ລິ້ງ ສຳຫລັບເຂົ້າຫາ

ສານເຄັນຢາ ຈະຟັງ ການຄັດຄ້ານ ບໍ່ໃຫ້ຂຶ້ນ ເງິນເດືອນ ແກ່ ສມຊ ສະພາ


ບັນດາ​ອົງການປະຊາ​ສັງຄົມຕ່າງໆ ທີ່​ຄັດຄ້ານ​ ຕໍ່​ການ​ຂື້ນ​ເງິນ​ເດືອນ ​ໃຫ້​ແກ່ບັນດາສະມາຊິກ​ສະພາ​ແຫ່ງ​ຊາດ ​
ສານ​ສູງຂອງເຄັນ​ຢາຈະ​ຮັບ​ຟັງ​ການ​ຮ້ອງທຸກໃນ​ວັນ​ສຸກ​ມື້​ນີ້ຈາກ
ບັນດາ​ອົງການ ​ປະຊາ​ສັງຄົມຕ່າງໆ ທີ່​ຄັດຄ້ານ​ຕໍ່​ການ​ຂື້ນ​ເງິນ​
ເດືອນ ​ໃຫ້​ແກ່ບັນດາສະມາຊິກ​ສະ ພາ​ແຫ່ງ​ຊາດ ​ທີ່​ເປັນ​ບັນຫາ​
ຖົກ​ຖຽງ​ໂຕ້​ແຍ້​ງນັ້ນ.

ບັນ​ດາ​ຜູ້​ແທນ​ສະພາຂອງ​ເຄັນ​ຢາ​ຊຶ່ງ​ຈັດ​ຢູ່ໃນ​ກຸ່ມ​ທີ່​ໄດ້​ຮັ​ບ​ເງິນ
​ເດືອນ​ສູງທີ່​ສຸດ​ໃນໂລກນັ້ນໄດ້​ພາກັນ​ລົງ​ຄະ​ແນ​ນສຽງ​ຢ່າງເປັນ​
ເອກ​ກະສັນ ​ໃນ​ອາທິດ​ນີ້ ​ເພື່ອ​ຂື້ນ​ເງິນເດືອນ​ໃຫ້​ແກ່​ຕົນ​ເອງ ທີ່
​ເທົ່າ​ກັບ​ປະມານ $10,000 ​ໂດ​ລາ​ຕໍ່​ເດືອນ.

ການ​ລົງ​ຄະ​ແນນ​ສຽງດັ່ງກ່າວ ​ໄດ້​ຕ່າວປີ້ນການ​ຕັດ​ສິນ​ໃຈ​ກ່ອນ
ໜ້ານີ້ ​ໂດຍ​ຄະ ນະ​ກໍາມະການ​ຕັ້ງ​ເງິນ​ເດືອນ ທີ່​ຕັດເງິນເດືອນຂອງ​ສະມາຊິກ​ສະພາ ​ລົງ
ຈາກ 126,000 ມາ​ເປັນ 78,000 ຕໍ່ປີ ອັນເປັນ​ພາກສ່ວນ​ນຶ່ງໃນ​ຄວາມ​ພະຍາຍາມ ​ເພື່ອ​ຕັດ​ການ​ໃຊ້​ຈ່າຍ​ກ່ຽວ​ກັບ​ເງິນ​ເດືອນຂອງລັດຖະບານລົງ.

ທ່ານ Appolo Mboya ​ເປັນ​ຫົວໜ້າສະມາຄົມ​ກົດໝາຍເຄັນ​ຢາ ຊຶ່ງເປັນ​ນຶ່ງໃນ​ບັນດາ
ກຸ່ມ​ທ້າ​ທາຍ ກ່ຽວ​ກັບການ​ຕັດສິນ​ໃຈ​ຂອງ​ສະມາຊິກ​ສະພາ. ທ່ານ​ກ່າວ​ຕໍ່ ວີ​ໂອ​ເອ​ວ່າ ລັດຖະທໍາ​ມະນູນ​ຂອງ​ເຄັນ​ຢາ ບໍ່​ໄດ້​ອະນຸຍາດ​ໃຫ້ບັນດາສະມາຊິກ​ສະພາ ຕັ້ງເງິນ​ເດືອນ ​ຂອງ​ຕົນ​ເອງ.
XS
SM
MD
LG