊຍຂອງຕົນ ກໍຄືປັບຄວາມສົມດຸນດ້ານເສດຖະກິດ ການເມືອງ ແລະການທະຫານ ໂດຍ
ແນໄປໃສ່ຂົງເຂດເອເຊຍຫຼາຍຂຶ້ນ ຊຶ່ງ ຖືວ່າມີຄວາມສໍາຄັນຕໍ່ອະນາຄົດຂອງສະຫະລັດ.
ທ່ານ Carl Thayer ປະຈໍາມະຫາວິທະຍາໄລ New South Wales ທີ່ປະເທດອອສເຕຣ
ເລຍ ເວົ້າວ່າ ການເດີນທາງຂອງລັດຖະມົນຕີແຄຣີຄັ້ງນີ້ ສ່ວນນື່ງກໍແມ່ນເພື່ອປັບຄວາມ
ສົມດຸນ ຂອງການປັບຄວາມສົມດຸນ ທີ່ວ່ານັ້ນ.
“ການປັບຄວາມສົມດຸນຂອງສະຫະລັດນັ້ນ ຍາມໃດກໍແມ່ນແນໃສ່ແຕ່ໃນດ້ານ
ການທະຫານ ແລະການປັບຄວາມສົມດຸນຂອງ ການປັບຄວາມສົມດຸນທີ່ເວົ້ານີ້
ກໍແມ່ນເພື່ອເນັ້ນຢໍ້າວ່າ ສະຫະລັດມີຄວາມໝາຍໝັ້ນທີ່ຍືນຍົງ ຕໍ່ການພົວພັນກັບ
ຂົງເຂດເອເຊຍຕາເວັນອອກສຽງໃຕ້ ແລະເຂດປາກແມ່ນໍ້າຂອງ ໃນຮູບແບບ
ອື່ນໆນໍາ ຊຶ່ງມາພ້ອມກັບການພັດທະນາຢ່າງຍືນຍົງ ການປົກປ້ອງສະພາບແວດ
ລ້ອມ ແລະການຫຼຸດຜ່ອນການປ່ຽນແປງຂອງດິນຟ້າອາກາດ.”
ຢູ່ຫວຽດນາມນັ້ນ ທ່ານລັດຖະມົນຕີແຄຣີ ຖືໂອກາດຂີ່ເຮືອທ່ອງທ່ຽວໄປຕາມລໍາແມ່ນໍ້າຂອງ
ເພື່ອກັບຄືນໄປເບິ່ງບ່ອນທີ່ທ່ານເຄີຍເປັນຜູ້ບັງຄັບເຮືອລາດຕະເວນຂອງອາເມຣິກາລໍານຶ່ງ
ໃນປາງສົງຄາມຫວຽດນາມນັ້ນ.
ທ່ານແຄຣີໄດ້ກ່າວຕໍ່ນັກສຶກສາຫວຽດນາມກຸ່ມນຶ່ງ ທີ່ອາໄສຢູ່ໃນເຂດຊຸມຊົນທີ່ເສດຖະກິດ
ເພີ່ງພາແມ່ນໍ້ານັ້ນ ກ່ຽວກັບການປ່ຽນແປງຂອງດິນຟ້າອາກາດ ແລະປະກາດໃຫ້ເງິນລົງທຶນ
ຈໍານວນ 17 ລ້ານໂດລ່າ ໃສ່ໃນໂຄງການປາກ ແມ່ນໍ້າຂອງແລະປ່າໄມ້ ຂອງຫວຽດນາມ
ຊຶ່ງມີເປົ້າໝາຍເພື່ອຫຼຸດຜ່ອນ ສະພາບດິນຟ້າອາກາດປ່ຽນແປງ.
