ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ຈະ
ກ່າວຄຳປາໄສໃນວັນພຸດມື້ີນີ້ ຢູ່ນະຄອນ Philadelphia ເພື່ອ
ສະໜັບສະໜູນຂໍ້ຕົກລົງສາກົນ ກ່ຽວກັບໂຄງການນິວເຄລຍອີ
ຣ່ານ ໃນຂະນະທີ່ ພັກເດໂມແຄຣັດ ຢູ່ໃນສະພາ ເກືອບຈະເປັນ
ທີ່ຄ້ຳປະກັນໄດ້ແລ້ວວ່າ ບັນດາສະມາຊິກສະພາຈະບໍ່ສາມາດ
ຮັບຜ່ານມາດຕະການຄັດຄ້ານຕໍ່ຂໍ້ຕົກລົງນີ້ໄດ້.
ທ່ານ Kerry ແລະບັນດານັກການທູດຂັ້ນສູງສຸດຈາກ ອັງກິດ
ຈີນ ຝຣັ່ງ ຣັດເຊຍ ເຢຣະມັນ ແລະສະຫະພາບຢູໂຣບ ໄດ້ຕົກ
ລົງກັບອີຣ່ານ ໃນເດືອນກໍລະກົດຜ່ານມາ ໂດຍຈຳກັດກິດຈະ
ການນິວເຄລຍຂອງປະເທດດັ່ງກ່າວ ເພື່ອເປັນ ການແລກປ່ຽນ
ກັບການຜ່ອນຜັນການລົງໂທດ.
ສະພາມີກຳນົດ ທີ່ຈະອະພິປາຍກ່ຽວກັບຂໍ້ຕົກລົງນີ້ ໃນອາທິດໜ້າ ຊຶ່ງເປັນການມ້ວນ
ທ້າຍລົງຂອງໄລຍະ 60 ມື້ ໃນການທົບທວນ ກ່ອນການລົງຄະແນນສຽງສະໜັບສະໜູນ
ຫລືຄັດຄ້ານ. ບັນດາຜູ້ຕິຕຽນໄດ້ໂຕ້ຖຽງວ່າ ມັນບໍ່ໄດ້ໃຫ້ການຄ້ຳ ປະກັນຢ່າງພຽງພໍວ່າ
ອີຣ່ານ ຈະບໍ່ພັດທະນາອາວຸດນິວເຄລຍ ແລະຈະເປັນອັນຕະລາຍແກ່ອິສຣາແອລ ທີ່
ເປັນພັນທະມິດສະຫະລັດ ໃນຂະນະທີ່ອະນຸຍາດໃຫ້ ອີຣ່ານ ນຳໃຊ້ທຶນໃໝ່ທີ່ຈະຖືກປ່ອຍ ສະໜັບສະໜູນການກໍ່ການຮ້າຍ.
ແຕ່ບັນດາຜູ້ສະໜັບສະໜູນກ່າວວ່າ ຂໍ້ກຳນົດຕ່າງໆແມ່ນເປັນຊ່ອງທາງທີ່ດີທີ່ສຸດ ເພື່ອ
ປ້ອງກັນບໍ່ໃຫ້ອີຣ່ານ ມີອາວຸດນິວເຄລຍ ຢູ່ໃນຄວາມຄອບຄອງ. ເພີ້ມເຕີມຈາກຄຳປາໄສ
ຂອງທ່ານ ໃນວັນພຸດມື້ນີ້ ເອພີກ່າວວ່າ ທ່ານ Kerry ຈະສົ່ງໜັງສືສະບັບນຶ່ງໄປຫາບັນດາ
ສະມາຊິກສະພາແຈ້ງໃຫ້ຊາບເຖິງຄວາມໝາຍໝັ້ນດ້ານ ຄວາມໝັ້ນຄົງສະຫະລັດ ແກ່ອິສຣາແອລ ແລະບັນດາປະເທດອາຣັບ ໃນເຂດອ່າວເປີເຊຍ.
ທ່ານ Kerry ແລະ ປະທານາມິບໍດີ Barack Obama ກຳລັງປະຕິບັດງານເພື່ອໃຫ້ໄດ້
ການສະໜັບສະໜູນພຽງພໍຈາກພັກເດໂມແຄຣັດ ເພື່ອບໍ່ໃຫ້ພັກຣີພັບບລິກັນ ທີ່ຄັດຄ້ານ
ຢ່າງຖ້ວມລົ້ນຕໍ່ຂໍ້ຕົກລົງນີ້ ລົງຄະແນນສຽງຄັດຄ້ານແລະລົບການໃຊ້ສິດຢັບຢັ້ງຂອງ
ປະທານາທິບໍດີ Obama ໄດ້ສັນຍາໄວ້ນັ້ນ.
ພັກເດໂມແຄຣັດຕ້ອງການສະມາຊິກສະພາສູງ 34 ຄົນເພື່ອປ້ອງກັນຂໍ້ຕົກລົງ ແລະເວລາ
ນີ້ ພຽງແຕ່ຕ້ອງການຕື່ມອີກນຶ່ງຄົນເທົ່ານັ້ນ ໃນຄວາມໝັ້ນໝາຍໃຫ້ບັນລຸລະດັບດັ່ງກ່າວ
ຫລັງຈາກສະມາຊິກສະພາສູງ Bob Cassey ຈາກລັດ Pennsylvania ແລະ ທ່ານ
Chris Coons ຈາກລັດ Delaware ໄດ້ປະ ກາດໃຫ້ການສະໜັບສະໜູນ ໃນວັນ
ອັງຄານວານນີ້.
