ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ຜູ້ທີ່
ໄດ້ຫລີ້ນບົດ ບາດອັນສຳຄັນ ຢູ່ໃນລັດຖະບານທ່ານ Obama
ໃນຄວາມພະຍາມເພື່ອໃຫ້ໄດ້ມາຊຶ່ງຂໍ້ຕົກລົງນິວເຄລຍສາກົນ
ກັບອີຣ່ານ ບັດນີ້ ກຳລັງຫາທາງຊັກຊວນໃຫ້ ບັນດາສະມາຊິກ
ສະພາສະຫະລັດທີ່ຍັງມີຄວາມລັງເລໃຈຢູ່ກ່ຽວກັບການຈັດຕັ້ງ
ປະຕິບັດຂໍ້ຕົກລົງດັ່ງກ່າວ ຈະເຮັດໃຫ້ໂລກ ມີຄວາມປອດໄພ
ຫລາຍຂື້ນແລະໃນທີ່ສຸດເປີດໂອກາດຢ່າງອຶ່ນລະຫວ່າງສະຫະ
ລັດ ແລະອີຣ່ານ.
ຢູ່ໃນການສຳພາດກັບ ວີໂອເອ ພະແນກພາສາເປີເຊຍ ທ່ານ
Kerry ກ່າວວ່າ ທ່ານມີຄວາມໝັ້ນໃຈວ່າບັນດາສະມາຊິກສະ
ພາຈະເຂົ້າໃຈວ່າ ການບໍ່ສາມາດໃຫ້ການອະນຸມັດຕໍ່ຂໍ້ຕົກລົງ ທີ່ໄດ້ບັນລຸກັນລະຫວ່າງ ອີ ຣ່ານແລະກຸ່ມຫົກປະເທດທີ່ນຳພາໂດຍສະຫະລັດອາດຈະນຳໄປສູ່ການມີບັນຫາຂັດແຍ້ງ ແລະສົງຄາມເພີ້ມຂຶ້ນ ຢູ່ໃນພາກຕາເວັນອອກກາງ ທີ່ມີບັນຫາຢູ່ແລ້ວນັ້ນ.
ທ່ານ Kerry ກ່າວວ່າ “ເພາະວ່າ ຖ້າຫາກພວກເຮົາບໍ່ມີຂໍ້ຕົກລົງນີ້ ເວລານັ້ນ ຂ້າພະເຈົ້າ
ເຊື່ອວ່າ Ayatollah ຈະກ່າວວ່າ ເປັນຫຍັງຂ້າພະເຈົ້າ ຕ້ອງເຈລະ ຈາກັບພວກນີ້? ເຂົາ
ເຈົ້າ ຍັງບໍ່ທັນໄດ້ນຳສົ່ງໃດໆ ເຂົາເຈົ້າບໍ່ເຮັດຫຍັງ.” ເປັນຫຍັງເພື່ອນຮວມງານຂອງພວກ
ເຮົາຢູ່ໃນໂລກ ພາກັນໃຫ້ການສະໜັບສະໜູນ ການລົງໂທດ ເວລາເຂົາເຈົ້າເວົ້າວ່າ ການ
ລົງໂທດແມ່ນເພື່ອບັງຄັບໃຫ້ມີຂໍ້ຕົກ ລົງ ແຕ່ເຂົາເຈົ້າມີຂໍ້ຕົກລົງແລ້ວ ແລະບັດນີ້ເຂົາເຈົ້າ
ພາກັນຢ່າງໜີບໍ? ເພາະສະນັ້ນ ສິ່ງທັງໝົດພັງທະລາຍລົງພ້ອມດ້ວຍໄພອັນຕະລາຍອັນ
ໃຫຍ່ຫຼວງຢູ່ໃນຂົງເຂດ.”
ທ່ານ Kerry ໄດ້ກ່າວປ້ອງກັນລັດຖະບານສະຫະລັດ ຈາກການຕິຕຽນວ່າ ມັນຄວນທີ່ຈະມີການຊຸກຍູ້ຂະຫຍາຍລາຍການໄປຫຼາຍເລື້ອງ ທີ່ຮວມທັງບັນຫາສິດທິມະນຸດແລະການ
ປ່ອຍໂຕຊາວອາເມຣິກັນຫລາຍຄົນ ທີ່ຍັງຖືກກັກຂັງຢູ່ໃນອີຣ່ານ.