![ທ່ານ Kerry ຢ້ຽມຢາມ ເຂດປາກແມ່ນໍ້າຂອງ]()
Photo Gallery:
ຢ່າງໃດກໍຕາມ ເຖິງແມ່ນສະຫະລັດແລະຫວຽດນາມ ຈະມີເປົ້າໝາຍຮ່ວມກັນທາງດ້ານ
ການເສດຖະກິດ ແລະຄວາມໝັ້ນຄົງກໍຕາມ ແຕ່ວໍຊິງຕັນກໍໄດ້ກ່າວຕໍາໜິຕິຕຽນ ປະຫວັດ
ດ້ານສິດທິມະນຸດທີ່ຂີ້ຮ້າຍຂອງຫວຽດນາມຢູ່ຕະຫຼອດມາ.
ເຖິງແມ່ນໄດ້ທໍາຄວາມກ້າວໜ້າໃນເລື້ອງສິດທີມະນຸດຂອງຕົນ ໂຮມທັງການເຊັນລົງນາມ
ໃນສົນທິສັນຍາຕໍ່ຕ້ານການທໍລະມານຂອງສະຫະປະຊາຊາດ ແລະອະນຸຍາດໃຫ້ຜູ້ຂຽນ
ລາຍງານພິເສດດ້ານສິດທິມະນຸດຂອງຢູແອັນ ເຂົ້າໄປໃນຫວຽດນາມໄດ້ກໍຕາມແຕ່ຫວຽດ
ນາມກໍຍັງທໍາການກວດລ້າງປາບປາມພວກທີ່ຕົນຄິດວ່າ ຕິຕຽນລັດຖະບານນັ້ນຢູ່ຕໍ່ມາ.
ມີນັກຂ່າວ ແລະພວກຂຽນຄວາມເຫັນລົງເວັບໄຊ້ ຖືກຈັບກຸມ ຢູ່ໃນຫວຽດນາມໃນປີນີ້ ຫຼາຍກວ່າຄັ້ງທີ່ຜ່ານໆມາ.
ບັນດານັກການທູດ ທີ່ມີໜ້າຢູ່ໃນກອງປະຊຸມຂອງລັດຖະມົນຕີແຄຣີ ກັບເຈົ້າໜ້າທີ່ຫວຽດ
ນາມ ເວົ້າວ່າ ທ່ານ ແຄຣີໄດ້ເວົ້າອອກມາຢ່າງກົງໆ ກ່ຽວກັບ ຄວາມສໍາຄັນຂອງສິດທິມະ
ນຸດ ໂດຍເອີ່ຍເຖິງກໍລະນີສະເພາະຫຼາຍກໍລະນີ. ແຕ່ແນວໃດກໍດີ ອາຈານເທເອີ ເວົ້າວ່າ
ເລື້ອງຄວາມໝັ້ນຄົງແລະບັນຫາເສດຖະກິດ ທີ່ປະຕິບັດໄດ້ນັ້ນ ແມ່ນມາກ່ອນເລື້ອງສິດທິ
ມະນຸດ ໃນການດໍາເນີນການທູດຂອງສະຫະລັດກັບຫວຽດນາມ. ທ່ານ ເທເອີ ເວົ້າວ່າ:
“ຄວາມກ້າວໜ້າທີ່ຍືນນານ ໄດ້ຖອຍຫຼັງໃຫ້ແກ່ຄວາມເປັນພາຄີທີ່ຄົບຖ້ວນສົມ
ບູນ. ສະຫະລັດເຕັມໃຈທີ່ຈະພັດທະນາຄວາມສໍາພັນກັບຫວຽດນາມ ໃນທາງເສດຖະກິດແລະທາງທະຫານ ໃນຂະນະທີ່ທໍາການປະທ້ວງ ແລະບອກບັນດາ
ຜູ້ນໍາຫວຽດນາມວ່າ ມັນນອນຢູ່ໃນຜົນປະຫຍດຂອງຫວຽດນາມເອງ ເພາະວ່າ
ປະເທດທັງຫຼາຍທີ່ເຄົາລົບນັບຖື ດທິພົນລະເມືອງ ເຄົາລົບເສລີພາບທາງການ
ເມືອງ ແມ່ນຈະມີສະຖຽນລະພາບທາງການເມືອງ ແລະມີການເຕີບໂຕທາງ
ເສດຖະກິດ ແລະນັ້ນກໍແມ່ນຈະສ້າງອິດທິພົນໃນທາງບວກ ຕໍ່ທິດທາງຂອງ
ຄວາມສໍາພັນກັບສະຫະລັດ.”
