ລິ້ງ ສຳຫລັບເຂົ້າຫາ

ວັນຈັນ, ໒໗ ພຶດສະພາ ໒໐໒໔

ລັດຖະມົນຕີຕ່າງປະເທດ Kerry ຈະພົບປະກັບ ປະທານາທິບໍດີ ຣັດເຊຍ ທ່ານ Vladimir Putin


ູຝູງຊົນພາກັນເຕົ້າໂຮມກັນ ຢູ່ກາງນະຄອນ Kyiv ປະເທດ Ukraine ຮຽກຮ້ອງໃຫ້ປ່ອຍນັກບິນ Nadezhda Savchenko ທີ່ຣັດເຊຍກັກຂັງ.
ູຝູງຊົນພາກັນເຕົ້າໂຮມກັນ ຢູ່ກາງນະຄອນ Kyiv ປະເທດ Ukraine ຮຽກຮ້ອງໃຫ້ປ່ອຍນັກບິນ Nadezhda Savchenko ທີ່ຣັດເຊຍກັກຂັງ.

ລັດຖະມົນຕີ ​ຕ່າງປະ​ເທດ ສະຫະລັດ ທ່ານ John Kerry ມີ​ກຳ
ນົດໄປເຖິງ ນະຄອນຫລວງ​ມົນ​ກູ ​ເພື່ອ​ສົນທະ​ນາຫາລື​ກ່ຽວ​ກັບ
ເລື້ອງຊີ​ເຣຍ ກັບ​ທານ​າທິບໍດີຣັດ​ເຊຍ ທ່ານ Vladimir Putin ​
ແລະ​ລັດຖະມົນຕີ ຕ່າງ​ປະ​ເທດ ທ່ານ Sergei Lavrov.

ຊີ​ເຣຍ ​ແລະ​ຢູ​ເຄຣນ ຄາດ​ວ່າຈະ​ເປັນ​ຫົວ​ຂໍ້​ສຳຄັນ​ໃນລາຍ​ການ
​ປະຊຸມ. ກະຊວງ​ຕ່າງ​ປະທດສະຫະລັດ ກ່າວ​ວ່າ ການ​ຢ້ຽມຢາມ
​ໄດ້​ຖືກ​ຈັດ​ແຈງ​ຫລັງ​ຈາກ ປະທາ ນາທິບໍດີ Putin ​ໄດ້​ປະກາດ
ໃນອາທິດ​ແລ້ວ​ນີ້​ວ່າ ຣັດ​ເຊຍ​ໄດ້​ຖອນກຳລັງ​ທະຫານບາງ​ສ່ວນ​
ຂອງ​ຕົນອອກ​ຈາກ​ຊີ​ເຣຍ.

ກະຊວງ​ຕ່າງປະ​ເທດ ສະຫະລັດ ກ່າວ​ວ່າ ທ່ານ Kerry ​ແລະ​ບັນດາ​ເຈົ້າ​ໜ້າ​ທີ່ຣັດ​ເຊຍ
ຈະ​ສົນທະນາ​ກັນຫາລື​ກັນວ່າ ຈະ​ໃຫ້ການຄໍ້າປະກັນ​ຢ່າງ​ໃດ​ເພື່ອ​ໃຫ້ ການ​ຍຸດຕິ​ຄວາມ​
ເປັນ​ປໍ​ລະ​ປັກດຳ​ເນີນ​ຕໍ່​ໄປ​ຢູ່​ໃນ​ຊີ​ເຣຍ ການ​ໃຫ້​ຄວາມ​ຊ່ວຍ​ເຫຼື​ອ​ດ້ານ​ມະນຸດສະ​ທຳ ​
ພ້ອມ​ທັງການ​ປັບປຸງ ​ແລະ​ຂະ​ຫຍາ​ຍການ​ປະຕິບັດ​ງານ​ຂອງ​ ​ພະນັກງານ​ມະນຸດສະທຳ.
​ເຂົາ​ເຈົ້າ​ຍັງ​ຈະ​ສົນທະນາ​ວ່າ ຈະ​ຊ່ອຍ​ອຳນວຍ​ຄວາ​ມສະດ​ວກ​ແບບ​ໃດ ​ເພື່ອ​ໃຫ້​ມີ​ການ
ປ່ຽນ​ແປ​ງທາງ​ການ​ເມືອງ​ໃນ​ຊີ​ເຣຍ ​ແລະ​ຈະ​ເອົາຊະນະ​ພວກ​ຫົວຮຸນ​ແຮງ​ລັດ​ອິສລາມ
ໄດ້​ຢ່າງ​ໃດ.

