ປະທານາທິບໍດີ Nursultan Nazarbayev ແຫ່ງກາຊັກສະ
ຖານ ໄດ້ຖືກເລືອກຕັ້ງເປັນປະທານາທິບໍດີ ຄືນອີກສະໄໝໜຶ່ງ
ກຳນົດຫ້າປີ ໃນວັນອາທິດວານນີ້ ໃນການປ່ອນບັດທີ່ບໍ່ມີຜູ້
ຄັດຄ້ານຢ່າງແທ້ຈິງເລີຍນັ້ນ.
ທ່ານ Nazarbayev ໄດ້ຮັບ 97.7 ເປີເຊັນຂອງບັດຄະແນນ
ສຽງທັງໝົດ. ພວກຜູ້ສະໝັກເລືອກຕັ້ງອີກສອງທ່ານ ຊຶ່ງຜູ້ໜຶ່ງເປັນເຈົ້າໜ້າທີ່ພັກຄອມມີວ
ນິດທີ່ບໍ່ມີໃຜຮູ້ຈັກ ແລະອີກຄົນໜຶ່ງເປັນສະມາຊິກສະຫະພັນກຳມະບານທີ່ຜູ້ຄົນບໍ່ຮູ້ຈັກຫຼາຍໄດ້ຮັບສຽງສະໜັບສະໜຸນ 1 ເປີເຊັນ ຫຼືໜ້ອຍກວ່ານັ້ນ.
ຄະນະກຳມະການກຳກັບການເລືອກຕັ້ງກ່າວວ່າ ໄດ້ມີຄົນໄປປ່ອນບັດຫຼາຍເປັນປະຫວັດການ ຄືຫຼາຍກວ່າ 95 ເປີເຊັນຂອງຈຳນວນຜູ້ມີສິດປ່ອນບັດ.
ກາຊັກສະຖານທີ່ອຸດົມສົມບູນໄປດ້ວຍບໍ່ນ້ຳມັນ ໄດ້ຈະເລີນເຕີບໂຕຂຶ້ນ ນັບແຕ່ໄດ້ຮັບ
ເອກະລາດຈາກອະດີດສະຫະພາບໂຊຫວຽດໃນປີ 1991 ເປັນຕົ້ນມາ.
ປະເທດດັ່ງກ່າວໄດ້ຫຼີກລ້ຽງຈາກສົງຄາມ ພ້ອມທັງຄວາມຮຸນແຮງແລະການລຸກຮືຂຶ້ນທາງດ້ານການເມືອງ ທີ່ໄດ້ທຳລາຍຫຼາຍໆປະເທດໃນອະດີດສະຫະພາບໂຊຫວຽດ. ກາຊັກສະ
ຖານເປັນພັນທະມິດທີ່ໃກ້ຊິດ ກັບທັງຣັດເຊຍແລະສະຫະລັດ ອາເມລິກາ.
ແຕ່ທ່ານ Nazarbayev ໄດ້ເປັນຜູ້ນຳຄົນດຽວ ຂອງກາຊັກສະຖານ ມາຕັ້ງແຕ່ປີ 1989. ບັນດາກຸ່ມປົກປ້ອງສິດທະມະນຸດ ພາກັນກ່າວຫາທ່ານວ່າ ປາບປາມການປາກເວົ້າຢ່າງເສລີ ແລະພວກຄັດຄ້ານ. ການເລືອກຕັ້ງໃນກາຊັກສະຖານບໍ່ເຄີຍຖືກປະກາດວ່າ ດຳເນີນໄປຢ່າງເສລີແລະຍຸຕິທຳ ໂດຍພວກຕິດຕາມສິ້ງຊອມເບິ່ງການເລືອກຕັ້ງນາໆຊາດ ຈັກເທື່ອ.
ລາຄານ້ຳມັນຕົກໃນໄລຍະຫຼັງໆນີ້ ໄດ້ພາໃຫ້ເສດຖະກິດຂອງກາຊັກສະຖານຕົກຕໍ່າ ລົງ.