ທ່ານ ເທເອີ ເວົ້າຕື່ມວ່າ ສິ່ງນຶ່ງທີ່ເປັນບັນຫາລົບກວນ ອັນສໍາຄັນຂອງຫວຽດນາມ ໃນ
ຄວາມສໍາພັນກັບສະຫະລັດນັ້ນ ກໍຄືdqfລະບຽບຄວບຄຸມອາວຸດແລະການລັກລອບຄ້າ
ອາວຸດລະຫວ່າງປະເທດ ທີ່ຫ້າມຫວຽດນາມ ບໍ່ໃຫ້ຊື້ອຸບປະກອນທາງທະຫານບາງຢ່າງ
ເຊັ່ນ ແວ່ນຕາເບິ່ງຍາມກາງຄືນ ແລະເຄຶ່ອງປາບຈະລາຈົນ ເປັນຕົ້ນ.
ຫຼັງຈາກຢ້ຽມຢາມຫວຽດນາມ ທ່ານແຄຣີໄດ້ເດີນທາງຕໍ່ໄປຍັງຟິລິບປິນ ບ່ອນທີ່ທ່ານໄດ້
ໄປຢ້ຽມຢາມ ແຂວງ Tacloban ທີ່ຖືກພາຍຸໃຕ້ຝຸ່ນໄຫຢັນ ສ້າງຄວາມເສຍຫາຍຢ່າງໜັກ
ແລະພົບປະກັບເຈົ້າໜ້າທີ່ລະດັບສູງຂອງຟິລິບປິນ ເພື່ອປຶກສາຫາລືກັນເລຶ່ອງຄວາມສໍາ
ພັນສອງຝ່າຍ.
ທ່ານແຄຣີເດີນທາງໄປຮອດຟີລິບປິນ:
ສະຫະລັດ ໄປຢ້ຽມຢາມຫວຽດນາມແລະຟິລິບປິນໃນອາທິດນີ້
ອັນເປັນພາກສ່ວນນຶ່ງຂອງການເດີນທາງ ທີ່ມີເປົ້າໝາຍເພື່ອ
ປັບຄວາມສົມດຸນທາງການທູດ ທາງເສດຖະກິດ ແລະທາງ
ທະຫານຂອງວໍຊິງຕັນ ຄືນໃໝ່ໂດຍແນໄປໃສ່ຂົງເຂດເອເຊຍ
ຫຼາຍຂຶ້ນ. Babrielle Paluch ຜູ້ສື່ຂ່າວວີໂອເອ ລາຍງານ
ເລຶ່ອງນີ້ຈາກບາງກອກ ຊຶ່ງດາຣາຈະນໍາມາສະເໜີທ່ານ.
ລັດຖະມົນຕີແຄຣີ ເດີນທາງໄປເຖິງຫວຽດນາມ ໃນເວລາທີ່ຄວາມ
ເຄ່ງຕຶງ ເພີ່ມທະວີຂຶ້ນກັບຈີນ ຍ້ອນປັກກິ່ງເອົາທ່າທີຮຸກຮານຂຶ້ນ ກ່ຽວກັບຂໍ້ຂັດແຍ້ງກັນ ກັບຫຼາຍປະເທດໃນຂົງເຂດ ເລື້ອງດິນແດນໃນທະເລ.
