ລັດຖະມົນຕີ ຕ່າງປະເທດສະຫະລັດ ທ່ານ John Kerry ກ່າວວ່າ ແນວຄິດທີ່ “ສ້າງສັນ” ແມ່ນຈຳເປັນ ເພື່ອຊອກຫາທາງແກ້ໄຂບັນຫາຂັດແຍ້ງ ລະຫວ່າງອິສ ຣາແອລແລະປາ ແລສໄຕນ໌.
ທ່ານ Kerry ໄດ້ໃຫ້ຄວາມເຫັນດັ່ງກ່າວ ໃນເຊົ້າວັນເສົາມື້ນີ້ ຫລັງຈາກໄດ້ພົບປະທີ່ ນະຄອນຫລວງປາຣີ ກັບລັດຖະມົນຕີຕ່າງປະເທດຝຣັ່ງ ທ່ານ Jean-Marc Ayrault ແລະກ່ອນທີ່ນັກການທູດສູງສຸດຂອງສະຫະລັດ ເດີນທາງໄປ Mongolia.
ທ່ານ Kerry ໄດ້ເດີນທາງໄປນະຄອນຫລວງຝຣັ່ງພ້ອມກັບບັນດາລັດຖະມົນຕີຈາກ 20 ກວ່າປະເທດ ທີ່ໄດ້ຮັບເອົາການສະເໜີຂອງຝຣັ່ງໃຫ້ປະສານງານກ່ຽວກັບແລະເຮັດວຽກ ກ່ຽວກັບໂອກາດ ທີ່ຈະເປີດກອງປະຊຸ່ມນາໆຊາດໃນທ້າຍປີນີ້ ທີ່ແນໃສ່ຫາທາງແກ້ໄຂ ບັນຫາຂັດແຍ້ງທີ່ຍັງດຳເນີນຢູ່ຕໍ່ມາ. ອິສຣາແອລແລະປາ ແລສໄຕນ໌ ຕ່າງກໍບໍ່ໄດ້ໄປຮ່ວມ ກອງປະຊຸມທີ່ປາຣີດັ່ງກ່າວ.
ໃນວັນສຸກວານນີ້ ທ່ານ Kerry ກ່າວວ່າ ທັງສອງຝ່າຍ ອິສຣາແອລ ແລະປາແລສໄຕນ໌ຈຳ ເປັນຕ້ອງໄດ້ເອົາບາດກ້າວໃນທັນທີເພື່ອສະແດງໃຫ້ເຫັນເຖິງຄວາມເຕັມໃຈເພື່ອກ້າວໄປ ສູ່ການມີສັນຕິພາບອັນຖາວອນ.
ທ່ານ Kerry ກ່າວຕໍ່ບັນດານັກຂ່າວວ່າ “ພວກເຮົາຈຳເປັນຕ້ອງໄດ້ຊອກຫາບາດກ້າວອັນ ຮີບດ່ວນຢ່າງໃດຢ່າງນຶ່ງຢູ່ໃນພື້ນຖານ ທີ່ຈະເຮັດໃຫ້ເກີດຄວາມແຕກຕ່າງ. ທຸກໆຄົນເຫັນດີໃນມື້ນີ້ວ່າ ທ່ານບໍ່ສາມາດບັງຄັບໃຫ້ຮັບເອົາຂໍ້ແກ້ໄຂຈາກພາຍນອກ ແລະທ່ານຕ້ອງ ການຢາກໃຫ້ມີການເຈລະຈາໂດຍກົງ.”
ບັນດາຜູ້ເຂົ້າຮ່ວມກອງປະຊຸມກ່າວຢູ່ໃນຖະແຫລງການຮ່ວມວ່າ “ການເຈລະຈາແກ້ໄຂ ແບບມີສອງລັດສອງປະເທດ ເປັນທາງດຽວເທົ່ານັ້ນທີ່ຈະບັນລຸການມີສັນ ຕິພາບອັນຖາ ວອນ ໂດຍມີສອງປະເທດ ອິສຣາແອລ ແລະປາແລສໄຕນ໌ ຢູ່ຄຽງ ຂ້າງດ້ວຍຄວາມສະ ຫງົບ ແລະປອດໄພ.”
