ລິ້ງ ສຳຫລັບເຂົ້າຫາ

site logo
ວັນອາທິດ, 29 ພຶດສະພາ 2022

ສະຫະລັດ ລະດົມເອົາ ການສະໜັບສະໜຸນ ຈາກ ອີຢູ ເລື້ອງຊີເຣຍ (ວີດິໂອ)


ລັດຖະມົນຕີຕ່າງປະເທດສະຫະລັດ ທ່ານ John Kerry ພົບປະສົນທະນາ ກັບທ່ານນາງ Catherine Ashton ຫົວໜ້າຝ່າຍນະໂຍບາຍຕ່າງປະເທດ ຂອງສະຫະພາບຢູໂຣບ ກ່ຽວກັບເລື້ອງຊີເຣຍ ຢູ່ນະຄອນຫລວງ Vilnius ຂອງ Lithuania, ວັນທີ 7 ກັນຍາ 2013.
ນັກ​ການ​ທູດ​ອັນ​ດັບ​ສູງ​ສຸດ​ຂອງ​ສະຫະລັດ ກໍ​ຄື ລມຕ ກະຊວງ​ຕ່າງປະ​ເທດ John Kerry ທໍາ​ການ​ພົບ​ປະ​ກັບ​ບັນດາ ລມຕ ຕ່າງປະ​ເທດ ຂອງຢູ​ໂຣບ ​ເພື່ອລະດົມ​ເອົາ​ການ​ສະໜັບສະໜຸນ
ຕໍ່​ແຜນການ​ເຄື່ອນ​ໄຫວ​ທາງ​ທະຫານ​ຕ້ານ​ຊີ​ເຊຍ ຂອງ​ສະຫະລັດ.

ທ່ານ Kerry ທໍາ​ການ​ສົນທະນາ​ຫາລື​ຢ່າງ​ບໍ່​ເປັນ​ທາງ​ການ​ກັບ​ບັນດາ​ຄູ່​ຕໍາ​ແໜ່​ງຂອງ​ທ່ານ​ຈາກ​ຢູ​ໂຣບ ​ໃນ​ວັນ​ເສົາ​ມື້​ນີ້ ຢູ່​ນະຄອນຫລວງ Vilnius ຂອງ​ປະ​ເທດ Lithuania ທີ່​ກໍາ​ຕໍາ​ແໜ່​ງປະທານ​ວຽນ​ຂອງ​ສະຫະພາບ​ຢູ​ໂຣບ ຢູ່​ໃນ​ປັດຈຸບັນ​ນີ້.

ບັນດາ​ຄູ່​ຕໍາ​ແໜ່​ງຂອງ​ທ່ານ​ແຄຣີ ​ແມ່ນ​ມີຄວາມ​ເຫັນ​ຂັດ​ແຍ້​ງກັນກ່ຽວ​ກັບ​ຊີ​ເຣຍນັ້ນ ​ໂດຍທີ່
​ສ່ວນ​ໃຫຍ່​ໄດ້​ຮຽກຮ້ອງ​ໃຫ້​ສະຫະລັດ​ເລື່ອນ​ເວລາ​ໃນ​ການ​ເອົາ​ບາດກ້າວ​ທາງ​ທະຫານ​ນັ້ນ
​ໄວ້​ກ່ອນ ຈົນ​ກ່ວາ​ຈະ​ມີ​ລາຍ​ງານ​ອອກມາ​ຈາກ​ຄະນະ​ກວດກາ​ຂອງ​ສະຫະ​ປະຊາ​ຊາດ ກ່ຽວ​ກັບ​ການ​ໃຊ້​ອາວຸດ​ເຄມີ ຢູ່​ໃນ​ຊີ​ເຣຍນັ້ນ​ເສຍ​ກ່ອນ.