ໃນລະຫວ່າງການຖະແຫຼງຂ່າວຢູ່ນະຄອນຫຼວງຮາໂນ່ຍ ໃນມື້ວັນຈັນນັ້ນ ລັດຖະມົນຕີແຄຣີ
ໄດ້ກ່າວຕິຕຽນຈີນ ທີ່ໄດ້ປະກາດຕັ້ງເອົາເຂດປ້ອງກັນທາງອາກາດໃໝ່ ຢູ່ບໍລິເວນນ່ານຟ້າ
ເໜືອໝູ່ເກາະທີ່ເປັນຂໍ້ຂັດແຍ້ງ ກັນກັບຍີ່ປຸ່ນ ຢູ່ໃນເຂດທະເລຈີນຕາເວັນອອກນັ້ນ. ແລະ
ທ່ານແຄຣີເຕືອນວ່າ ປັກກິ່ງບໍ່ຄວນຈະຄິດປະຕິບັດການໃນທໍານອງດຽວນັ້ນ ຕາມລໍາພັງ
ຝ່າຍດຽວ ຢູ່ໃນເຂດອື່ນໆ ໂຮມທັງເຂດທະເລຈີນໃຕ້ນັ້ນນໍາ.
ພ້ອມດຽວກັນ ລັດຖະມົນຕີແຄຣີປະກາດວ່າ ສະຫະລັດຈະໃຫ້ເງິນເພີ່ມອີກ 32 ລ້ານໂດລ່າ
ເພື່ອຊ່ວຍເຫຼືອປະເທດຕ່າງໆຢູ່ໃນຂົງເຂດ ທໍາການລາດຕະເວນເຂດນ່ານນໍ້າ. ຮວມຢູ່ໃນ
ນັ້ນ ແມ່ນເງິນຊ່ວຍເຫຼືອຫວຽດນາມປະເທດດຽວ 18 ລ້ານໂດລ່າ.
ການຢ້ຽມຢາມຂອງທ່ານແຄຣີຄັ້ງນີ້ ມີຂື້ນຂະນະທີ່ວໍຊິງຕັນພະຍາຍາມທີ່ຈະສ້າງຄວາມ
ໝັ້ນໃຈໃຫ້ແກ່ບັນດາພັນທະມິດຂອງຕົນ ກ່ຽວກັບຍຸດທະສາດ ການຫັນໄປສູ່ຂົງເຂດເອ
ເຊຍຂອງຕົນ ກໍຄືປັບຄວາມສົມດຸນດ້ານເສດຖະກິດ ການເມືອງ ແລະການທະຫານ ໂດຍ
ແນໄປໃສ່ຂົງເຂດເອເຊຍຫຼາຍຂຶ້ນ ຊຶ່ງ ຖືວ່າມີຄວາມສໍາຄັນຕໍ່ອະນາຄົດຂອງສະຫະລັດ.
ທ່ານ Carl Thayer ປະຈໍາມະຫາວິທະຍາໄລ New South Wales ທີ່ປະເທດອອສເຕຣ
ເລຍ ເວົ້າວ່າ ການເດີນທາງຂອງລັດຖະມົນຕີແຄຣີຄັ້ງນີ້ ສ່ວນນື່ງກໍແມ່ນເພື່ອປັບຄວາມ
ສົມດຸນ ຂອງການປັບຄວາມສົມດຸນ ທີ່ວ່ານັ້ນ.
“ການປັບຄວາມສົມດຸນຂອງສະຫະລັດນັ້ນ ຍາມໃດກໍແມ່ນແນໃສ່ແຕ່ໃນດ້ານ
ການທະຫານ ແລະການປັບຄວາມສົມດຸນຂອງ ການປັບຄວາມສົມດຸນທີ່ເວົ້ານີ້
ກໍແມ່ນເພື່ອເນັ້ນຢໍ້າວ່າ ສະຫະລັດມີຄວາມໝາຍໝັ້ນທີ່ຍືນຍົງ ຕໍ່ການພົວພັນກັບ
ຂົງເຂດເອເຊຍຕາເວັນອອກສຽງໃຕ້ ແລະເຂດປາກແມ່ນໍ້າຂອງ ໃນຮູບແບບ
ອື່ນໆນໍາ ຊຶ່ງມາພ້ອມກັບການພັດທະນາຢ່າງຍືນຍົງ ການປົກປ້ອງສະພາບແວດ
ລ້ອມ ແລະການຫຼຸດຜ່ອນການປ່ຽນແປງຂອງດິນຟ້າອາກາດ.”