ກ່ຽວ​ກັບ​ເລື້ອງ Ukraine ນັ້ນ ທ່ານ Kerry ຄາດ​ວ່າ ຈະ​ຮຽກຮ້ອງ​ໃຫ້​ຣັດ​ເຊຍ ດຳ​ເນີນ
​ການ​ຫລາຍ​ຂຶ້ນ ​ເພື່ອ​ກົດ​ດັນ​ໃຫ້ພວກແບ່ງ​ແຍກ​ດິນ​ແດນນິຍົມຣັດ​ເຊຍ ຢູ່​ທາງ​ພາກ​ຕາ
ເວັນ​ອອກ​ຂອງ Ukraine ​ໃຫ້ເຄົາລົບ​ການ​ຢຸດ​ຍິງທີ່​ໄດ້​ມີ​ການ​ຕົກ ລົງກັນໃນ​ເດືອນ​ແລ້ວ​ນີ້.

ທ່ານ Kerry ຍັງ​ຄາດ​ວ່າ ຈະ​ຮຽກຮ້ອງໃຫ້ຣັດ​ເຊ​ຍ ປ່ອຍ​ໂຕນັກ​ບິນ Ukraine ທ່ານນາງ
Nadiya Savchenko ຜູ້​ທີ່​ໄດ້​ຖືກ​ຕັດສິນ​ລົງ​ໂທດ ​ໃນ​ວັນ​ອັງຄານ​ວານ​ນີ້ໃຫ້​ຕິດ​ຄຸກ​ເປັນ​
ເວລາ 22 ປີໃນ​ຂໍ້​ຫາ​ສົມຮູ້​ຮ່ວມ​ຄິດເພື່ອ​ທຳ​ການ​ສັງຫານ. ສະຫະລັດ ກ່າວ​ວ່າ ຄຳ​ກ່າວ​ຫາ
​ເລົ່າ​ນັ້ນ​ແມ່ນບໍ່​ຖືກຕ້ອງ.

ທ່ານນາງ Savchenko ​ໄດ້ຖືກຕັດສິນ​ລົງ​ໂທດ ໃນການສົມຮູ້​ຮ່ວມ​ຄິດ ໃນ​ປີ 2014 ​ເພື່ອ
ສັງຫານ​ນັກ​ຂ່າວຣັດ​ເຊຍ​ສອງ​ຄົນ ທີ່ໄປ​ລາຍ​ງານ​ຂ່າວສົງຄາມ ຢູ່ພາກ​ຕາ​ເວັນ​ອອກ​ຂອງ
Ukraine ​ໂດຍສັ່ງ​ໃຫ້​ຍິງ​ປືນ​ໃຫຍ່​ໄປໃສ່ທີ່​ເຮັດ​ໃຫ້​ເຂົາ ​ເຈົ້າ​ເສຍ​ຊີວິດ ​ຢູ່​ເມືອງ Lugansk
​ໃນ​ພາກຕາເວັນອອກຂອງ Ukraine.

ທ່ານນາງ Savchenko ກ່າວວ່າ ບັນທຶກໂທລະສັບມືຖືພິສູດໃຫ້ເຫັນວ່າ ທ່ານນາງ ໄດ້
ຖືກຈັບໂດຍພວກຫົວຮຸນແຮງນິຍົມມົສກູກ່ອນນັກຂ່າວທັງ​ສອງໄດ້ເສຍ ຊີວິດ.

XS
SM
MD
LG