ພວກເຈົ້າໜ້າທີ່ໃນພາກຕາເວັນອອກສຽງເໜືອຂອງເຄັນຢາເວົ້າວ່າ ຢ່າງໜ້ອຍມີ 10 ຄົນ
ເສຍຊີວິດ ເວລາພວກຄົນຮ້າຍແກວ່ງລະເບີດມື ເຂົ້າໄປ ໃນວັດ 2 ແຫ່ງ.
ພວກເຈົ້າໜ້າທີ່ຍັງກ່າວອີກວ່າ 40 ຄົນໄດ້ຮັບບາດເຈັບ ໃນການໂຈມຕີ ພ້ອມໆກັນ ໃນ
ວັນອາທິດມື້ນີ້ ທີ່ວັດແຫ່ງນຶ່ງຂອງສາສະນາຄາໂຕລິກໂຣມັນ ແລະວັດແຫ່ງນຶ່ງຂອງສາສະ
ໜາ African Inland ທີ່ເມືອງ Garissa ໃກ້ກັບຊາຍແດນໂຊມາເລຍ.
ໄດ້ມີການວາງລະເບີດ ແລະການລັກພາໂຕ ເກີດຂຶ້ນຢ່າງຫລວງຫລາຍ ຢູ່ໃນ ເຄັນຢາ ນັບຕັ້ງແຕ່ເດືອນຕຸລາປີກາຍນີ້ເປັນຕົ້ນມາ ຫລັງຈາກກໍາລັງທະຫານຂອງເຄນຢາຂ້າມ
ຊາຍແດນເຂົ້າໄປໃນໂຊມາເລຍ ເພື່ອຊ່ວຍປະເທດນັ້ນ ຕໍ່ສູ້ກັບພວກຫົວຮຸນແຮງອິສລາມ
al-Shabab.