ຢູ່ຫວຽດນາມນັ້ນ ທ່ານລັດຖະມົນຕີແຄຣີ ຖືໂອກາດຂີ່ເຮືອທ່ອງທ່ຽວໄປຕາມລໍາແມ່ນໍ້າຂອງ
ເພື່ອກັບຄືນໄປເບິ່ງບ່ອນທີ່ທ່ານເຄີຍເປັນຜູ້ບັງຄັບເຮືອລາດຕະເວນຂອງອາເມຣິກາລໍານຶ່ງ
ໃນປາງສົງຄາມຫວຽດນາມນັ້ນ.
ທ່ານແຄຣີໄດ້ກ່າວຕໍ່ນັກສຶກສາຫວຽດນາມກຸ່ມນຶ່ງ ທີ່ອາໄສຢູ່ໃນເຂດຊຸມຊົນທີ່ເສດຖະກິດ
ເພີ່ງພາແມ່ນໍ້ານັ້ນ ກ່ຽວກັບການປ່ຽນແປງຂອງດິນຟ້າອາກາດ ແລະປະກາດໃຫ້ເງິນລົງທຶນ
ຈໍານວນ 17 ລ້ານໂດລ່າ ໃສ່ໃນໂຄງການປາກ ແມ່ນໍ້າຂອງແລະປ່າໄມ້ ຂອງຫວຽດນາມ
ຊຶ່ງມີເປົ້າໝາຍເພື່ອຫຼຸດຜ່ອນ ສະພາບດິນຟ້າອາກາດປ່ຽນແປງ.
ທ່ານ Kerry ຢ້ຽມຢາມ ເຂດປາກແມ່ນໍ້າຂອງ
During his trip to Vietnam, U.S. Secretary of State John Kerry toured the Mekong River Delta, where he was the commander of an American patrol boat during the Vietnam War.
ຢ່າງໃດກໍຕາມ ເຖິງແມ່ນສະຫະລັດແລະຫວຽດນາມ ຈະມີເປົ້າໝາຍຮ່ວມກັນທາງດ້ານ
ການເສດຖະກິດ ແລະຄວາມໝັ້ນຄົງກໍຕາມ ແຕ່ວໍຊິງຕັນກໍໄດ້ກ່າວຕໍາໜິຕິຕຽນ ປະຫວັດ
ດ້ານສິດທິມະນຸດທີ່ຂີ້ຮ້າຍຂອງຫວຽດນາມຢູ່ຕະຫຼອດມາ.
ເຖິງແມ່ນໄດ້ທໍາຄວາມກ້າວໜ້າໃນເລື້ອງສິດທີມະນຸດຂອງຕົນ ໂຮມທັງການເຊັນລົງນາມ
ໃນສົນທິສັນຍາຕໍ່ຕ້ານການທໍລະມານຂອງສະຫະປະຊາຊາດ ແລະອະນຸຍາດໃຫ້ຜູ້ຂຽນ
ລາຍງານພິເສດດ້ານສິດທິມະນຸດຂອງຢູແອັນ ເຂົ້າໄປໃນຫວຽດນາມໄດ້ກໍຕາມແຕ່ຫວຽດ
ນາມກໍຍັງທໍາການກວດລ້າງປາບປາມພວກທີ່ຕົນຄິດວ່າ ຕິຕຽນລັດຖະບານນັ້ນຢູ່ຕໍ່ມາ.
ມີນັກຂ່າວ ແລະພວກຂຽນຄວາມເຫັນລົງເວັບໄຊ້ ຖືກຈັບກຸມ ຢູ່ໃນຫວຽດນາມໃນປີນີ້ ຫຼາຍກວ່າຄັ້ງທີ່ຜ່ານໆມາ.
