ດຖະມົນຕີ ຕ່າງປະເທດ ສະຫະລັດ ທ່ານ John Kerry ໄດ້
ຮຽກຮ້ອງໃຫ້ ມີການສ້າງຕັ້ງແນວໂຮມໃນຂອບເຂດທີ່ກວ້າງ
ຂວາງຂອງໂລກຂຶ້ນເພື່ອຕໍ່ສູ້ກັບ ພວກຫົວຮຸນແຮງລັດອິສລາມ
ທີ່ຮູ້ກັນໃນນາມກຸ່ມ ISIS ນັ້ນ.
ຢູ່ໃນບົດຄວາມທີ່ເຜີຍແຜ່ໂດຍໜັງສືພິມ The New York
Time ໃນວັນເສົາ ມື້ນີ້ ທ່ານ Kerry ກ່າວວ່າ ກຸ່ມກໍ່ການຮ້າຍດັ່ງ
ກ່າວ ແມ່ນເປັນໄພຂົ່ມຂູ່ເພີ້ມຂຶ້ນ ບໍ່ພໍພຽງແຕ່ຢູ່ໃນອີຣັກ ແລະ
ຊິີເຣຍເທົ່ານັ້ນ ແຕ່ຕໍ່ທຸກບ່ອນ ທີ່ພວກເຂົາສາມາດ ເດີນທາງໄປ
ຫາໄດ້ ໂດຍທີ່ບໍ່ມີຜູ້ໃດຮູ້ ຮວມທັງສະຫະລັດ.
ທ່ານກ່າວວ່າ ພວກນັກລົບກຸ່ມ ISIS ໄດ້ສະແດງໃຫ້ເຫັນເຖິງຄວາມໂຫດຮ້າຍປ່າເຖື່ອນ
ແລະອຳມະຫິດ ແຕ່ກໍສາມາດຕ້ານດ້ວຍ “ແນວໂຮມໃນຂອບເຂດ ທີ່ກວ້າງຂວາງເທົ່າທີ່
ເປັນໄປໄດ້ຂອງປະເທດຕ່າງໆ” ທີ່ນຳພາໂດຍສະຫະລັດ.
ປະທານາທິບໍດີ Barack Obama ກ່າວວ່າ ປັດຈຸບັນນີ້ ທ່ານບໍ່ມີຍຸດທະສາດໃດໆເພື່ອ
ໂຈມຕີກຸ່ມລັດອິສລາມເທື່ອ ແຕ່ທ່ານ Kerry ກ່າວຢູ່ໃນບົດຄວາມໜັງສືພິມຂອງທ່ານວ່າ
ວໍຊິງຕັນຈະນຳສະເໜີແຜນການປະຕິບັດງານຢູ່ທີ່ກອງປະຊຸມສຸດຍອດຂອງສະພາຄວາມ
ໝັ້ນຄົງສະຫະປະຊາຊາດ ໃນເດືອນກັນຍານີ້ ລະຫວ່າງ ກອງປະຊຸມສະມັດຊາໃຫຍ່.
ທ່ານ Kerry ໄດ້ມ້ວນທ້າຍບົດຂຽນຂອງທ່ານ ໂດຍກ່າວວ່າ “ພວກຫົວຮຸນແຮງຈັດໄດ້ຮັບ
ການປະລາໄຊ ກໍຕໍ່ເມື່ອບັນດາປະເທດ ທີ່ມີຄວາມຮັບຜິດຊອບຕ່າງໆ ແລະປະຊາຊົນປະ
ເທດເຫຼົ່ານັ້ນ ພາກັນຮ່ວມກັນ ຕ້ານພວກເຂົາ.”
