ທ່ານ John Kerry ລັດຖະມົນຕີຕ່າງປະເທດສະຫະລັດ ກ່າວວ່າ
ມັນ“ສຳຄັນທີ່ສຸດ” ສຳລັບຣັດເຊຍ “ໃນອີກບໍ່ເທົ່າໃດຊົ່ວໂມງ
ຂ້າງນີ້” ເພື່ອຮຽກຮ້ອງໃຫ້ ພວກຫົວແບ່ງແຍກ ນິຍົມຣັດເຊຍ ໃນ
ຢູເຄຣນໃຫ້ວາງອາວຸດ ນັ້ນ.
ທ່ານ Kerry ກ່າວຖ້ອຍຖະແຫຼງດັ່ງກ່າວໃນວັນພະຫັດມື້ນີ້ ທີ່ນະ
ຄອນຫຼວງປາຣີ ຫຼັງຈາກພົບປະກັບຄູ່ຕຳແໜ່ງຂອງຝຣັ່ງ ທ່ານ
Laurant Fabius. ທ່ານ Kerry ກ່າວວ່າ ທ່ານແລະລັດຖະມົນ
ຕີຕ່າງປະເທດຝຣັ່ງ ແມ່ນ “ເຫັນດີນຳກັນຢ່າງເຕັມສ່ວນ” ທີ່ວ່າ
ປະທານາທິບໍດີ Vladimir Putin ແຫ່ງຣັດເຊຍ ຕ້ອງພິສູດໃຫ້
ເຫັນວ່າ ຣັດເຊຍກຳລັງດຳເນີນການເພື່ອຊັກຊວນໃຫ້ພວກຫົວ
ແບ່ງແຍກ ວາງອາວຸດແລະ “ເຂົ້າເປັນພາກສ່ວນ ຂອງການດຳເນີນຂັ້ນຕອນ ທີ່ຖືກ ຕ້ອງຕາມກົດໝາຍ” ໄປສູ່ສັນຕິພາບນັ້ນ.
ກ່ອນໜ້ານີ້ມື້ນຶ່ງ ລັດຖະບານປະທານາທິບໍດີ ໂອບາມາ ກ່າວວ່າ ຕົນພ້ອມແລ້ວ ທີ່ຈະທຳ
ການລົງໂທດຕ່າງໆຄັ້ງໃໝ່ ຕໍ່ຣັດເຊຍ ຖ້າມົສກູບໍ່ທຳການເຄື່ອນໄຫວໃດໆ ເພື່ອລົດຜ່ອນ
ວິກິດການ ໃນຢູເຄຣນລົງ. ລັດຖະບານສະຫະລັດ ກ່າວວ່າ ຕົນໄດ້ເລື່ອນເວລາ ໃນການ
ຈັດຕັ້ງປະຕິບັດ ໃນຂະນະທີ່ຕົນກົດດັນ ໃຫ້ມີສະໜັບສະໜຸນຮ່ວມກັນ ຈາກພວກໂຮງຈັກໂຮງງານຕ່າງໆຈາກຢູໂຣບ ແລະສະຫະລັດ ເພື່ອເອົາມາດຕະການຕ່າງໆນັ້ນ.
ທ່ານ Josh Earnest ໂຄສົກປະຈຳທຳນຽບຂາວໃນການຖະແຫຼງໃນວັນພຸດວານນີ້ ກ່າວ ວ່າ ການລົງໂທດຄັ້ງໃໝ່ຈະແນເປົ້າໃສ່ດ້ານການທະນາຄານ ພະລັງງານ ແລະພາກສ່ວນປ້ອງກັນປະເທດຂອງຣັດເຊຍ.
ການຂົ່ມຂູ່ໃນການລົງໂທດຄັ້ງໃໝ່ນີ້ມີຂຶ້ນໃນຂະນະທີ່ພວກຜູ້ນຳດ້ານທຸລະກິດອາເມຣິກັນ ປຸກລະດົມ ຕໍ່ຕ້ານການລົງໂທດ ຕາມລຳພັງຝ່າຍດຽວ ໂດຍກ່າວອ້າງວ່າ ການກະທຳເຊັ່ນນີ້ ຈະສ້າງຄວາມເສັຍຫາຍ ໃຫ້ແກ່ຜົນປະໂຫຍດຂອງສະຫະລັດ ແລະວຽກການ ຂອງຄົນອາເມຣິກັນ.
