ຊາວເຄັນຍາ ໃນຈຳນວນຫລວງຫລາຍ ພາກັນໄປຢ່ອນບັດລົງຄະແນນສຽງ ໃນວັນພຸດມື້ນີ້ ໃນການລົງປະຊາມະຕິກ່ຽວກັບລັດຖະທຳມະນູນສະບັບໃໝ່ ຊຶ່ງຈະຈຳກັດອຳນາດຂອງປະທານາທິບໍດີລົງ ໃນຂະນະທີ່ໃຫ້ອຳນາດຫລາຍຂຶ້ນແກ່ທາງການປົກຄອງທ້ອງຖິ່ນ. ຄາດວ່າຜົນການລົງປະຊາມະຕິຊຸດທຳອິດ ຈະຮູ້ໄດ້ໃນຄືນວັນພະຫັດຫາວັນສຸກນີ້.
ການຢັ່ງຫາງສຽງປະຊາຊົນສະແດງໃຫ້ເຫັນວ່າ ຊາວເຄັນຍາສ່ວນໃຫຍ່ຈະລົງຄະແນນສຽງຮັບຮອງເອົາລັດຖະທຳມະນູນສະບັບໃໝ່ນີ້ ທີ່ກວມເອົາຫລາຍໆບັນຫາ ອັນໂຮມທັງສິດທິກ່ຽວກັບທີ່ດີນແລະການຮີດລູກ.
ພວກເຈົ້າໜ້າທີ່ເຄັນຢາ ໄດ້ໃຫ້ຄໍາໝັ້ນສັນຍາວ່າ ການລົງປະຊາມະຕິຈະເປັນໄປຢ່າງ
ໂປ່ງໃສ ແລະເປັນສັນຕິ ກ່ວາການເລືອກຕັ້ງປະທານາທິບໍດີທີ່ເປັນບັນຫາຖົກຖຽງກັນ
ໃນປີ 2007 ນັ້ນ ຊຶ່ງການກ່າວຫາຕ່າງໆກ່ຽວກັບການສໍ້ໂກງການເລືອກຕັ້ງ ໄດ້ພາ
ໃຫ້ມີການປະທ້ວງຢ່າງຮຸນແຮງລຸນຫັລງການເລືອກຕັ້ງ ທີ່ເຮັດໃຫ້ມີຜູ້ເສຍຊີວິດເຖິງ
1,300 ຄົນ
ກົດໝາຍລັດຖະທຳມະນູນໃໝ່ນີ້ ຈະຈຳກັດຈໍານວນສະມາຊິກໃນຄະນະລັດຖະບານ
ລົບລ້າງຕໍາແໜ່ງນາຍົກລັດຖະມົນຕີ ແລະຈຳກັດການມີກຳມະສິດໃນທີ່ດິນຂອງຜູ້ຄົນ
ທີ່ບໍ່ຖືສັນຊາດເຄັນຍາ.
