ລິ້ງ ສຳຫລັບເຂົ້າຫາ

ທ່ານ Kerry ກ່າວວ່າ ສຫລ ຈະເຂົ້າຮ່ວມ ການເຈລະຈາ ຫຼາຍຝ່າຍ ກ່ຽວກັບ ຊີເຣຍ


Analyst: Expect Little From Kerry-Lavrov Talks
please wait

No media source currently available

0:00 0:01:48 0:00

ລັດຖະມົນຕີການຕ່າງປະເທດສະຫະລັດ ທ່ານ John Kerry ໄດ້
ປະກາດແຜນການເພື່ອຈັດກອງປະຊຸມນາໆຊາດໃນຂອບເຂດທີ່
ກວ້າງຂວາງ ກ່ຽວກັບຊີເຣຍໃນອາທິດໜ້າຊຶ່ງເປັນການເພີ້ມການ ດຳເນີນຄວາມພະຍາຍາມທາງດ້ານການທູດເພື່ອຫາທາງແກ້ໄຂ
ທາງດ້ານການເມືອງ ຕໍ່ບັນຫາຂັດແຍ້ງນອງເລືອດ ທີ່ແກ່ຍາວມາ
ຢູ່ໃນປະເທດດັ່ງກ່າວ.

ທ່ານ Kerry ກ່າວຕໍ່ພວກນັກຂ່າວທີ່ນະຄອນວຽນນາໃນວັນສຸກ
ວານນີ້ ຫຼັງຈາກໄດ້ພົບປະກັບລັດຖະມົນຕີການຕ່າງປະເທດຣັດ
ເຊຍທ່ານ Sergei Lavrov. ເຈົ້າໜ້າທີ່ກ່າວວ່າ ລັດຖະມົນຕີທັງ ສອງແມ່ນໄດ້ພະຍາຍາມຊອກຫາການຕົກລົງຮ່ວມກັນ ລະຫວ່າງວໍຊິງຕັນ ແລະມົສກູກ່ຽວ
ກັບອະນາຄົດທາງການເມືອງຂອງຊີເຣຍ.

ນອກນັ້ນພວກທ່ານທັງສອງຍັງໄດ້ພົບປະກັບລັດຖະມົນຕີການຕ່າງປະເທດຂອງເທີກີແລະ ຊາອຸດີ ອາຣາເບຍ ໃນການເຈລະຈາທີ່ທ່ານ Kerry ເວົ້າວ່າ ດຳເນີນໄປໃນທາງ “ສ້າງສັນ” ແລະ “ໃຫ້ດອກອອກຜົນ”. ທ່ານກ່າວວ່າ ພວກທ່ານໄດ້ ຕົກລົງກັນ ທີ່ຈະປຶກສາຫາລື ກັບ ທຸກພັກຝ່າຍກ່ຽວຂ້ອງທັງໝົດ ແລະແນໃສ່ເພື່ອເປີດຄືນກອງປະຊຸມໃນຂອບເຂດທີ່ກວ້າງ ຂວາງ ໂດຍແນໃສ່ເພື່ອສ້າງຄວາມຄືບໜ້າແກ່ຂັ້ນຕອນທາງດ້ານການເມືອງແບບມີຄວາມ ໝາຍ ພາຍໃນວັນສຸກອາທິດໜ້ານີ້.

ທ່ານ Kerry ໄດ້ກ່າວໂດຍເນັ້ນໜັກວ່າ ພວກທີ່ເຂົ້າຮ່ວມທັງໝົດຈະມີສິດເທົ່າທຽມກັນໂດຍ
ເວົ້າວ່າ “ນີ້ແມ່ນການດຳເນີນຄວາມພະຍາຍາມຫຼາຍຝ່າຍ ແລະ ຈະບໍ່ມີບັນດາຜູ້ນຳທີ່ແຕ່ງ ຕັ້ງຕົນເອງ. ພວກເຮົາພຽງແຕ່ພະຍາຍາມຈະສຳຫຼວດເບິ່ງຄວາມຄິດຄວາມເຫັນ ພວກເຮົາ ຫວັງວ່າຈະໄດ້ຂະຫຍາຍຈຳນວນປະເທດທີ່ມີຄວາມວິຕົກກັງວົນເປັນຢ່າງຍິ່ງກ່ຽວກັບເລື້ອງ
ນີ້.”

ສະຖານທີ່ຈະຈັດກອງປະຊຸມຍັງບໍ່ທັນມີການແຈ້ງໃຫ້ຊາບເທື່ອ.

ກ່ອນໜ້ານີ້ ໃນລະຫວ່າງກອງປະຊຸມຖະແຫລງຂ່າວຮ່ວມກັນ ກັບທ່ານ Nasser Judeh
ລັດຖະມົນຕີຕ່າງປະເທດຈໍແດັນ ທ່ານ Lavrov ກ່າວຕໍ່ພວກນັກຂ່າວວ່າ ຣັດເຊຍ ແລະຈໍ
ແດັນໄດ້ຕົກລົງກັນທີ່ຈະປະສານງານການປະຕິບັດງານທາງທະຫານຢູ່ໃນຊີເຣຍຮວມທັງ
ການໂຈມຕີທາງອາກາດນຳດ້ວຍ.

Russia Syria
please wait
Embed

No media source currently available

0:00 0:00:46 0:00

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG