ລັດຖະມົນຕີຕ່າງປະເທດສະຫະລັດ ທ່ານ John Kerry ໄດ້ໄປມີ
ໜ້າຢູ່ສະພາສູງ ໃນວັນພຸດວານນີ້ ເພື່ອຂໍການອະນຸມັດໂດຍສະພາ
ສູງ ຕໍ່ການຮ້ອງຂໍອະນຸຍາດ ໃຊ້ກຳລັງຕໍ່ຕ້ານພວກລັດອິສລາມ
ຂອງປະທານາທິບໍດີ ບາຣັກ ໂອບາມາ.
ທ່ານ Kerry ກ່າວຕໍ່ຄະນະກຳມະການ ຄວາມສຳພັນກັບຕ່າງ
ປະເທດ ວ່າ ການໃຫ້ການອະນຸມັດໂດຍລັດຖະສະພານັ້ນ ຈະ
ລົບລ້າງຄວາມບໍ່ແນ່ໃຈໃດໆ ທີ່ວ່າຊາວອາເມຣິກັນ ມີຄວາມປຸ້ມ
ລຸມສາມັກຄີກັນ ໃນຄວາມພະຍາຍາມ ເພື່ອເອົາຊະນະພວກຫົວ
ຮຸນແຮງ ແລະ ຜູ້ໃດກໍ່ຕາມທີ່ກ່ຽວຂ້ອງກັບພວກເຂົານັ້ນ.
ທ່ານ Kerry ກ່າວຖະແຫລງຕໍ່ບັນດາຜູ້ແທນ ວ່າ “ຄວາມສາມັກຄີຂອງພວກທ່ານ ຈະ
ສົ່ງສັນຍານອັນບໍ່ຜິດພາດ ຕໍ່ບັນດາຜູ້ນຳຂອງລັດອິສລາມ ທີ່ເອີ້ນວ່າ Daesh ຊຶ່ງ
ເປັນອັກສອນຫຍໍ້ ໃນພາສາອາຣັບ. ພວກເຂົາຕ້ອງເຂົ້າໃຈວ່າ ພວກເຂົາບໍ່ສາມາດ ແບ່ງແຍກພວກເຮົາໄດ້ ບໍ່ໃຫ້ພວກເຂົາເຮັດແນວນັ້ນ. ພວກເຂົາ ບໍ່ສາມາດຂົ່ມຂູ່
ພວກເຮົາໄດ້. ແລະ ພວກເຂົາບໍ່ມີຄວາມຫວັງເລີຍ ທີ່ຈະເອົາຊະນະພວກເຮົາໄດ້.”
ໃນຂະນະທີ່ ປະທານາທິບໍດີ ໂອບາມາ ແມ່ນມີອຳນາດຕາມ
ກົດໝາຍຢູ່ແລ້ວ ທີ່ຈະປະຕິບັດ ການຕໍ່ຕ້ານພວກລັດອິສລາມ
ໄດ້ ທ່ານ Kerry ກ່າວວ່າ ການອະນຸມັດຈາກລັດຖະສະພາ
ຈະອຳນວຍໃຫ້ປະທານາທິບໍດີ ສາມາດເຄື່ອນໄຫວໄດ້ ໂດຍ
ບໍ່ມີຂໍ້ຈຳກັດ ໃນການປະຕິບັດງານ ທາງທະຫານທີ່ຈະສຳເລັດ
ຜົນໄດ້.
ທ່ານ Kerry ຮຽກຮ້ອງໃຫ້ສະພາສູງ ຫລີກລ້ຽງເລື້ອງການເມືອງ
ພາຍໃນພັກ ເມື່ອພິຈາລະ ນາ ຄຳຮ້ອງຂໍຂອງປະທານາທິບໍດີ.
ທ່ານກ່າວອີກວ່າ ການຕອບໂຕ້ຕໍ່ການຂົ່ມຂູ່ຈາກລັດອິສລາມນັ້ນ
ມັນບໍ່ແມ່ນບັນຫາເລື້ອງຂອງພັກການເມືອງໃດນຶ່ງ.
U.S. Secretary of State John Kerry went before the Senate Wednesday to get approval for President Barack Obama's request for authorization to use force against Islamic State.
Kerry told the Foreign Relations Committee that approval by Congress would wipe out any doubt that Americans are united in the effort to defeat the militants and anyone associated with them.
"Your unity would send an unmistakable message to the leaders of Daesh [the Arabic acronym for Islamic State]," Kerry told the lawmakers. "They have to understand they cannot divide us. Don't let them. They cannot intimidate us. And they have no hope of defeating us."
While President Obama already has the legal authority to take action against Islamic State, Kerry said congressional authorization would give the president more flexibility to direct a successful military campaign.
Kerry appealed to the Senate to avoid party politics when considering the president's request. He said responding to the threat from Islamic State is not a partisan issue.
