ລິ້ງ ສຳຫລັບເຂົ້າຫາ

ກຸ່ມກໍ່ການຮ້າຍ al-Shabab ແກວ່ງລະເບີດ ໃສ່ໂຮງຮຽນວັດ


ແຜນທີ່ປະເທດເຄນຢາ ຕັ້ງຢູ່ພາກຕາເວັນອອກຂອງ ທະວີບອາຟຣິກາ.
ເຈົ້າໜ້າທີ່ເຄັນຢາ ກ່າວວ່າ ໄດ້ມີຄົນແກ່ວງລູກລະເບີດມືລູກນຶ່ງ
ເຂົ້າໃສ່ໂບດແຫ່ງນຶ່ງໃນເມືອງຫລວງໄນໂຣບີ ເຮັດໃຫ້ເດັກນ້ອຍ
ຄົນນຶ່ງເສຍຊີວິດ ແລະອີກສາມຄົນໄດ້ຮັບບາດເຈັບ.

ເຈົ້າໜ້າທີ່ຕໍາຫລວດກ່າວວ່າ ການໂຈມຕີປະກົດວ່າ ແນ່ໃສ່ບັນ
ດາເດັກນ້ອຍທີ່ໄປໂຮງຮຽນວັດ ໃນວັນອາທິດ.

ຍັງບໍ່ທັນມີກຸ່ມໃດອອກມາຮັບເອົາຄວາມຮັບຜິດຊອບ ຕໍ່ການ
ໂຈມຕີໃນວັນອາທິດ ມື້ນີ້ ຕໍ່ໂບດ St Polycap ຢູ່ໃນເຂດຊານ
ເມືອງຫລວງໄນໂຣບີ. ແຕ່ບັນດາເຈົ້າໜ້າທີ່ສົງໃສວ່າ ແມ່ນ
ກຸ່ມກໍ່ການຮ້າຍ al-Shabab.

ຊາວເຄັນຢາໄດ້ປະສົບກັບການໂຈມຕີໂບດຢ່າງຢ່າງຮ້າຍແຮງເຖິງຕາຍຫລາຍໆ ຄັ້ງລຽນ
ຕິດກັນມາ ນັບຕັ້ງແຕ່ເຄັນຢາໄດ້ສົ່ງທະຫານເຂົ້າໄປໃນປະເທດເພື່ອນບ້ານ ໂຊມາເລຍ ເມື່ອປີກາຍນີ້ ພ້ອມກັບກໍາລັງທະຫານຂອງສະຫະພາບອາຟຣິກາ ເພື່ອຕໍ່ສູ້ກັບກຸ່ມກໍ່ການ
ຮ້າຍ al-Shabab ນັ້ນ.

ກຸ່ມດັ່ງກ່າວ ທີ່ມີການພົວພັນກັນກັບກຸ່ມ al-Qaida ໄດ້ປະລະທີ່ໝັ້ນແຫ່ງສຸດທ້າຍຂອງ
ພວກເຂົາ ໃນໂຊມາເລຍ ໃນວັນເສົາວານນີ້ ແລະໄດ້ປະຕິຍານວ່າ ຈະທໍາການແກ້ແຄ້ນ
ກອງກໍາລັງຂອງເຄັນຢາ ແລະສະຫະພາບອາຟຣິກາ.
XS
SM
MD
LG