ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ແລະ
ລັດຖະມົນຕີ ພະລັງງານ ທ່ານ Ernest Moniz ຈະໄປປາກົດ
ຕົວ ຕໍ່ໜ້າຄະນະກຳມະການ ສະພາສູງອີກໃນວັນອັງຄານມື້ນີ້
ໃນຂະນະທີ່ພວກທ່ານດຳເນີນຄວາມພະຍາຍາມ ເພື່ອຊອກ
ຫາການສະໜັບສະໜູນຈາກບັນດາສະມາຊິກສະພາ ທີ່ຍັງມີ
ຄວາມລັງເລໃຈ ໃນການທົບທວນເບິ່ງຂໍ້ຕົກລົງນິວເຄລຍສາ
ກົນ ກັບອີຣ່ານ.
ລັດຖະສະພາມີເວລາເຫລືອຢູ່ປະມານເຈັດອາທິດ ຂອງໄລຍະ
60 ມື້ ກວດເບິ່ງຂໍ້ຕົກລົງ ທີ່ຈຳກັດໂຄງການນິວເຄລຍຂອງອີ
ຣ່ານ ເພື່ອເປັນການແລກປ່ຽນກັບ ການບັນເທົາການລົງໂທດ
ຕໍ່ເສດຖະກິດທີ່ໄດ້ສ້າງຄວາມເສຍຫາຍຢ່າງຮ້າຍແຮງ. ສະພາຄວາມໝັ້ນຄົງສະຫະປະຊາ
ຊາດ ໄດ້ໃຫ້ການອະນຸມັດ ຕໍ່ເງື່ອນໄຂຕ່າງໆ ຂອງຂໍ້ຕົກລົງໃນອາທິດແລ້ວນີ້ໂດຍຕັັ້ງກຳ
ນົດເວລາທີ່ອາດຈະເຫັນການລົງໂທດ ຖືກຍົກເລີກພາຍໃນທ້າຍປີນີ້.
ທ່ານ Kerry ແລະ ທ່ານ Moniz ທີ່ໄດ້ພົບປະຊຳ້ແລ້ວຊຳ້ອີກ ກັບບັນດາເຈົ້າໜ້າທີ່ອີຣ່ານ
ໃນຕົ້ນເດືອນນີ້ ເພື່ອຊອກຫາຊ່ອງທາງໃຫ້ບັນລຸຂໍ້ຕົກລົງ ທີ່ມີມາ ດົນນານແລ້ວນັ້ນຈະ
ລາຍງານຕໍ່ຄະນະກຳມະການກິດຈະການຕ່າງປະເທດຂອງ ສະພາຕ່ຳ ພ້ອມດ້ວຍລັດຖະ
ມົນຕີການເງິນ ທ່ານ Jacob Lew.
ລັດຖະມົມນຕີທັງສາມທ່ານ ໄດ້ເຂົ້າຮ່ວມຮັບຟັງຄຳໃຫ້ການທີ່ຄ້າຍຄືກັນນີ້ ຕໍ່ຄະນະກຳມະ
ການຄວາມສຳພັນຕ່າງປະເທດຂອງສະພາສູງໃນອາທິດແລ້ວນີ້ ບ່ອນທີ່ທ່ານ Kerry ກ່າວ
ວ່າ ການປະຕິເສດຕໍ່ຂໍ້ຕົກລົງຈະເປັນການອ່ວຍໜ້າໜີຈາກ ໂອກາດອັນດີເລີດ ເພື່ອແກ້ໄຂ
ບັນຫາກິດຈະການນິວເຄລຍຂອງອີຣ່ານຢ່າງສັນຕິ.
ປະທານາທິບໍດີ ສະຫະລັດ ທ່ານ Barack Obama ໄດ້ໃຫ້ຄຳໝັ້ນສັນຍາ ທີ່ຈະໃຊ້ສິດຍັບ
ຢັ້ງ ຕໍ່ມາດຕະການປະຕິເສດໃດໆກໍຕາມ ຂອງລັດຖະສະພາ ຊຶ່ງໝາຍເຖິງສະພາຕໍ່າ ແລະ
ສະພາສູງ ແລະສະພາສູງຈຳເປັນຕ້ອງໄດ້ຮັບການສະ ໜັບສະໜູນສອງສ່ວນສາມ ເພື່ອຈະ
ເອົາຊະນະປະທານາທິບໍດີໄດ້ ແລະປະຕິເສດຕໍ່ການຍົກເລິກການລົງໂທດຂອງສະພາ.
ການລົງໂທດເຫລົ່ານັ້ນ ພ້ອມກັບການລົງໂທດຂອງສະຫະປະຊາຊາດ ແລະສະ ຫະພາບ
ຢູໂຣບ ມີຂື້ນເພື່ອເປັນການຕອບໂຕ້ຕໍ່ການກ່າວຫາວ່າ ອີຣ່ານ ໄດ້ໃຊ້ເທັກໂນໂລຈີນິວ
ເຄລຍ ເພື່ອຊອກຫາທາງສ້າງອາວຸດນິວເຄລຍ ແລະໄດ້ສ້າງ ຄວາມເສຍຫາຍຢ່າງຮ້າຍ
ແຮງຕໍ່ເສດຖະກິດຂອງປະເທດ.
ອີຣ່ານ ໄດ້ປະຕິເສດຕໍ່ການກ່າວຫາຕ່າງໆ ແລະຢືນຢັດວ່າ ໂຄງການນິວເຄລຍ ຂອງຕົນ
ມີຈຸດປະສົງໃນທາງສັນຕິ. ອີຣ່ານໄດ້ຊອກຫາຊ່ອງທາງເພື່ອໃຫ້ຍົກເລີກ ການລົງໂທດ ທີ່
ເປັນອົງປະກອບທີ່ສຳຄັນຂອງຂໍ້ຕົກລົງ ເພື່ອຈຳກັດກິດຈະການກັ່ນທາດຢູເຣນຽມ ແລະ
ອະນຸຍາດໃຫ້ສະຫະປະຊາຊາດເຂົ້າໄປກວດກາເບິ່ງສະ ຖານທີ່ນິວເຄລຍຂອງຕົນ.
