ລິ້ງ ສຳຫລັບເຂົ້າຫາ

ສານນາໆຊາດ ປະຕິເສດ ບໍ່ຍອມຍຸຕິ ການດຳເນີນຄະດີ ຕໍ່ ປ.ເຄນຢາ


ປະທານາທິບໍດີ Uhuru Kenyatta ແຫ່ງເຄນຢາ ຍົກມືຂຶ້ນ ຂະນະທີ່ໄປຮ່ວມວັນວີລະຊົນ ທີ່ສະໜາມກິລາແຫ່ງຊາດ Nyayo ໃນນະຄອນຫຼວງໄນໂຣບີ (20 ຕຸລາ 2013)
ສານອາຍານາໆຊາດຫລື ICC ໄດ້ປະຕິເສດຕໍ່ການພະຍາຍາມ
ຂອງປະທານາທິບໍດີເຄນຢາທ່ານ Uhuru Kenyatta ທີ່ຢາກໃຫ້ ຍຸຕິການດຳເນີນຄະດີຕໍ່ທ່ານຊຶ່ງຈະມີຂຶ້ນໃນໄວໆນີ້ໃນຂໍ້ຫາກໍ່ອາ ຊະຍາກຳຕ້ານມະນຸດຊາດ.

ພວກທະນາຍຄວາມຂອງທ່ານ Kenyatta ໄດ້ຮຽກຮ້ອງໃຫ້ສານ
ອາຍານາໆຊາດ ທີ່ມີສຳນັກງານຢູ່ນະຄອນ Hague ປະເທດເນ
ເທີແລນຍຸຕິການດຳເນີນຄະດີດັ່ງກ່າວນີ້ ໂດຍເວົ້າວ່າ ການຟ້ອງ
ຮ້ອງໄດ້ນຳສະເໜີຂໍ້ມູນ ທີ່ບໍ່ຖືກຕ້ອງຕໍ່ສານ.

ແຕ່ໃນຖະແຫລງຂ່າວສະບັບນຶ່ງ ທີ່ນຳອອກເຜີຍແຜ່ໃນວັນພະ
ຫັດວານນີ້ ສານອາຍານາໆຊາດກ່າວວ່າ ການກ່າວຫາ ຂອງຄະນະທະນາຍຄວາມທ່ານ Kenyatta ນັ້ນ ບໍ່ຈິງຈັງພຽງພໍທີ່ຈະຍຸຕິການດຳເນີນຄະດີ ຊຶ່ງກຳນົດຈະເລີ້ມຂຶ້ນໃນວັນທີ
5 ກຸມພາຈະມານີ້.

ນອກນັ້ນ ສານຍັງເວົ້າວ່າ ພວກທະນາຍຄວາມຂອງປະທານາທິບໍດີເຄນຢາ ອາດທ້າທາຍ ຕໍ່ຂໍ້ມູນໃດໆກໍຕາມ ທີ່ເຫັນວ່າບໍ່ຖືກຕ້ອງ ຂອງໄອຍະການໄດ້ໃນລະຫວ່າງການດຳເນີນຄະ ດີ.

ປະທານທິບໍດີ Kenyatta ແລະຜູ້ຮອງຂອງທ່ານ ຄືທ່ານ William Ruto ຕ່າງກໍຖືກກ່າວ ຫາວ່າ ເປັນຜູ້ບົງການຢູ່ເບື້ອງຫຼັງ ການກໍ່ຄວາມຮຸນແຮງ ລະຫວ່າງຊົນຊາດຊົນເຜົ່າ ຫລັງ ຈາກການເລືອກຕັ້ງປະທານາທິບໍດີເຄນຢາ ໃນປີ 2007. ມີຫຼາຍກວ່າ 1,100 ຄົນໄດ້ຖືກ ສັງຫານ. ການດຳເນີນຄະດີທ່ານ Ruto ພວມດຳເນີນຢູ່ໃນເວລານີ້.
XS
SM
MD
LG