ບັນດານັກການທູດ ທີ່ມີໜ້າຢູ່ໃນກອງປະຊຸມຂອງລັດຖະມົນຕີແຄຣີ ກັບເຈົ້າໜ້າທີ່ຫວຽດ
ນາມ ເວົ້າວ່າ ທ່ານ ແຄຣີໄດ້ເວົ້າອອກມາຢ່າງກົງໆ ກ່ຽວກັບ ຄວາມສໍາຄັນຂອງສິດທິມະ
ນຸດ ໂດຍເອີ່ຍເຖິງກໍລະນີສະເພາະຫຼາຍກໍລະນີ. ແຕ່ແນວໃດກໍດີ ອາຈານເທເອີ ເວົ້າວ່າ
ເລື້ອງຄວາມໝັ້ນຄົງແລະບັນຫາເສດຖະກິດ ທີ່ປະຕິບັດໄດ້ນັ້ນ ແມ່ນມາກ່ອນເລື້ອງສິດທິ
ມະນຸດ ໃນການດໍາເນີນການທູດຂອງສະຫະລັດກັບຫວຽດນາມ. ທ່ານ ເທເອີ ເວົ້າວ່າ:
“ຄວາມກ້າວໜ້າທີ່ຍືນນານ ໄດ້ຖອຍຫຼັງໃຫ້ແກ່ຄວາມເປັນພາຄີທີ່ຄົບຖ້ວນສົມ
ບູນ. ສະຫະລັດເຕັມໃຈທີ່ຈະພັດທະນາຄວາມສໍາພັນກັບຫວຽດນາມ ໃນທາງເສດຖະກິດແລະທາງທະຫານ ໃນຂະນະທີ່ທໍາການປະທ້ວງ ແລະບອກບັນດາ
ຜູ້ນໍາຫວຽດນາມວ່າ ມັນນອນຢູ່ໃນຜົນປະຫຍດຂອງຫວຽດນາມເອງ ເພາະວ່າ
ປະເທດທັງຫຼາຍທີ່ເຄົາລົບນັບຖື ດທິພົນລະເມືອງ ເຄົາລົບເສລີພາບທາງການ
ເມືອງ ແມ່ນຈະມີສະຖຽນລະພາບທາງການເມືອງ ແລະມີການເຕີບໂຕທາງ
ເສດຖະກິດ ແລະນັ້ນກໍແມ່ນຈະສ້າງອິດທິພົນໃນທາງບວກ ຕໍ່ທິດທາງຂອງ
ຄວາມສໍາພັນກັບສະຫະລັດ.”
ທ່ານ ເທເອີ ເວົ້າຕື່ມວ່າ ສິ່ງນຶ່ງທີ່ເປັນບັນຫາລົບກວນ ອັນສໍາຄັນຂອງຫວຽດນາມ ໃນ
ຄວາມສໍາພັນກັບສະຫະລັດນັ້ນ ກໍຄືdqfລະບຽບຄວບຄຸມອາວຸດແລະການລັກລອບຄ້າ
ອາວຸດລະຫວ່າງປະເທດ ທີ່ຫ້າມຫວຽດນາມ ບໍ່ໃຫ້ຊື້ອຸບປະກອນທາງທະຫານບາງຢ່າງ
ເຊັ່ນ ແວ່ນຕາເບິ່ງຍາມກາງຄືນ ແລະເຄຶ່ອງປາບຈະລາຈົນ ເປັນຕົ້ນ.
ຫຼັງຈາກຢ້ຽມຢາມຫວຽດນາມ ທ່ານແຄຣີໄດ້ເດີນທາງຕໍ່ໄປຍັງຟິລິບປິນ ບ່ອນທີ່ທ່ານໄດ້
ໄປຢ້ຽມຢາມ ແຂວງ Tacloban ທີ່ຖືກພາຍຸໃຕ້ຝຸ່ນໄຫຢັນ ສ້າງຄວາມເສຍຫາຍຢ່າງໜັກ
ແລະພົບປະກັບເຈົ້າໜ້າທີ່ລະດັບສູງຂອງຟິລິບປິນ ເພື່ອປຶກສາຫາລືກັນເລຶ່ອງຄວາມສໍາ
ພັນສອງຝ່າຍ.
ທ່ານແຄຣີເດີນທາງໄປຮອດຟີລິບປິນ:
