ລິ້ງ ສຳຫລັບເຂົ້າຫາ

ທ່ານແຄຣີ ກ່າວວ່າ ກຳ​ລັງສູ້ລົບ ຂອງ ສ​ຫລ ຈະບໍ່ກັບຄືນ ໄປຍັງ ອີຣັກອີກ (ສະ​ໄລ​ດ໌/ວິດີໂອ)


ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry
ຮຽກຮ້ອງ​ໃຫ້​ທ່ານ Haider al-Abadi ທີ່​ຖືກ​ສະ​ເໜີ​ແຕ່ງ​ຕັ້ງ​
ໃຫ້​ເປັນ​ນາຍົກລັດຖະມົນຕີ​ອີຣັກ ​ໃຫ້​ປະກອບ​ຄະນະ​ລັດຖະ
ບານ​ຊຸດ​ໃໝ່ ​ໄວ​ເທົ່າ​ທີ່​ຈະ​ໄວ​ໄດ້ ​ແລະ​ໃຫ້​ຄຳ​ໝັ້ນ​ສັນຍາ​ທີ່​
ຈະ​ໃຫ້ການ​ສະໜັບສະໜຸນ​ອີຣັກໃນ​ການ​ຕໍ່ສູ້​ກັບ​ພວກ​ຫົວ​
ຮຸນ​ແຮງ​ຈາກ​ກຸ່ມຈັດ​ຕັ້ງ​ລັດ​ອິສລາມນັ້ນ.
ທ່ານ Kerry ກ່າວ​ຕໍ່​ບັນດາ​ນັກ​ຂ່າວ​ໃນ​ວັນ​ອັງຄານ​ມື້​ນີ້ ທີ່​ອອສ
​ເຕຣ​ເລຍ​ວ່າ ​ເປົ້າ​ໝາຍ​ສຳລັບ​ອີຣັກຍັງ​ຄົງ​ເປັນ​ລັດຖະບານ​ທີ່
​ຕາງໜ້າ​ພວກ​ປະຊາຊົນ​ຈາກ​ກຸ່ມ Shi’ite - ຊຸນ​ນີ ​ເຄີ​ດສ໌ ​ແລະ
​ຊົນ​ກຸ່ມ​ນ້ອຍ​ອື່ນໆ.

ທ່ານ Kerry ກ່າວ​ຕື່ມ​ວ່າ ຈະ​ບໍ່​ມີ​ກຳລັງ​ສູ້​ລົບ​ຂອງສະຫະລັດ​ກັບ​ຄືນໄປ​ຍັງ​ອີຣັກອີກ ​ໂດຍ​ເນັ້ນ​ວ່າ ປະ​ເທດ​ດັ່ງກ່າວກຳລັງ​ປະ​ເຊີນ​ກັບ​ການ​ສູ້​ລົບ “ທີ່ຊາວ​ອີຣັກ​ເອງ​ຕ້ອງ​ຮ່ວມ​ກັນ​ເພື່ອຕໍ່ສູ້ໃນ​ນາມ​ຂອງ​ອີຣັກ” ​ໂດຍ​ກ່າວ​ວ່າ “ສິ່ງ​ທີ່ພວກ​ເຮົາ​ກຳລັງ​ຊອກ​ຫາ​ແທ້ໆຢູ່​
ທີ່​ນີ້ ​ແມ່ນ​ຊ່ອງ​ທາງ​ນຶ່ງ​ເພື່ອ​ໃຫ້ການ​ສະໜັບສະໜຸນ​ແກ່​ອີຣັກ ສະໜັບສະໜຸນ
​ພວກ​ກຳລັງ​ຂອງ​ເຂົາ​ເຈົ້າ ດ້ວຍ​ການ​ເຝິກ​ແອບ ຫຼື ອຸບປະກອນ ຫຼື​ຄວາມ​ຊ່ອຍ​
ເຫຼືອ​ໃນ​ສິ່ງ​ໃດ​ສິ່ງ​ນຶ່ງ ທີ່​ສາມາດ​ຊ່ອຍ​ເຂົາ​ເຈົ້າ​ໄດ້ ​ເພື່ອ​ເພິ່ງ​ຕົນ​ເອງ ​ແລະ​ປ້ອງ​
ກັນ​ປະ​ເທດ​ຂອງ​ເຂົາ​ເຈົ້າ.

ທ່ານ Chuck Hagel ລັດຖະມົນຕີ​ປ້ອງ​ກັນ​ປະ​ເທດ​ສະຫະລັດ ​ເອີ້ນ​ການ​ຄັດ​ເລືອກ​ເອົາ​ທ່ານ Abadi ວ່າ​ເປັນ “ຂ່າວ​ດີ” ​ແລະ​ກ່າວ​ວ່າ ສະ ຫະລັດ​ຫວັງ​ວ່າ​ຈະ​ໄດ້ດຳ​ເນີນ​ງານ​ຮ່ວມກັບ​ລັດຖະບານ​ໃໝ່ ​ເມື່ອ​ໃດ​ມີ​ການຈັດຕັ້ງຂຶ້ນ​ແລ້ວ.

XS
SM
MD
LG