ທ່ານ John Kerry ລັດຖະມົນຕີການຕ່າງປະເທດສະຫະລັດ
ກ່າວວ່າ ຍັງມີຊ່ອງຫວ່າງທີ່ສຳຄັນ ໃນການເຈລະຈາເພື່ອຊອກ
ຫາຊ່ອງທາງໃຫ້ ມີການບັນລຸຂໍ້ຕົກລົງກ່ຽວກັບໂຄງການນິວ
ເຄລຍຂອງອີຣ່ານ.
ທ່ານ Kerry ກ່າວທີ່ອອສເຕຣຍໃນວັນອາທິດມື້ນີ້ວ່າ ມັນເປັນ
ເລື່ອງສຳຄັນທີ່ຈະໃຫ້ເປັນທີ່ແນ່ໃຈວ່າ ອີຣ່ານຈະບໍ່ສ້າງອາວຸດ
ນິວເຄລຍ.
ຫົວໜ້ານັກການທູດສະຫະລັດກຳລັງຢູ່ທີ່ນະຄອນວຽນນາ ເພື່ອທຳການໂອ້ລົມສົນທະນາກັນ
ເລື້ອງນີວເຄລຍຮອບໃໝ່ກັບອີຣ່ານ ແລະປະເທດອື່ນໆທີ່ກ່ຽວຂ້ອງ.
ເຈົ້າໜ້າທີ່ຂັ້ນອາວຸໂສທ່ານນຶ່ງຂອງສະຫະລັດ ທີ່ກອງປະຊຸມເຈລະຈາກັນທີ່ນະຄອນ
ວຽນນາ ກ່າວວ່າ ອີຣ່ານ ຍັງບໍ່ທັນໄດ້ທຳການເຄື່ອນໄຫວ ຈາກອັນທີ່ທ່ານເອີ້ນວ່າ “ທ່າ
ທີທີ່ຍັງດຳເນີນການບໍ່ໄດ້ ແລະຍັງບໍ່ທັນພຽງພໍເທື່ອ.”
ເຈົ້າໜ້າທີ່ທ່ານນີ້ ກ່າວວ່າ ໄດ້ມີຄວາມຄືບໜ້າແດ່ໜ້ອຍນຶ່ງ ແຕ່ທັງສອງຝ່າຍ ຍັງຢູ່ໃນ
ທ່າທີທີ່ໄກກັນຫຼາຍ ໃນປະເດັນທີ່ສຳຄັນບາງຢ່າງ ຮວມທັງການກັ່ນທາດຢູເຣນຽມ.
ເຈົ້າໜ້າທີ່ສະຫະລັດອີກທ່ານນຶ່ງ ກ່າວວ່າ ມັນຈະເປັນເລື້ອງຫຍຸ້ງຍາກທີ່ຈະຕໍ່ເວລາໃນ
ການພົບປະເຈລະຈາກັນນີ້ ກາຍວັນເສັ້ນຕາຍ ຄືວັນທີ 20 ກໍລະກົດ ໂດຍບໍ່ເຫັນຄວາມ
ຄືບໜ້າໃດໆກ່ຽວກັບເລື້ອງເຫຼົ່ານັ້ນ.
ອັງກິດ ຝຣັ່ງ ແລະເຢຍຣະມັນຕ່າງກໍສົ່ງລັດຖະມົນຕີຕ່າງປະເທດຂອງ ຕົນໄປຮ່ວມໃນ
ກອງປະຊຸມ ທີ່ນະຄອນວຽນນາ ເຊັ່ນກັນ. ລັດຖະມົນຕີ ການຕ່າງປະເທດຂອງຈີນແລະ
ຂອງຣັດເຊຍບໍ່ໄດ້ເດີນທາງໄປຍັງນະ ຄອນວຽນນາ ແຕ່ໄດ້ສົ່ງນັກການທູດຂັ້ນສູງສຸດ
ຂອງຕົນໄປຮ່ວມນຳ.
ທ່ານ Abbas Araghchi ຮອງລັດຖະມົນຕີຕ່າງປະເທດ ແລະຫົວໜ້າເຈລະຈາຂອງ
ອີຣ່ານ ກ່າວວ່າ ທ່ານຫວັງວ່າ ພວກລັດຖະມົນຕີຕ່າງປະເທດເຫຼົ່ານີ້ ສາມາດບັນລຸຂໍ້
ຕົກລົງກັນໄດ້ ແຕ່ທ່ານກ່າວວ່າ ຄວາມເຫັນແຕກຕ່າງກັນ ແມ່ນຢູ່ໃນຂັ້ນເລິກ.