ການ​ເຈລະຈາ​ດັ່ງກ່າວ​ມີ​ຂຶ້ນ ຫລັງ​ຈາກ​ກອງ​ປະຊຸມ​ສຸດ​ຍອດ​ຂອງ​ກຸ່ມ ຈີ20 ຢູ່​ນະຄອນ St. Petersburg ປະ​ເທດຣັດ​ເຊຍ ບ່ອນ​ທີ່​ປະທານາ​ທິບໍດີ​ ບາຣັກ ​ໂອ​ບາ​ມາ ​ໄດ້​ທໍາ​ການພົບ​
ປະ​ສອງ​ຝ່າຍຫລາຍໆ​ບັ້ນ​ຕ່າງ​ກັນ ກັບ​ບັນດາ​ຜູ້​ນໍາ​ຂອງ​ເສດຖະກິດໃຫຍ່ໆ​ຂອງໂລກ ຊຶ່ງ​
ທ່ານ​ໂອ​ບາ​ມາ​ກໍ​ໄດ້​ຮັບ​ການ​ສະໜັບສະໜຸນ​ ຈາກ​ຜູ້​ນໍາ​ຝຣັ່ງ ​ເທີ​ກີແລະ​ຄົນ​ອື່ນໆອີກຫລາຍ
​ຄົນ ​ແຕ່​ວ່າ​ປະທານາທິບໍດີຣັດ​ເຊ​ຍ ທ່ານ Vladimir Putin ຍັງ​ສື​ບຕໍ່​ຄັດຄ້ານ​ຢ່າງ​ໜັກ
​ແໜ້ນ ຕໍ່​ການ​ໂຈມ​ຕີ​ໃດໆ​ຕໍ່​ລັດຖະບານ​ຂອງ​ປະທານາທິບໍດີ Bashir al-Assad ນັ້ນ.

ວີດິໂອ: ຜູ້ນໍາໂລກມີຄວາມເຫັນຂັດແຍ້ງກັນ ກ່ຽວກັບການໂຈມຕີຊີເຣຍ:

World Powers Split Over US Plan to Punish Syria
please wait

No media source currently available

0:00 0:03:47 0:00
ລິງໂດຍກົງ

ຢູ່​ທີ່​ວໍ​ຊິງ​ຕັນ ປະທານາທິບໍດີໂອ​ບາ​ມາ ມີ​ກໍານົດ​ຈະ​ຖະ​ແຫລ​ງ​ໂດຍ​ກົ​ງ ຕໍ່​ປະຊາຊົນ​ອາ​ເມຣິ
ກັນ ທາງ​ໂທລະພາບ ​ໃນ​ວັນ​ອັງຄານ​ຈະ​ມາ​ເຖິ​ງນີ້ ​ເພື່ອ​ອ້າງ​ເຫດຜົນ​ສໍາລັບ​ການ​ໂຈມ​ຕີ​ທາງ​ທະຫານ ຕໍ່​ເປົ້າ​ໝາຍ​ສະ​ເພາະ​ແລະ​ແບບ​ມີ​ຂອບ​ເຂດ​ຈໍາກັດ ຕໍ່​ຊີ​ເຣຍນັ້ນ​. ທ່ານ​ໂອ​ບາ​ມາ ​ທີ່​ໄດ້​ເດີນ ທາງ​ກັບ​ຄືນ​ມາ​ຮອດ​ວໍ​ຊິງ​ຕັນ​ ​ໃນ​ຕອນ​ເດິກ​ຂອງ​ຄືນ​ວັນ​ສຸກ​ວານ​ນີ້ ​ໄດ້​ໂຕ້​ແຍ້​ງວ່າ ລັດຖະບານ​ທ່ານ​ອັສຊາດ​ໄດ້​ລະ​ເມີດ​ຂໍ້​ຫ້າມ​ຂອງ​ສາກົນ ແລະໄດ້ທໍາການຄາດ
ຕະກໍາປະຊາຊົນພົນລະເມືອງຂອງຕົນ ຢ່າງໜ້າສະຢອງຂວັນ ອັນເປັນອາຊະຍາກໍາ ທີ່
ທ່ານໂອບາມາເວົ້າວ່າ ຈະປ່ອຍໃຫ້ເກີດຂຶ້ນບໍ່ໄດ້ນັ້ນ.

ເພື່ອນບ້ານຂອງຊີເຣຍ ຊັ່ງຊາເບິ່ງຜົນກະທົບ ຈາກການໂຈມຕີຂອງສະຫະລັດ:

Syria's Neighbors Weigh Fallout of US Strike
please wait

No media source currently available

0:00 0:02:44 0:00
ລິງໂດຍກົງ

ທ່ານອາດຈະມັກເລື້ອງນີ້ຄືກັນ

XS
SM
MD
LG