ລັດຖະມົນຕີການຕ່າງປະເທດ ທ່ານ John Kerry ໄດ້ທຳການ
ຢ້ຽມຢາມ Somalia ໂດຍທີ່ບໍ່ໄດ້ປະກາດໃຫ້ຮູ້ລ່ວງໜ້າ ໂດຍໄດ້ເປັນເຈົ້າໜ້າທີ່ການທູດສູງສຸດຂອງສະຫະລັດ ທີ່ໄດ້ກະທຳເຊັ່ນນີ້.
ກະຊວງການຕ່າງປະເທດ ກ່າວວ່າ ທ່ານ Kerry ໄດ້ໄປເຖິງ
ສະໜາມບິນນະຄອນຫຼວງ Mogadishu ໃນຕອນບ່າຍວັນອັງ
ຄານມື້ນີ້ ຕາມເວລາໃນທ້ອງຖິ່ນ ແລະຈະເຂົ້າພົບກັບເຈົ້າໜ້າທີ່
ລັດຖະບານ ໃນລະຫວ່າງການຢ້ຽມຢາມຂອງທ່ານ.
ມີການຄາດກັນວ່າ ທ່ານຈະໂອ້ລົມສົນທະນາ ບັນຫາເລື້ອງ
ຄວາມປອດໄພ ແລະ ຄວາມ ຄືບໜ້າຂອງໂຊມາເລຍ ໃນການກ້າວໄປສູ່ການປະຕິຮູບ ແລະການບັນລຸເປົ້າໝາຍການພັດທະນາ ລ່ວງໜ້າຂອງການເລືອກຕັ້ງທີ່ວາງແຜນວ່າ
ຈະຈັດຂຶ້ນໃນປີໜ້ານີ້.
ເປັນທີ່ຄາດກັນອີກວ່າ ທ່ານ Kerry ຈະພົບປະກັບບັນດາຜູ້ນຳສັງຄົມພົນລະເຮືອນ ເພື່ອ
ປຶກສາຫາລື ເລື້ອງວຽກງານຂອງບັນດາອົງການທີ່ບໍ່ຂຶ້ນກັບລັດຖະບານໃນໂຊມາເລຍ ແລະທ່ານຍັງຈະໄດ້ກ່າວຂອບໃຈ ຕໍ່ກອງກຳລັງຂອງສະຫະພາບອາຟຣິກາ ສຳຫລັບບົດ ບາດຂອງພວກເຂົາເຈົ້າ ໃນການຄວບຄຸມສະຖານະການ ໃຫ້ດຸ່ນດ່ຽງມີສະຖຽນລະພາບ
ຢູ່ໃນປະເທດ ທີ່ໄດ້ນຳມາຊຶ່ງຄວາມສະງົບ ຫຼັງຈາກເວລາດົນກວ່າ 2 ທົດສະວັດ ທີ່ບໍ່ມີ ລັດຖະບານທີ່ເຮັດວຽກໄດ້ ແລະການຕໍ່ສູ້ທີ່ດຳເນີນສືບຕໍ່ມາ ຕ້ານຢັນກຸ່ມຫົວຮຸນແຮງ al-Shabab ນັ້ນ.
ໃນວັນຈັນວານນີ້ ທີ່ເມືອງຫຼວງ Nairobi ຂອງ Kenya ທ່ານ Kerry ໄດ້ປະກາດເງິນຊ່ອຍ
ເຫຼືອໃໝ່ ຈຳນວນຫຼາຍລ້ານໂດລ່າ ແກ່ອາຟຣິກາ.
ທ່ານ Kerry ກ່າວວ່າ ສະຫະລັດຈະສະໜອງເງິນຊ່ອຍເຫຼືອເພີ້ມຕື່ມ ຈຳນວນ 45 ລ້ານໂດລ່າ
ໃຫ້ແກ່ຫ້ອງການ UNHCR ຂອງສະຫະປະຊາຊາດ ເພື່ອຊ່ອຍເຫຼືອອົບພະຍົບ ຈຳນວນ 6 ແສນຄົນ ທີ່ພັກພາອາໄສຢູ່ໃນເຄັນຢານັ້ນ. ທ່ານໄດ້ກ່າວສັນລະເສີນລັດຖະບານໄນໂຣບີ
ທີ່ໄດ້ຮັບເອົາພວກອົບພະຍົບເຫຼົ່ານີ້.
ໃນວັນຈັນວານນີ້ ອີກເຊັ່ນກັນ ທ່ານ Kerry ໄດ້ກ່າວໃຫ້ກຽດ ຕໍ່ພວກທີ່ປະສົບເຄາະ ໃນເຫດ
ລະເບີດທີ່ສະຖານທູດສະຫະລັດ ທີ່ໄນໂຣບີ ປີ 1998 ແລະການໂຈມຕີຢ່າງຕໍ່ເນື່ອງໃນຫວ່າງ
ມໍ່ໆມານີ້ ໃນຂະນະທີ່ທ່ານປະຕິຍານວ່າ ສະຫະລັດ ຈະຍັງສືບຕໍ່ ໃຫ້ການຊ່ອຍເຫຼືອສະໜັບ
ສະໜຸນການຕໍ່ສູ້ກັບກຸ່ມກໍ່ການຮ້າຍນັ້ນ.
ທ່ານ Kerry ຍັງໄດ້ພົບປະກັບ ປະທານາທິບໍດີເຄັນຢາ ທ່ານ Uhuru Kenyatta ເພື່ອປຶກສາ
ຫາລື ຊອກຫາຊ່ອງທາງຮັບມືກັບການຂົ່ມຂູ່ຈາກກຸ່ມ al-Shabab ທີ່ມີຖານທີ່ໝັ້ນ ໃນໂຊມາເລຍ ປະເທດເພື່ອນບ້ານນັ້ນ.
