ທ່ານ John Kerry ລັດຖະມົນຕີການຕ່າງປະເທດສະຫະລັດ
ທ່ານ Mohammad Javad Zarif ລັດຖະມົນຕີຕ່າງປະ
ເທດອີຣ່ານ ແລະທ່ານນາງ Catherine Ashton ຫົວໜ້າ
ນະໂຍບາຍຕ່າງປະເທດສະຫະພາບຢູໂຣບ ໄດ້ເລີ້ມການ
ໂອ້ລົມສົນທະນາກັນເປັນມື້ທີສອງ ທີ່ປະເທດ Oman ຂະນະ
ທີ່ວັນເສັ້ນຕາຍສຳລັບໃຫ້ມີການບັນລຸຂໍ້ຕົກລົງກັນຢ່າງຮອບ
ດ້ານວ່າດ້ວຍນີວເຄລຍກັບອີຣ່ານຈະໝົດໄປນັ້ນ.
ການໂອ້ລົມສົນທະນາທີ່ໄດ້ຍືດອອກມາຮອດວັນຈັນມື້ນີ້ ມີຂຶ້ນ
ຫຼັງຈາກພວກທີ່ມາຮ່ວມການພົບປະຫາລືກັນນີ້ບາງທ່ານມີ
ໝາຍກຳນົດວ່າຈະອອກຈາກປະເທດໄປແລ້ວ.
ປະທານາທິບໍດີສະຫະລັດ ທ່ານບາຣັກ ໂອບາມາ ກ່າວໃນການໃຫ້ສຳພາດທາງໂທລະພາບໃນວັນອາທິດວານນີ້ ວ່າ ໝົດທຸກຝ່າຍຍັງຢູ່ຫ່າງໄກກັນຫຼາຍກ່ອນຈະບັນລຸຂໍ້ຕົກລົງດ້ານນີວເຄລຍກັນໄດ້ ກ່ອນວັນເສັ້ນຕາຍຈະໝົດລົງໃນທ້າຍເດືອນນີ້. ການພົບປະກັນທີ່
Oman ເປັນໂອກາດດີທີ່ສຸດສຳລັບລັດຖະບານທ່ານໂອບາມາ ເພື່ອຊຸກຍູ້ໃຫ້ມີຂໍ້ຕົກລົງ
ກັນດ້ານນີວເຄລຍກັບອີຣ່ານ ກ່ອນພວກສະມາຊິກພັກ Republican ທີ່ມີຄວາມສົງໄສ
ກັນວ່າຈະ ເຂົ້າຄອບຄອງລັດຖະສະພາໃນປີຕໍ່ໜ້ານີ້.
ໃນການກ່າວຖ້ອຍຖະແຫຼງກ່ອນເດີນທາງອອກຈາກປັກກິ່ງໃນວັນເສົາມື້ກ່ອນນີ້ ທ່ານ Kerry ໄດ້ກ່າວເຊັ່ນກັນວ່າ “ມີຊ່ອງຫວ່າງຢ່າງແທ້ຈິງຫຼວງຫຼາຍຢູ່” ໃນການໂອ້ລົມສົນທະນາກັນເພື່ອໃຫ້ບັນລຸຂໍ້ຕົກລົງກັບອີຣ່ານກ່ຽວກັບໂຄງການນີວເຄລຍຂອງອີຣ່ານນັ້ນ. ນອກນັ້ນທ່ານຍັງໄດ້ກ່າວເນັ້ນເຊັ່ນກັນວ່າ ການເຈລະຈາດ້ານນີວເຄລຍກັນນີ້ ແມ່ນແຍກອອກຈາກເລື້ອງອື່ນໆ ຮວມທັງການຮ່ວມໄມ້ຮ່ວມມືທີ່ເປັນໄປໄດ້ກັບອີຣ່ານ ໃນການຕໍ່ສູ້ກັບກຸ່ມລັດອິສລາມນັ້ນ.
ທ່ານ Zarif ທີ່ໄດ້ກ່າວຖ້ອຍຖະແຫຼງເຊັ່ນກັນ ກ່ອນການພົບປະກັນນີ້ກ່າວວ່າ ການລົງໂທດທີ່ຝ່າຍຕາເວັນຕົກວາງໃສ່ອີຣ່ານນັ້ນ ຈະບໍ່ອຳນວຍໃຫ້ມີການແກ້ໄຂກັນໄດ້ ໃນການປະເຊີນໜ້າກັນກ່ຽວກັບໂຄງການນີວເຄລຍຂອງອີຣ່ານນີ້.
ທ່ານ Zarif ກ່າວວ່າ ຄວາມບໍ່ລົງຮອຍກັນຕ່າງໆທີ່ຍັງມີຢູ່ ກໍຄືວ່າ ອີຣ່ານຈະຫຼອມທາດຢູເຣນຽມຂອງຕົນໄດ້ໜ້ອຍຫຼາຍສໍ່າ ໃດ ແລະການລົງໂທດຕໍ່ອີຣ່ານຈະຖືກຍົກເລີກດ້ວຍວິທີ
ໃດ.
ປະທານາທິບໍດີໂອບາມາ ກ່າວໃນຫວ່າງໄວໆຜ່ານມານີ້ວ່າ ສະຫະລັດແລະພວກປະເທດສະມາຊິກ P5 ບວກ 1 ທີ່ປະກອບດ້ວຍອັງກິດ ຈີນ ຝຣັ່ງ ຣັດເຊຍ ສະຫະລັດ ແລະເຢຍ
ຣະມັນ ໄດ້ມອບໂຄງຮ່າງສຳລັບຂໍ້ຕົກລົງນີວເຄລຍ ໃຫ້ແກ່ອີຣ່ານແລ້ວ.
