ລັດຖະມົນຕີຕ່າງປະເທດສະຫະລັດ ທ່ານ John Kerry ພວມຢູ່
ໃນອິນເດຍ ເພື່ອເຂົ້າຮ່ວມ ກອງປະຊຸມການລົງທຶນສາກົນ ແລະ
ສົ່ງເສີມສາຍສຳພັນດ້ານເສດຖະກິດ ກັບບັນດາປະເທດໃນເຂດ
ເອເຊຍໃຕ້ ກ່ອນໜ້າການເດີນທາງໄປຢ້ຽມຢາມ ໂດຍປະທານາ
ທິບໍດີ ບາຣັກ ໂອບາມາ ທີ່ຈະຕິດຕາມມາ ໃນເດືອນນີ້.
ທ່ານ Kerry ເດີນທາງໄປເຖິງ ເມືອງຫລວງ Ahmedabad
ຂອງລັດ Gujarat ໃນວັນອາທິດມື້ນີ້ ໂດຍນຳພາຄະນະຜູ້ແທນ
ສະຫະລັດເຂົ້າຮ່ວມ ກອງປະຊຸມການລົງທຶນສຸດຍອດ Gujarat
ທີ່ຊອກຫາຊ່ອງທາງສົ່ງເສີມ ການພັດທະນາທີ່ມີຄວາມຮັບຜິດ
ຊອບຢ່າງຍືນຍົງ.
ຫົວໜ້ານັກການທູດສະຫະລັດ ຈະພົບປະກັບນາຍົກລັດຖະມົນຕີອິນເດຍ ທ່ານ Narendra
Modi ເພື່ອປຶກສາຫາລື ກ່ຽວກັບແຜນການໃນການເດີນທາງມາຢ້ຽມຢາມຂອງປະທານາ
ທິບໍດີ ໂອບາມາ ເພື່ອເຂົ້າຮ່ວມໃນພິທີຕ່າງໆ ສະເຫລີມສະຫລອງ ວັນສາທາລະນະລັດ
ປະຈຳປີຂອງອິນເດຍ.
ທ່ານ Kerry ໄດ້ຢຸດແວ່ເປັນເວລາສັ້ນ ຢູ່ເຢຍຣະມັນໃນວັນເສົາວານນີ້ ແລະ ໄດ້ພົບປະກັບ ສຸນລະຕານຂອງປະເທດໂອມານ.
ກະຊວງການຕ່າງປະເທດກ່າວວ່າ ທ່ານ Kerry ແລະສຸນລະຕານ Qaboos ໄດ້ພົບປະກັນ ເປັນເວລາ ປະມານ 90 ນາທີຢູ່ນະຄອນ Munich ເມື່ອຕອນບ່າຍວັນເສົາວານນີ້. ສຸນລະຕານໄວ 74 ປີ ດັ່ງກ່າວ ໄດ້ເດີນທາງໄປຢູໂຣບເພື່ອຮັບການຮັກສາທາງການແພດ ເປັນເວລາຫຼາຍເດືອນແລ້ວ.
ບັນດາເຈົ້າໜ້າທີ່ກ່າວວ່າ ການສົນທະນາກັນຢ່າງກວ້າງຂວາງນັ້ນ ໄດ້ກວມເອົາ ຫົວຂໍ້ຫຼາຍໆ ຢ່າງທີ່ລວມໄປເຖິງເລື້ອງການເຈລະຈານິວເຄລຍກັບອີຣ່ານ ທີ່ຍັງສືບຕໍ່ຢູ່ນັ້ນຕະຫລອດທັງ
ເລື້ອງຄວາມກັງວົນຕ່າງໆ ກ່ຽວກັບການຂົ່ມຂູ່ຂອງພວກຫົວຮຸນແຮງຈັດ ຫຼັງຈາກເກີດການ ໂຈມຕີທີ່ນະຄອນຫລວງ Paris.
