ທ່ານ ຈອນ ແຄຣີ ຣມຕ ຕ່າງປະເທດ ສຫຣ ກ່າວໃນວັນສຸກວານນີ້ວ່າ ພວກຫົວຮຸນແຮງ ລັດອິສລາມກຳລັງສູນເສຍທີ່ໝັ້ນຂອງຕົນເລື້ອຍໆໃນອີຣັກ ພວກນັກລົບແລະພວກຜູ້ນຳ ຂອງເຂົາກໍນັບມື້ຖືກຂ້າ ແລະສະມາຊິກຖັນແຖວກໍແມ່ນເລີ້ມພາກັນສິ້ນຫັວງ.
ທ່ານແຄຣີ ໄດ້ຢ້ຽມຢາມກຸງແບກແດດເປັນເວລາສັ້ນໆໃນວັນສຸກວານນີ້ ເພື່ອໂອ້ລົມກັບ ພວກຜູ້ນຳອີຣັກ. ທ່ານໄດ້ໃຫ້ຄຳສັນຍາວ່າ ກຳລັງປະສົມທີ່ນຳໂດຍ ສຫຣ ຕໍ່ສູ້ກັບພວກ
ລັດ ອິສລາມ “ຈະປະຕິບັດງານກັບກັບອີຣັກ ເພື່ອສ້າງຄວາມກົດດັນຕື່ມຂຶ້ນ” ໃນຫຼາຍໆ ອາທິດແລະຫຼາຍໆເດືອນທີ່ຈະມາເຖິງ.
ນັກການທູດຂັ້ນສູງຂອງ ສຫຣ ທ່ານນີ້ ໄດ້ເນັ້ນຢໍ້າການສືບຕໍ່ຊ່ອຍເຫຼືອຂອງ ອາເມຣິກາ ແກ່ລັດຖະບານອີຣັກ ເພື່ອສ້າງຄວາມເຂັ້ມແຂງໃຫ້ແກ່ກຳລັງຮັກສາຄວາມປອດໄພ ແລະ ປະຕິບັດງານໄປສູ່ສະເຖຍລະພາບຂອງການພັທນາດ້ານການເມືອງແລະເສດຖະກິດ.
ທ່ານແຄຣີ ໄດ້ບິນໄປແບກແດດ ຈາກບາເຣນອັນເປັນການຢ້ຽມຢາມນະຄອນຫຼວງອີຣັກ ເທື່ອທຳອິດຂອງທ່ານນັບຕັ້ງແຕ່ປີ 2014 ເປັນຕົ້ນມາ. ທ່ານໄດ້ພົບປະກັບ ນຍ ໄຮເດີ້ ອາລ ອາບາດີ ແລະ ນຍ ຣັດບານທ້ອງຖິ່ນຂອງຊາວເຄີດ ທ່ານ ເນັກຣິວານ ບາຊານີ ກ່ອນຈະພົບປະກັບພວກນັກຂ່າວທັງຫຼາຍໃນກອງປະຊຸມຂ່າວ.
ໃນການເວົ້າເຖິງການໄດ້ປຽບ ພວກຫົວຮຸນແຮງລັດອິສລາມໃນອິຮຣັກນັ້ນທ່ານແຄຣີ
ກ່າວ ວ່າພວກນັກລົບລັດອິສລາມບໍ່ໄດ້ຢູ່ໃນທ່າບຸກໂຈມຕີມາຫຼາຍເດືອນແລ້ວ ທັງໄດ້
ສູນ ເສຍດິນແດນທີ່ໝັ້ນທີ່ເຄີຍຄຸ້ມຄອງມາຫຼາຍກວ່າ 40 ເປີເຊັນແລ້ວ.
