ປະທານາທິບໍດີເຄັນຢາ ທ່ານ Uhuru Kenyatta ເປັນຜູ້ນຳທີ່ຍັງ
ຢູ່ໃນຕຳແໜ່ງ ຄົນທຳອິດ ທີ່ໄດ້ໄປປາກົດໂຕຢູ່ຕໍ່ໜ້າ ສານອາຊະ
ຍາກຳສາກົນ ໃນນະຄອນ Hague.
ທ່ານ Kenyatta ໄດ້ໄປມີໜ້າ ຢູ່ໃນຫ້ອງສານ ໃນວັນພຸດມື້ນີ້ເພື່ອ
ຮັບຟັງການພິຈາລະນາ ຂັ້ນສະຖານະພາບ ກ່ຽວກັບຄະດີຟ້ອງ
ຮ້ອງທ່ານ ໃນຂໍ້ກ່າວຫາ 5 ກະໂທງ ຂອງອາຊະຍາກຳຕໍ່ມວນ
ມະນຸດ ສຳຫລັບການຊ່ວຍຈັດແຈງ ໃຫ້ມີການກໍ່ຄວາມຮຸນແຮງ ທີ່
ພາໃຫ້ມີການເສຍຊີວິດ ຫຼັງຈາກການເລືອກຕັ້ງ ໃນປີ 2008 ຊຶ່ງ
ທ່ານກ່າວວ່າ ທ່ານບໍ່ມີຄວາມຜິດເລີຍ.
ບັນດາໄອຍະການສານ ໄດ້ຈົ່ມວ່າໃນວັນອັງຄານວານນີ້ ວ່າລັດຖະ ບານເຄັນຢາ ໄດ້ກີດກັ້ນບໍ່ໃຫ້ກວດສອບເອກະສານສຳຄັນຕ່າງໆ. ລັດຖະມົນຕີກະຊວງຍຸດຕິທຳເຄັນຢາ ທ່ານ Githu Muigai ໄດ້ຕອບໂຕ້ວ່າ ລັດຖະບານເຮັດດີທີ່ສຸດແລ້ວ ແລະວ່າ ຄວາມຕ້ອງການຕ່າງໆ ຂອງ ຄະນະໄອຍະການນັ້ນ ແມ່ນບາງເທື່ອກໍຍາກທີ່ຈະສະໜອງໃຫ້ໄດ້.
ທ່ານ Kenyatta ໄດ້ມອບອຳນາດປົກຄອງປະເທດ ໃຫ້ແກ່ ຮອງປະທານາທິບໍດີ ທ່ານ William Ruto ເປັນການຊົ່ວຄາວ ໃນຂະນະທີ່ທ່ານບໍ່ຢູ່ໃນປະເທດນັ້ນ.
